Մահացած ճանաչված Մոսկվայի մարզի բնակիչը դատարանում ապացուցել է, որ ողջ է

Մոսկվայի մարզում դատարանը բեկանել է տեղի բնակչին մահացած ճանաչելու որոշումը։ Այդ մասին «Panorama.am»-ի փոխանցմաբ՝ հայտնում է «mk.ru»-ն։

1999 թվականին Լուխովիցկի թաղամասի բնակիչը գնացել է Հեռավոր Հյուսիս աշխատելու։ Աշխատանքի մեկնելուց հետո տղամարդը անսպասելիորեն անհետացել է։ Տարվա ընթացքում կինը ոչ մի տեղեկություն չի ստացել ամուսնուց և որոշել է դատարանով նրան մահացած ճանաչել։

Տղամարդու անհետացումից հինգ տարի անց դատարանը որոշում է կայացրեց նրան մահացած ճանաչելու մասին։ Նրա բացակայության ընթացքում կինը կրկին ամուսնացել է և դուստր է ունեցել։

Որոշ ժամանակ անց հայտնվեց կորած ամուսինը և որդուն ասաց, որ նա ողջ է։ Սակայն տղամարդը խնդրել է կնոջը չպատմել իր հայտնվելու մասին։

Մահացած տղամարդու եղբոր մահից հետո նա որոշել է ստանալ հարազատի ժառանգությունը։ Սակայն դատարանի որոշմամբ տղամարդը չի կարողացել սեփականության իրավունքը գրանցել, քանի որ փաստաթղթերի համաձայն՝ նա մահացել է։

2022 թվականի մարտին տղամարդը դիմել է դատարան՝ պահանջելով իրեն մահացած ճանաչելու մասին որոշումը չեղյալ հայտարարել, ինչը և արվել է։