Էգուց քնելու վրա էլ հարկ կդնեն. Շիրակի խոպանչիները չեն հասկանում՝ «էս երկրի մեջ ի՞նչ կկատարվի»

Խոպանչիներին հարկելու մասին իշխանականների հայտարարությունները այս անգամ մոլորության մեջ են գցել շիրակցի խոպանչիներին: Աշխատանքային միգրացիայի թվով Գեղարքունիքից հետո, երկրորդ մեծ մարզի բնակիչները մարզպետարանի մոտ հայտարարել են, թե ոչ մի կոպեկ չեն վճարելու Պետեկամուտների կոմիտե: Հարկ վճարել չցանկացող աշխատավորների բողոքը այդպես էլ չհասկացած Փաշինյանը, առավոտյան մունաթ էր եկել խոպանչիների վրա, թե «թող իրենց համար այլ ճանապարհ կառուցեն օդակայան հասնելու համար», գյումրեցիները նրան հիշեցնում են՝ ինքն էլ ուրիշների կառուցած ճանապարհներով է անցել հեղափոխության ճանապարհը: