Արամ Երիցյանին կալանավորելու միջնորդությունը կրկին մերժվեց

Պարեկների կողմից ծեծի ենթարկված Արամ Երիցյանին կալանավորելու միջնորդությունը կրկին մերժվեց։ Այդ մասին հայտնում է փաստաբան Ռոման Երիցյանը։

«Դատարանը կրկին մերժեց Ռոման Երիցյանի եղբորը, Արամ Երիցյանին կալանավորելու միջնորդությունը, որը քննչականն այս անգամ ներկայացրել էր իրավունքի և բարոյականության սկզբունքների արհամարհմամբ։

Նորից ուրախությամբ արձանագրում եմ, որ գրանցվեց Արամի հաղթանակը։

Այս երկրորդ միջնորդության ներկայացնելն արձանագրեց, որ քննչական կոմիտեն հրաժարվել է իր առաքելությունից ու ստանձնել է հակամարդկային արարքի պաշտպանությունը:

Ռոմանի հրապարակած տեսանյութում, որտեղ պարեկները ուղիղ խոշտանգման են ենթարկում Արամ Երիցյանին, հստակորեն հաստատվում է, որ առնվազն այդ երկու պարեկները տառապում են հակամարդկային հիվանդությամբ: Նրանք, իմ գնահառմամբ, մարդատյաց են»։

Նշենք, ավելի վաղ մերժվել էր քննիչի կողմից ներկայացված՝ Արամ Երիցյանին կալանավորելու վերաբերյալ նույնաբովանդակ միջնորդությունը, ինչպես նաև ոչ իրավաչափ ճանաչել Արամ Երիցյանի եռօրյա ձերբակալումը։ Արամ Երիցյանի և պարեկների միջև տեղի ունեցած միջադեպով քրեական վարույթ է նախաձեռնվել: