Հայաստանը պարտավոր է պայմաններ ստեղծել «վտարված» ադրբեջանցիների վերադարձի համար. Ադրբեջանի ԱԳՆ

Հարավային Կովկասում Եվրամիության հատուկ ներկայացուցիչ Տոյվո Կլաարի հարցազրույցը Ջեմ-Նյուզին «կողմնակալ ու հարված ԵՄ-ին» է անվանում Բաքուն: 

Ադրբեջանի ԱԳՆ-ն անդրադարձել է արցախցիների վերադարձի վերաբերյալ Ադրբեջանի պարտավորության մասին Կլաարի այն հայտարարությանը, որ Բաքուն հավասարության նշան է դնում արցախցիների վերադարձի ու, այսպես կոչված, «Արևմտյան Ադրբեջան»-ի միջև, մինչդեռ, Կլաարը շեշտում է, որ դրանք լիովին տարբեր հարցեր են, որոնք չեն կարող մեկ հարթության վրա դրվել: