Բայդենն ու Թրամփը հանդիպել են Սպիտակ տանը

ԱՄՆ գործող նախագահ Ջո Բայդենը Սպիտակ տան Օվալաձև աշխատասենյակում ընդունել է նորընտիր նախագահ Դոնալդ Թրամփին: Միջոցառումը գրավել է ամերիկյան լրատվամիջոցների ուշադրությունը, քանի որ սա առաջին անգամն է, երբ Թրամփը վերադառնում է Սպիտակ տուն 2021 թվականին իր հեռանալուց հետո:

Բայդենը Թրամփին խոստացել է, որ կապահովի իշխանության սահուն անցումը ԱՄՆ հաջորդ վարչակազմին։

«Դե, պարոն նորընտիր նախագահ, նախկին նախագահ Դոնալդ, շնորհավորում եմ»,- ասել է Բայդենը՝ ողջունելով Թրամփին:

Թրամփը պատասխանել է, որ քաղաքականությունը կոշտ և հաճախ ոչ այնքան հաճելի աշխարհ է, բայց այսօր այստեղ ամեն ինչ լավ է, և որ ինքը գնահատում է դա։