Կուզեի՝ օրվա լայքերի հետևից չգնանք, մեր ամենամեծ խնդիրն է, որ երեխաներին մտցնում ենք քառակուսիների մեջ. Անդրեասյան

Մեր ամենամեծ խնդիրն այն է, որ երեխաներին մտցնում ենք քառակուսիների մեջ, այս մասին լրագրողների հետ զրույցում ասաց ԿԳՄՍ նախարար Ժաննա Անդրեասյանը։

Նա նշեց, որ մանկավարժն է որոշում, թե ինչ ծրագրով պետք է անցնեն երեխաները.«Մանկավարժը պետք է գնահատի ու ասի՝ այդ ծրագիրը հնարավորություն տալիս է, որ երեխան շրջանակից դուրս մտածի։ Եթե տալիս է, ապա խնդիրը լուծվել է։ Մեր ամենամեծ խնդիրն այն է, որ երեխաներին մտցնում ենք քառակուսիների մեջ: Այսօրվա մեր խնդիրները պահանջում են ոչ ստանդարտ մոտեցումներ, ստեղծագործական լուծումներ։ Չի կարելի դպրոցում դռները փակել ու մտածել, որ դպրոցից դուրս եկած քաղաքացին կգնա և կկարողանա այդ խնդիրներին ճիշտ արձագանքել։ Ես կուզեի, որ մենք օրվա լաքերի հետևից չգնանք։ Այն, ինչ անում ենք, չի օգնում կրթության բովանդակության բարելավմանը։ Այն, ինչ դուք այստեղ ներկայացնում եք, բերում է օրվա լայքերին, այլ ոչ թե կրթական խոսակցության»: