Կոտայքի մարզում բախվել են «Nissan Tiida»-ն և «Ford Transit»-ը. կա 2 վիրավոր

Սեպտեմբերի 14-ին ավտովթար է տեղի ունեցել Կոտայքի մարզում։ 21:20-ի սահմաններում Աբովյան համայնքի «Ծիրանի» ռեստորանային համալիրի հարևանությամբ բախվել են Կոտայքի մարզի բնակիչ 20-ամյա Մարատ Հ.-ի վարած «Ford Transit» և Երևանի բնակիչ 31-ամյա Արմեն Գ.-ի վարած «Nissan Tiida» մակնիշի ավտոմեքենաները։

Shamshyan.com-ի հաղորդմամբ՝ վթարի հետևանքով «Nissan»-ի վարորդն ու նրա ուղևոր՝ Երևանի բնակիչ 38-ամյա Սահակ Ղ-ն մարմնական վնասվածքներով տեղափոխվել են «Աբովյան» բժշկական կենտրոն։

Վթարի փաստով Աբովյանի քննչական բաժնում նախաձեռնվել է քրեական վարույթ։

Վարորդները ենթարկվել են սթափության փորձաքննության, եղել են սթափ։