Դատարանը մերժեց Նարեկ Սամսոնյանի և Վազգեն Սաղաթելյանի նկատմամբ Էլեկտրոնային հսկողություն կիրառելու միջնորդությունը

Երևանի ընդհանուր իրավասության քրեական դատարանը՝ դատավոր Արման Հովհաննիսյանի նախագահությամբ, մերժեց «Իմնեմնիմի» փոդքաստի հեղինակներ Նարեկ Սամսոնյանի և Վազգեն Սաղաթելյանի նկատմամբ էլեկտրոնային հսկողություն կիրառելու մասին դատախազի միջնորդությունը։

Ըստ դատավորի՝ Սաղաթելյանն ու Սամսոնյանը գտնվում են վարչական հսկողության տակ, և էլեկտրոնային հսկողություն կիրառելու կարիք չկա։

Հիշեցնենք, որ մայիսի 21-ին դատավոր Արման Հովհաննիսյանի որոշմամբ փոփոխվել էր նրանց նկատմամբ ընտրված խափանման միջոց կալանքը։ Դատարանը սահմանել է վարչական վերահսկողություն. նրանք երեք ամիս ժամկետով չեն կարող վարել «Իմնեմնիմի» պոդքաստն ու այլ հաղորդումներ։

Նրանք մեղադրվում են հաղորդակցական տեխնոլոգիաներն օգտագործելով խմբի կազմում խուլիգանություն կատարելու մեջ։ Նարեկ Սամսոնյանն ու Վազգենը Սաղաթելյանն ազատությունից զրկվել էին ՀՀ վարչապետ Նիկոլ Փաշինյանի հայտարարությունները կոշտ բառապաշարով քննարկելուց հետո։