Անդրանիկ Քոչարյանը վախվորած է և անհանգստացած. «Ժողովուրդ»

«Ժողովուրդ» օրաթերթը գրում է. «Չնայած նրան, որ ԱԺ ՔՊ խմբակցության պատգամավոր Անդրանիկ Քոչարյանը ուզում է ցույց տալ, թե շատ հանգիստ է վերաբերվում իր վարքի վերաբերյալ էթիկայի հանձնաժողով ստեղծելու հարցին, բայց ՔՊ-ական մեր աղբյուրները փոխանցում են, որ նա իրականում շատ վախվորած և անհանգստացած է:

«Ժողովուրդ» օրաթերթի տեղեկությունների համաձայն՝ Անդրանիկ Քոչարյանը տևական ժամանակ է համախոհներ է փնտրում, որպեսզի պաշտպանեն իրեն իր պահվածքի հետ կապված, բայց արի ու տես, որ միակ «պաշտպանը» ՔՊ խմբակցության սյունեցի պատգամավոր Արմեն Խաչատրյանն էր, որ երեկ փորձում էր արդարացնել նրան: Հիշեցնենք՝ երեկ ԱԺ պետական իրավական մշտական հանձնաժողովում քննարկվում էր Անդրանիկ Քոչարյանի վարքագծի վերաբերյալ պատգամավորական էթիկայի հարցերով հանձնաժողով ստեղծելու մասին օրենքի նախագիծը:

Իշխող ՔՊ խմբակցության ներկայացուցիչները առանց որևէ տրամաբանական հիմնավորման դեմ քվեարկեցին նախագծին, չնայած, դրան զուգահեռ, դատապարտեցին Քոչարյանի պահվածքը: Միայն Խաչատրյանը փորձ արեց ամեն բան բարդել լրագրողների վրա՝ պաշտպանելով Քոչարյանին, բայց նրա մոտ էլ դա չստացվեց:

Նշենք, որ մարտի 20-ին ԱԺ պաշտպանության հարցերի մշտական հանձնաժողովի նախագահ Անդրանիկ Քոչարյանը լրագրող Հռիփսիմե Ջեբեջյանին արգելել էր իր կողքին կանգնել մյուս լրագրողների հետ, հարցազրույց վերցնել իրենից՝ ասելով․ «Ինձանից հեռու կանգնե՛ք, դուք լրագրող չեք, մաքրեք ձեր շրթունքները»: Ավելի ուշ պարզաբանել էր, թե Սաղմոսից է ցիտել, թե Բագրատ Սրբազանին է մեջբերել՝ մանիպուլացնելով Սրբազանի ասած խոսքը սատանաների մասին: Մեր աղբյուրները նշում են, որ ՔՊ-ն ներքին քննարկումների ժամանակ «դատափետում» է Քոչարյանին, սակայն հանձնաժողով ստեղծելուց վախենում է, քանի որ վստահ չէ, որ վաղը կամ մյուս օրը մի այլ ՔՊ-ական պատգամավոր Քոչարյանից ավելի վատ վարք չի դրսևորի, ասենք՝ Ալեն Սիմոնյանի պես թքի քաղաքու վրա: Ի դեպ, նիստին ուշիուշով հետևել էր հենց Քոչարյանը ու ավարտից անմիջապես հետո իջել հանձնաժողովի նիստերի դահլիճի մոտ՝ տրամադրությունները հասկանալու համար: Բայց ոչ մի ՔՊ-ական նրան տոն չտվեց, կամ չզրուցեց նրա հետ: Ակնհայտ է, որ Քոչարյանը խորհրդարանում մենակ է մնացել իր շողքի հետ միասին:

Անգամ սիրելի Արփի Դավոյանը մի բառ չխոսեց՝ ի պաշտպանություն Քոչարյանի»։

Առավել մանրամասն թերթի այսօրվա համարում