Արագածոտնում բախվել են բեռնատարն ու «Կամազ»-ը. կան վիրավորներ

Այսօր՝ օգոստոս 7-ին, խոշոր ավտովթար է տեղի ունեցել Արագածոտնի մարզում: Ժամը 17:30-ի սահմաններում Երևան-Վանաձոր ավտոճանապարհի 56 կմ հատվածում բախվել են «Ford Transit», բեռնատար «Mercedes», և կցորդիչով «Կամազ» մակնիշի ավտոմեքենաները:

Shamshyan․com-ի հաղորդմամբ՝ վթարի հետևանքով 2 հոգի տարբեր աստիճանի մարմնական վնասվածքներով տեղափոխվել են «Ապարան» բժշկական կենտրոն:

Բախման հետևանքով «Ford Transit»-ը հայտնվել է ճանապարհի մեջտեղում, ինչի պատճառով էլ երթևեկությունը դարձել է մի փոքր դժվարանցանելի, սակայն պարեկներին հաջողվում է երթևեկությունը կարգավորել:

Վթարի փաստով Ապարանի քննչական բաժնում նախաձեռնվել է քրեական վարույթ: