Լրահոս
Տարածաշրջան
22:19
20.05.24
183

Իրանի նախագահի, ԱԳ նախարարի ողբերգական մահը. Մոհամմեդ Մոհբերը՝ ժամանակավոր նախագահ

Զոհվածների մարմինները նույնականացվել են՝ առանց ԴՆԹ թեստի: Իրանական մամուլը գրում է, որ զոհերից մեկի՝ Թավրիզի իմամի մարմինը, ի տարբերություն մնացածների, գրեթե այրված չի եղել, ավելին՝ վթարից հետո մոտ մեկ ժամ նա ողջ է եղել, նույնիսկ հասցրել է զանգահարել նախագահի աշխատակազմի ղեկավարին: Իրանի նախագահ Ռայիսիին, արտգործնախարար Աբդոլահիանին տեղափոխելիս կործանված ուղղաթիռը հայտնաբերել են միայն լուսադեմին՝ մոտ 20 ժամ որոնումներից հետո: Նախագահի պարտականությունները ժամանակավորապես ստանձնել է առաջին փոխնախագահը: 50 օրվա ընթացքում կազմակերպվելու են արտահերթ ընտրություններ: Բոլոր մանրամասները Ռայիսիի կյանքը խլած վթարի ու որոնողական աշխատանքների մասին՝ Լիլիթ Գասպարյանի ռեպորտաժում: