Ադրբեջանը սաստկացնում է ճնշումները. Թուրքիան չի շտապում բացել Հայաստանի հետ սահմանը

Փաշինյան-Էրդողան վերջին հեռախոսազրուցից հետո Հայաստանի վարչապետի աշխատակազմի հրապարակած հաղորդագրությունում նշված է, թե երկու երկրների ղեկավարները հարաբերություններն առանց որևէ նախապայմանի կարգավորելու կամք են արտահայտել: Այդ հայտարարությունը տարակուսանք է առաջացնում թուրքագետների մոտ. Անկարայի դիվանագիտական պատմության մեջ չի եղել մի դրվագ, երբ այդ երկիրը ընկրկի նախապես հայտարարած պահանջների առաջ՝ առանց դիմացը որևէ բան ստանալու: Անկարայի վերջին պայմանը հայ-ադրբեջանական խաղաղության պայմանագրի ստորագրումն էր, առանց որի Անկարան հրաժարվում է բացել ցամաքային սահմանը մեր երկրի հետ: