Հունգարիայում բողոքի ցույցեր են

Բուդապեշտի կենտրոնում խոշոր բողոքի ցույց է տեղի ունենում՝ ընդդեմ Հունգարիայի կառավարության կողմից հարյուր հազարավոր փոքր բիզնեսի համար նախատեսված հարկերի բարձրացման, հայտնում է Reuters-ը։

Գործակալության տվյալներով՝ մոտ հազար ցուցարար երեք ժամով արգելափակել է երթևեկությունը Հունգարիայի մայրաքաղաքի երկու հատվածները միացնող կամրջով։

Ցուցարարները սկզբում հավաքվել են քաղաքի գլխավոր հրապարակում՝ Հունգարիայի խորհրդարանի դիմաց, որտեղ քննարկվում էր հարկերի դրույքաչափը բարձրացնելու կառավարության առաջարկը, այնուհետև շարժվել են դեպի Դանուբ գետի կամուրջ և հեռացել են միայն ոստիկանների միջամտությունից հետո։

Ավելի վաղ հաղորդվել էր, որ Հունգարիայի Կենտրոնական բանկը բարձրացրել է իր հիմնական տոկոսադրույքը ռեկորդային 185 բազիսային կետով՝ մինչև 7,75%՝ գնաճի դեմ պայքարելու համար։