Իրանը շարունակելու է աջակցել Հըզբոլլահին. Փեզեշքիանի նամակը

Իրանի նորընտիր նախագահ Մասուդ Փեզեշքիանը հայտարարել է, որ իր իշխանությունը շարունակելու է աջակցել Հըզբոլլահին: Լիբանանյան շիական շարժման գլխավոր քարտուղարին ուղարկած նամակում Փեզեշքիանը գրել է, որ «դիմադրության ուժերին աջակցելն Իրանի հիմնական քաղաքականությունն է»: Իրանի նորընտիր նախագահը վստահ է, որ տարածաշրջանի դիմադրության շարժումները թույլ չեն տա Իսրայելին շարունակել իր հանցավոր քաղաքականությունը պաղեստինցիների և տարածաշրջանի այլ ժողովուրդների դեմ: