Մեր բանակը ուժ չունի. Զելենսկին արդեն դիվանագիտական լուծումներ է փնտրում

650 միլիոն եվրոյի զենքի խոստումով Բեռլինից Կիև է հասել Գերմանիայի կանցլերը: Նա բանակցություններ է վարելու Ուկրաինայի նախագահի հետ: Մինչ Արևմուտքը ֆինանսական նոր խոստումներ է տալիս Կիևին, ուկրաինայի հեռավոր քաղաքներից Տերնոպոլ են հասնում ռուսական զենքերը: Ուկրաինան մեկ զոհի մասին է հայտնել այդ քաղաքում: Կիևը հայտնում է, որ ռուսական գրոհից հետո պայթյուն է եղել, բայց չի գաղտնազերծում, թե ինչ զենք է կիրառել Մոսկվան՝ սահմանից ավելի քան 600 կմ խորությամբ: