Կիևն առաջարկել է հացահատիկի արտահանման համաձայնագրում ներառել այլ ապրանքներ

Ստամբուլի համաձայնագրերի գործողությունը, որոնք թույլ են տալիս սկսել Ուկրաինայի տարածքից պարենի արտահանում ծովով, հարկ Է տարածել այլ կատեգորիաների ապրանքների վրա: Ինչպես օգոստոսի 5-ին հաղորդում Է Financial Times թերթը, այս առաջարկությամբ հանդես Է եկել Ուկրաինայի Էկոնոմիկայի փոխնախարար, առևտրական ներկայացուցիչ Տարաս Կոչկան, տեղեկացնում Է «Արմենպրես»-ը:

«Այդ համաձայնությունը վերաբերում Է լոգիստիկային, նավերի երթևեկությանը Սև ծովում: Ո՞րն Է տարբերությունը հացահատիկի և երկաթի հանքաքարի միջև»,- ասել Է նա: Ինչպես նշում Է թերթը, Կիևը շահագրգռված Է ծովով մետաղագործական արտադրանքի արտահանումը վերականգնելու հարցում:

Հուլիսի 22-ին Ստամբուլում ստորագրվեց փաստաթղթերի փաթեթ միջազգային շուկային պարենի և պարարտանյութերի մատակարարումների մասին: Մասնավորապես, Ռուսաստանի և ՄԱԿ-ի կողմից կնքված հուշագրի շնորհիվ միջազգային հանրակցությունը միացել Է հակառուսական այն սահմանափակումների վերացմանը, որոնք խոչընդոտում են հիշյալ ապրանքների արտահանմանը: Եվս մեկ փաստաթուղթ հաստատել Է Ուկրաինայի վերահսկման ենթակա սևծովյան նավահանգիստներից հացահատիկի արտահանման մեխանիզմը:

ՌԴ-ի, Թուրքիայի Ուկրաինայի և ՄԱԿ-ի միջև կնքված համաձայնագրի հիման վրա ստեղծվել Է համակարգման կենտրոն, որը կապահովի հացահատիկով նավերի զննումը, ինչպես նաև պետք Է կասեցնի սադրանքները և թույլ չտա զենքի մաքսանենգություն, հաղորդել Է ՏԱՍՍ-ը: