Մեկ օրում բացահայտվել է հանցագործության 117 դեպք. ՆԳՆ

Ըստ ոստիկանության օպերատիվ հաղորդագրությունների ամփոփագրերի՝ օգոստոսի 13-ից 14-ը ՆԳՆ ոստիկանության ստորաբաժանումները բացահայտել են հանցագործության 117 դեպք, որից 2-ը՝ նախկինում կատարված: Այս մասին տեղեկացնում են ՆԳՆ-ից:

Մասնավորապես՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու՝ 22, մարմնական վնասվածք պատճառելու՝ 16, թմրանյութի հայտնաբերման՝ 12, խարդախության՝ 9, հոգեկան ներգործության՝ 8, ինքնավնասման՝ 6, ֆիզիկական ներգործության՝ 5, անձնական ունեցվածքի գողության` 4, ապօրինի ձեռնարկատիրական գործունեության՝ 3, վստահված գույքը հափշտակելու, խուլիգանության, զենք-զինամթերքի առգրավման, սառը զենքի հայտնաբերման, պետական կամ համայնքային սեփականություն հանդիսացող հողամասերի ինքնակամ զավթելու, անհետաձգելի միջամտության որոշումը կամ պաշտպանական որոշումը չկատարելու և ինքնիրավչության՝ 2-ական, մարդու առևանգման, սեքսուալ բնույթի բռնի գործողությունների, շորթման, դրամանենգության, պաշտոնեական լիազորությունների չարաշահման, պաշտոնատար անձի ծառայողական գործունեությանը միջամտելու, բուժաշխատողի կողմից մասնագիտական պարտականությունները չկատարելու, թմրանյութի իրացման, ծառերը, թփերը ապօրինի հատելու, իրացման նպատակով կեղծ մանկական սննդի շրջանառության կամ իրացման, ալիմենտ վճարելուց խուսափելու, թմրամիջոցների իրացմանը նպաստելու, քրեակատարողական հիմնարկում արգելված իրեր պահելու, սուտ մատնության ու կեղծ փաստաթղթի՝ 1-ական դեպք։

Նախկինում կատարված հանցագործության դեպքերից բացահայտվել է մարմնական վնասվածք պատճառելու և ավտոմեքենայի գողության 1-ական դեպք։
Հայտնաբերվել են 6 հետախուզվող և 1 անհետ կորած։ Կամավոր ներկայացել է 5 հետախուզվող։

Գրանցվել է զենք-զինամթերքի կամավոր հանձնման 2 դեպք։

Անցած 1 օրվա ընթացքում հանրապետությունում արձանագրվել է ճանապարհատրանսպորտային 14 պատահար. 22 մարդ ստացել է տարբեր աստիճանի մարմնական վնասվածքներ։