Լրահոս

Ռուս-թուրքական բանակցությունները նեղ ֆորմատով. Վլադիմիր Պուտինի հիմնական հայտարարությունները: Գրում է Կրեմլի պաշտոնական էջը: 2022 թվականի առաջին ամիսներին երկու երկրների միջև ապրանքաշրջանառությունը կրկնապատկվել է։ «Թուրքական հոսքը» (Турецкий поток, газопровод) դարձել է Եվրոպային ռուսական գազով մատակարարելու կարեւորագույն զարկերակներից մեկը։ Այն աշխատում է ճիշտ, ռիթմիկ, առանց ձախողումների սպառողների համար թե՛ Թուրքիայում, թե՛ Եվրոպայում։ Եվրոպացի գործընկերները պետք է երախտապարտ լինեն Թուրքիային իրենց շուկա գազի անխափան տարանցման համար։ Ռեջեփ Թայիփ Էրդողանի եւ ՄԱԿ-ի քարտուղարության մասնակցությամբ լուծվել է սեւծովյան նավահանգիստներից ուկրաինական հացահատիկի մատակարարման հարցը։ Բացի այդ, փաթեթային որոշում է կայացվել համաշխարհային շուկաներ ռուսական սննդամթերքի ու պարարտանյութերի մատակարարման վերաբերյալ։ Ռուսաստանը և Թուրքիան շատ մեծ ներդրում են ունեցել Սիրիայում իրավիճակի կարգավորման գործում։ Հիշեցնենք, որ Ռուսաստանի և Թուրքիայի նախագահներ Վլադիմիր Պուտինն ու Թայիփ Էրդողանը Սոչիում սկսել են նեղ ձևաչափով բանակցությունները:

Ստամբուլի համաձայնագրերի գործողությունը, որոնք թույլ են տալիս սկսել Ուկրաինայի տարածքից պարենի արտահանում ծովով, հարկ Է տարածել այլ կատեգորիաների ապրանքների վրա: Ինչպես օգոստոսի 5-ին հաղորդում Է Financial Times թերթը, այս առաջարկությամբ հանդես Է եկել Ուկրաինայի Էկոնոմիկայի փոխնախարար, առեւտրական ներկայացուցիչ Տարաս Կոչկան, տեղեկացնում Է «Արմենպրես»-ը: «Այդ համաձայնությունը վերաբերում Է լոգիստիկային, նավերի երթեւեկությանը Սեւ ծովում: Ո՞րն Է տարբերությունը հացահատիկի եւ երկաթի հանքաքարի միջեւ»,- ասել Է նա: Ինչպես նշում Է թերթը, Կիեւը շահագրգռված Է ծովով մետաղագործական արտադրանքի արտահանումը վերականգնելու հարցում: Հուլիսի 22-ին Ստամբուլում ստորագրվեց փաստաթղթերի փաթեթ միջազգային շուկային պարենի եւ պարարտանյութերի մատակարարումների մասին: Մասնավորապես, Ռուսաստանի եւ ՄԱԿ-ի կողմից կնքված հուշագրի շնորհիվ միջազգային հանրակցությունը միացել Է հակառուսական այն սահմանափակումների վերացմանը, որոնք խոչընդոտում են հիշյալ ապրանքների արտահանմանը: Եվս մեկ փաստաթուղթ հաստատել Է Ուկրաինայի վերահսկման ենթակա սեւծովյան նավահանգիստներից հացահատիկի արտահանման մեխանիզմը: ՌԴ-ի, Թուրքիայի Ուկրաինայի եւ ՄԱԿ-ի միջեւ կնքված համաձայնագրի հիման վրա ստեղծվել Է համակարգման կենտրոն, որը կապահովի հացահատիկով նավերի զննումը, ինչպես նաեւ պետք Է կասեցնի սադրանքները եւ թույլ չտա զենքի մաքսանենգություն, հաղորդել Է ՏԱՍՍ-ը:

Հաշվի առնելով մասնակի զորահավաքի վերաբերյալ հանրության շրջանում առաջացած տարաբնույթ քննարկումները՝ նպատակահարմար ենք գտնում հանդես գալ լրացուցիչ պարզաբանմամբ: Պայմանավորված վերջին օրերին շփման գծում լարվածության աճով, անհրաժեշտություն է առաջացել համալրել առանձին զորամասեր և զինվորական կամ քաղաքացիական պաշտոններ: Այդ պատճառով ԱՀ նախագահի հրամանագրով հայտարարվել է մասնակի զորահավաք, որն ի տարբերություն ընդհանուր զորահավաքի, պետության զինված ուժերի մի մասի հավաք է՝ ելնելով կոնկրետ իրավիճակից և տվյալ պահին զինված ուժերի առջև դրված խնդիրներից: Մասնակի զորահավաքի յուրաքանչյուր դեպքում իրավասու մարմինների կողմից որոշվում են զորահավաքի իրականացման մասշտաբներն ու սուբյեկտների ընդգրկվածության աստիճանն ու քանակը: Ուստի, հայտարարված մասնակի զորահավաքում ընդգրկված են միայն կոնկրետ զորամասեր, որոնց կցագրված քաղաքացիներն են միայն ստանում ծանուցումներ: Դա նշանակում է, որ ովքեր չեն ստացել ծանուցում, նրանց զորամասի կամ ստորաբաժանման վերաբերյալ զորահավաքի որոշում չի կայացվել: Ծանուցումներն ուղարկվել են տվյալ զորամասերում կցագրված բոլոր անձանց՝ առանց որևէ խտրականության, այդ թվում՝ պաշտոնատար անձանց, որոնք էլ ներգրավվել են զորահավաքային զինվորական ծառայության մեջ:

Կառավարության երեկվա նիստում, ըստ էության, մեր հավաքական պարտության խորհրդանիշը, մեղավորն ու պատասխանատուն հաղորդում ներկայացրեց հանցագործության մասին, միաժամանակ հրապարակային ցուցմունք տալով դիվանագիտական իմպոտենտության, ազգային և պետական շահերը պաշտպանելու հանցավոր անունակության մասին։ Այս մասին Facebook-ի իր էջում գրել է «Հայաստան» խմբակցության պատգամավոր Լիլիթ գալստյանը: Նա նաեւ նշել է. «Նոյեմբերի 9-ի եռակողմ հայտարարությունից գրեթե երկու տարի անց/21 ամիս/ վարչախմբի ղեկավարը նախ հայտարարում է՝ ա/ թե «խաղաղապահ օպերացիայի էության և բովանդակության հետ կապված» համակարգային խնդիրներ կան, մանրամասների ճշգրտման անհրաժեշտություն, մանդատի ծավալի և ինստիտուցիոնալ հարցերի հստակեցում։ բ/․և երկրորդ, մեզ համար ճակատագրական, դեֆակտո աղետալի խոստովանությունն է կատարում՝ բարձրաձայնելով, որ եռակողմ հայտարարությամբ ամրագրված Հայաստանի հետ Արցախի կապն ապահովող նոր երթուղու կառուցման պլան գոյություն չունի։ Պատկերացնու՞մ եք՝ խաղաղապահ զորախմբի «էության և բովանդակության հետ կապված» համակարգային խնդիրների մասին բարձրաձայնվում է 21 ամիս անց, երբ վերջինիս բուն էություն ու առաքելությունը հայ ազգաբնակչության էթնիկ զտման, ցեղասպանության կանխարգելման խնդիրը պետք է լիներ։ Մեղավորներ նշանակելու անգերազանցելի մաեստրոն, իր էությանը հավատարիմ, սլաքներն ուղղում է դեպի Ռուսաստան և Ադրբեջան, ձեռքի հետ էլ այդ մանդատը միջազգայնորեն հարստացնելու կամ ընդլայնելու ակնարկներ անելով։ Տհաս արտաքին քաղաքականության արդյունքում մեկուցացման մեջ հայտնված, սուբյեկտայնությունը կորցրած Հայաստանն այս պահին ինչի՞ է ունակ, և արդյոք ունա՞կ է, դժվար է ասել․․․Թե աշխարհաքաղաքական այս եռացող կաթսայում Հայաստանն իր ներկա իշխանությամբ, ներքին դիմադրողականության տոտալ կորսի պայմաններում որքանո՞վ է ունակ խաղի նոր կանոնների, դա էլ մեկ այլ հարց է։ Բայց կարծում եմ՝ դժվար չէ ենթադրել, թե խաղաղապահի մանդատի վերատեսությունն աշխարհաքաղաքական ինչ ենթատեքստ ունի․․․ Եվ, այնուամենայնիվ, շատ հստակ և պարզ հարցեր են ծագում՝ Ինչո՞ւ ես այս մասին բարձրաձայնում և մեղավորներ նշանակում եռակողմ հայտարարությունից 21 ամիս անց, ինչո՞ւ այս խնդիրներն առանցքային չեն եղել մինչ օրս տեղի ունեցած բարձր մակարդակի հանդիպումներում։ Եթե գիտես և արձանագրում ես, որ խաղաղապահ զորամիավորումն իր մանդատն արդյունավետ չի օգտագործում, ինչո՞ւ ես Արցախից դուրս բերում անվտանգությա երաշխավոր բանակն ու թիրախավորված կազմալուծում ՀՀ բանակը, ինչո՞ւ պատշաճ չի կահավորվում և պաշտպանվում նույնիսկ ՀՀ սահմանը։ Ի վերջո, երբ մի քանի ամիս առաջ պաշտոնապես հայտարարեցիք, որ ընդունում եք Բաքվից փոխանցված հինգ կետերը և հանրությանը հատուկ բանագնացներով և սորոսական սազանդարներով բթացնում էիք և շարունակում եք բթացնել «խաղաղության» կեղծ դիսկուրսով, ինչո՞ւ չէր բարձրաձայնվում խաղաղապահների մանդատի խնդիրը։ Լա՜վ, եթե եռակողմ հաստատված կառուցման պլան գոյություն չի ունեցել/ինչը հայտարարությամբ ամրագրված պարտավորություն է/, իսկ Ադրբեջանը ձեր քթի տակ շարունակել է ինտենսիվ ճանապարհաշինությունը, ինչո՞ւ էիք բարձրաձայնում ինչ-որ ձեռք բերված բանավոր համաձայնությունների մասին, ի վերջո՝ խուճապ և փախուստ առաջացնելով, ինչու էիք խոսում ռազմավարական նշանակության համայնքների հանձնման մասին․․․ Ի՞նչ հիմքով եք ՀՈՂ Ու ԵՐԿԻՐ հանձնում․․․ Մեղավորն ու պատասխանատուն, առաջին անգամվա զարմանքով հոխորտում է, թե Հայաստանին այդպիսի պլան չի ներկայացվել, Ադրբեջանը չի հարգում ստանձնած պարտականությունները․․․ Չի՜ ներկայացվել՝ դուք ներկայացրեք, եթե իհարկե գիտեք, թե ինչ է պետությունն ու պետական շահը․ ռազմավարական պլանավորումւ/ անիմաստ հարցադրում, որի պատասխանը բոլորս գիտենք․․․/ Ի վերջո, նոյեմբերի 9-ի առաջնային այնպիսի պարտավորություն, ինչպիսին գերիների վերադարձն է, ինչո՞ւ չի դարձել մեր կողմի նախապայմանը, բանակցային անշրջանցելի անկյունաքարը․․․ Եվ, ի վերջո, եթե Ադրբեջանի կողմից չեն հարգվել ստանձնած պարտականությունները, եթե անգամ ԵՊ բանաձևն ու ՄԻԵԴԻ որոշումն են փաստում ադրբեջանական արմենոֆոբիան, էթնիկ զտումների ադրբեջանական քաղաքականույթյունը, եթե միայն «խաղաղության» ամիսներին սահմանին 120-ից ավելի զոհ ունենք, ո՞ւր եք ինքմանոռաց, քստմնելի քծնանքով, Հայրենիք ու պետություն ոտքի տակ տալով, ձեր տգիտությամբ և անարժանապատիվ պահվածքով նվաստացնում ու ապագայից զրկում մի ամբողջ ժողովրդի, Սահմանագծման հանձնաժողով ․․․ Իրականում այնքան հստակ է ամեն բան՝ պատերազմի սպառնալիքով, հանրային տոտալ վախերի, դեմորալիզացիայի, արժեքային դեգրադացիայի և հուսահատության պայմաններում, ազգային շահի, պետականության գոյության հաշվին իշխանություն եք պահում, անցյալն ուրացողի, հաղթանակները մերժող հանձնակատարի սև իշխանություն․․․ Իսկ Ադրբեջանը չի հարգում պայմանավորվածությունները, որովհետև այդպես խոսում են ՊԱՐՏՎԱԾԻ ԵՎ ՄԵՂԱՎՈՐԻ հետ։ Ու նրանք սողացող պարերազմով, անգամ նոյեմբերի 9-ից հետո մտել ու շարունակում են կանգնած մնալ մեր հողում։ Այդպես վարվում են ՀՀ կառավարության նիստում Չայզամի և էյվազլու հնչեցնողների հետ, Թուրքիայից դրական ազդակներ արձանագրողի հետ, խաղաղություն մուրացողի հետ․․․ Պարտվածն ու մեղավորը պիտի գնա․ սա այնքան պարզ, բարոյական ու քաղաքագիտական ճշմարտություն է․․․մնացածն աղետ է ու չարիք․․․ Հ․Գ․ Հիմա մեր հավաքական խնդիրն է ԲԵՐՁՈՐԻ, ԱՂԱՎՆՈՅԻ և ՍՈւՍԻ ՀԱՅԱԹԱՓՄԱՆ ԿԱՆԽՈւՄԸ

Եվրոպական խորհրդարանի մի խումբ պատգամավորներ Լեռնային Ղարաբաղում իրավիճակի վատթարացման առիթով հունիսի 8-ին գրավոր հարց էին ուղղել Եվրոպական հանձնաժողովի փոխնախագահ, Եվրոպական միության արտաքին գործերի և անվտանգության քաղաքականության հարցերով Բարձր ներկայացուցիչ Ժոզեպ Բորելին՝ ընդգծելով ադրբեջանական ագրեսիայի մասին: Նրանք հետաքրքրվել էին, թե ինչ է մտադիր անել ԵՄ-ն՝ ռազմական գործողությունների վերսկսումը կանխելու համար: Բորելն էլ՝ Եվրոպական հանձնաժողովի անունից օգոստոսի 3-ին հրապարակված իր պատասխանում մտահոգություն է հայտնել վերջին միջադեպերով և հետագա էսկալացիայի հնարավորությամբ։ «Արմենպրես»-ի փոխանցմամբ՝ Բորելին գրավոր հարց ուղարկած Եվրոպական խորհրդարանի պատգամավորների թվում են Ֆաբիո Մասիմո Կաստալդոն, Իսաբել Սանթոսը, Մարտին Զոննեբորնը, Լարս Պատրիկ Բերգը, Միրիամ Լեքմանը, Էմմանուել Մաուրելը և մի խումբ այլ պատգամավորներ: ԵԽ պատգամավորներն ընդգծել են, որ մինչև աշխարհի ուշադրությունը կենտրոնացած է Ուկրաինայի իրադարձությունների վրա, իրավիճակը Լեռնային Ղարաբաղում գնալով վատթարանում է։ «Ադրբեջանական զինուժը 2022 թվականի մարտի 24-ին հարձակվել է Փառուխ գյուղի վրա, իսկ 2022 թվականի մայիսի 28-ին խախտել հրադադարը՝ մահացու վիրավորում հասցնելով հայ զինծառայողի։ Դա տեղի է ունեցել Ադրբեջանի նախագահ Իլհամ Ալիևի կոպիտ ելույթից մեկ օր անց, որում նա ուժի կիրառումը ներկայացնում էր որպես միջազգային իրավունքի կիրառման մոտեցում, ինչպես նաև պնդում էր, որ Լեռնային Ղարաբաղի հակամարտությունը լիովին լուծվել է, հավակնություններ էր ներկայացնում Հայաստանի տարածքի նկատմամբ…»,-շեշտել են Եվրոպական խորհրդարանի պատգամավորները: Նրանք ընդգծել են, որ այդ գործողություններն ու հայտարարությունները բացահայտ հակասում են 2020 թվականի նոյեմբերի 9-ի հայտարարության դրույթներին: Խորհրդարանի պատգամավորները Բորելից հետաքրքրվել են. «Ելնելով վերոգրյալից՝ Եվրոպական արտաքին գործերով ծառայությունը ի՞նչ կոնկրետ քայլեր է մտադիր ձեռնարկել՝ Լեռնային Ղարաբաղում ռազմական գործողությունների վերսկսումը կանխելու և կողմերի միջև կառուցողական երկխոսությունը շարունակելու համար»: Պատգամավորների հարցին ի պատասխան Բորելի՝ Եվրոպական հանձնաժողովի անունից ստացված պատասխանում, մասնավորապես, նշվում է. «ԵՄ-ն խորապես մտահոգված է Հայաստանի և Ադրբեջանի միջև վերջին միջադեպերով և հետագա էսկալացիայի հնարավորությամբ։ Հանձնաժողովը ցավում է մարդկային կորուստների համար»: Եվրոպական հանձնաժողովից ընդգծել են, որ ԵՄ-ն դրական է մոտենում Հայաստանի վարչապետի և Ադրբեջանի նախագահի հետ Եվրոպական խորհրդի նախագահի գլխավորած եռակողմ բանակցությունների շարունակմանը։ Ըստ ԵՄ-ի՝ այդ ջանքերն արդեն տվել են բազմաթիվ արդյունքներ, սակայն խաղաղության գործընթացը երբեք առանց դժվարությունների չի լինում։ «ԵՄ-ի նպատակը շարունակում է լինել տարածաշրջանում կայուն խաղաղության և անվտանգության համապարփակ համաձայնագրին նպաստելը»,-ասված է պատասխանում: Եվրոպական հանձնաժողովից նշել են նաև, որ փոխնախագահ, Եվրոպական միության արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը կանոնավոր կապի մեջ է եղել Հայաստանի և Ադրբեջանի հետ՝ ռազմական գործողությունների սկսվելուց ի վեր։ Նշվում է նաև, որ Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչը մասնակցել է եռակողմ հանդիպումների նախապատրաստմանը և հունիսին տեղում հետևել է Հայաստանի և Ադրբեջանի ղեկավարների միջև ձեռք բերված պայմանավորվածությունների կատարմանը: «2022 թվականի մայիսի 31-ին Եվրոպական խորհրդի նախագահի մամուլի քարտուղարը հայտարարություն է տարածել՝ վերահաստատելով արդար և հավասարակշռված բանակցային գործընթացի անհրաժեշտությունը և բնակչությանը խաղաղության նախապատրաստելու անհրաժեշտությունը: Եվրոպական խորհրդի նախագահը նաև 2022 թվականի հուլիսի սկզբին դիմել է պետությունների ղեկավարներին՝ վերջին սուր հայտարարությունների հետ կապված, որոնք չեն նպաստում բանակցությունների բնույթին և ոգուն, և հայտնել է ԵՄ պատրաստակամությունը՝ Բրյուսելում հրավիրելու եռակողմ բանակցությունների հաջորդ փուլը»,-ասված է պատասխանում:

Ռուսական 102-րդ ռազմաբազայի ուղղաթիռներն ուսումնամարզական թռիչքներ են իրականացրել Հայաստանի լեռնային շրջաններում: Մասնակցում է մոտ 50 միավոր զինտեխնիկա, ինչպես նաև թռիչքային և ինժեներական անձնակազմի ավելի քան 130 զինծառայող։ Ավիացիոն խմբի օդաչուները բարդ հնարքներ են կատարել, թռչել են «Ալագյազ» և «Կամխուդ» բարձրլեռնային զորավարժարանների երկնքում:

Օգոստոսի 3-ին ոստիկանության Արաբկիրի բաժնի քրեական հետախույզներն ու համայնքային ոստիկանները, թմրանյութ պահելու և օգտագործելու կասկածանքով, Երևանի Թբիլիսյան խճուղում հայտնաբերել, ձերբակալել և, «Նիսան» մակնիշի մեքենայով հանդերձ, բաժին են տեղափոխել Շենգավիթ համայնքի երկու բնակչի: Անձնական խուզարկությամբ նրանցից մեկի պայուսակում հայտնաբերվել է թղթե փաթեթով դարչնագույն զանգված, որը, ըստ նրա, «շոկո» տեսակի թմրանյութ է: Ձերբակալված տղամարդիկ ներկայացվել են քննչական բաժին: Հանգամանքները նախաքննությամբ պարզվում են:

Սոչիում մեկնարկել է Ռուսաստանի նախագահ Վլադիմիր Պուտինի և Թուրքիայի նախագահ Ռեջեփ Թայիփ Էրդողանի նեղ ձեւաչափով հանդիպումը: Ինչպես տեղեկացնում է «Արմենպրես»-ը, այս մասին հայտնում է «ՌԻԱ Նովոստի»-ի թղթակիցը: Ավելի վաղ, ՌԴ նախագահի խոսնակ Դմիտրի Պեսկովը հայտնել էր, որ Պուտին-Էրդողան հանդիպման օրակարգում, ի թիվս այլ հարցերի, Լեռնային Ղարաբաղի հակամարտության հարցն է:

20 օր ունեն Բերձորի, Սուսի և Աղավնոյի բնակիչները իրենց տներն ազատելու համար: Այսօր Աղավնոյում հանդիպում է կազմակերպվել բնակիչների հետ: Նրանց տեղեկացրել են, որ բնակավայրերն ազատելու վերջնաժամկետը օգոստոսի 25-ն է: Արցախի տարածքային կառավարման և ենթակառուցվածքների նախարար Հայկ Խանումյանը հայտնել է, որ այս պահին Սյունիքի մարզպետի և Ստեփանակերտի քաղաքային իշխանության հետ պայմանավորվածություն կա տեղահանված մարդկանց տեղավորելու հարցում:

Ուկրաինական նավահանգիստներից հացահատկով բեռնված ևս 3 նավ այսօր կուղևորվի Թուրքիա: Հայտնել է Թուրքիայի պաշտպանության նախարարը: Աքարն ասել է, թե Ուկրաինայից հացահատիկի փոխադրման հարցերը քննարկել է Ուկրաինայի պաշտպանության և ենթակառուցվածքների նախարարների հետ:

Ռուսաստանի գլխավոր դիվանագետը Կամբոջայում հայտարարել է, որ չի նկատել, թե Միացյալ Նահանգների պետքարտուղարն իր հետ հանդիպելու ցանկություն ունի: Այս օրերին Բլինքենն ու Լավրովը Կամբոջայում մասնակցում են Հարավ-արևելյան Ասիայի պետությունների արտգործնախարարների համաժողովին: Ավելի վաղ Ազգային անվտանգության խորհրդի ներկայացուցիչ Ջոն Քիրբին ասել էր, թե Բլինքենը, երբ տեսնի Լավրովին անպայման «բռնելու է» նրա կոճակից՝ նկատի ունենալով, որ անպայման դեմ առ դեմ խոսելու է ռուս պաշտոնյայի հետ:

Ֆրանսիայի իշխանությունները ջրի սպառման սահմանափակումներ են մտցրել 101 դեպարտամենտներից 93-ում՝ սաստիկ երաշտի պատճառով: Ինչպես տեղեկացնում Է «Արմենպրես»-ը, օգոստոսի 5-ին այդ մասին հաղորդել Է BFM հեռուստաալիքը: Հեռուստաալիքի տվյալներով՝ 62 դեպարտամենտներում հայտարարվել Է տագնապի կարմիր (ամենաբարձր) մակարդակ, որի դեպքում սահմանափակվում Է ջրի օգտագործումը «ցանկացած ոչ առաջնահերթային խնդիրների, այդ թվում գյուղատնտեսական կարիքների համար»: Օգտագործումը թույլատրվում Է սոսկ առողջապահության, անվտանգության, խմելու ջրի սպառման եւ հիգիենայի կարիքների ապահովման» նպատակներով: Մյուս դեպարտամենտներում ֆերմերներին կարգադրվում Է ջրի օգտագործումը կրճատել 50 տոկոսով: Նաեւ մտցվում են այգիների ջրումների եւ ավտոմոբիլների լվացումների տեղային սահմանափակումներ: Երկրի կառավարությունն օգոստոսի 5-ին Twitter-ում հայտնել Է ճգնաժամային կենտրոնի բացման մասին: «Ֆրանսիան ապրում Է ամենաչորային շրջանը դիտարկումների պատմության մեջ»,- նշել Է նախարարների կաբինետը: «Այս իրավիճակը կարող Է պահպանվել առաջիկա 15 օրվա ընթացքում»,- նախազգուշացրել Է կառավարությունը, հաղորդել Է ՏԱՍՍ-ը:

Երևանի կենդանաբանական այգին նոր բնակիչ ունի՝ ամուրյան վագր: Այգու ֆեյսբուքյան էջում նշված է, որ կենդանին ծնվել է Երևանում:Այս արու վագրը դեռ 1 տարեկան էլ չկա։ Վագրին պահել և խնամել է անհատ անձ, իսկ երբ կենդանին մեծացել է, և դժվարացել է նրա խնամքի պայմանները՝ տեղափոխվել է այգի։ Ամուրյան վագրն առայժմ գտնվում է կարանտինային ռեժիմում։ Դրանից հետո կտեղափոխվի ապրելու այգու մյուս վագրի հարևանությամբ։

Թուրքիայի նախագահ Ռեջեփ Թայիփ Էրդողանը ուրբաթ մեկօրյա աշխատանքային այցով մեկնել է Սոչի, գրում է Anadolu-ն։ Ինքնաթիռն օդ է բարձրացել Ստամբուլից տեղական ժամանակով ժամը 13:00-ին։ Ուղևորության ընթացքում Էրդողանին ուղեկցում են արտաքին գործերի նախարար Մևլութ Չավուշօղլուն, ազգային պաշտպանության նախարար Հուլուսի Աքարը և այլ պաշտոնյաներ: Էրդողանը Սոչիում կհանդիպի իր ռուս գործընկեր Վլադիմիր Պուտինի հետ։ Տեղի կունենա մտքերի փոխանակում երկկողմ կապերի վիճակի և հեռանկարների շուրջ։ Քննարկվելու են տարածաշրջանային և միջազգային գործընթացները։

Օգոստոսի 2-5-ը ԱԻՆ ՓԾ Ճգնաժամային կառավարման ազգային կենտրոնում 8 ահազանգ է ստացվել հանրապետության տարբեր խոտածածկ տարածքներում բռնկված մոտ 200 քմ և ավելի տարածք ընդգրկող հրդեհների վերաբերյալ, մասնավորապես՝ Երևանի Էրեբունի վարչական շրջանում՝ 600 քմ, Լոռու մարզի Օձուն-Արևածագ ավտոճանապարհին՝ 18 հա, Ալավերդի-Վանաձոր ավտոճանապարհին՝ 3000 քմ, Կոտայքի մարզի Եղվարդ քաղաքում՝ 3 հա, Աբովյան քաղաքում՝ 1000 քմ, Շիրակի մարզի Գյումրի քաղաքում՝ 3000 քմ, Վայոց ձորի մարզի Եղեգնաձոր քաղաքում՝ 800 քմ,Օգոստոսի 2-5-ը ԱԻՆ ՓԾ Ճգնաժամային կառավարման ազգային կենտրոնում 8 ահազանգ է ստացվել հանրապետության տարբեր խոտածածկ տարածքներում բռնկված մոտ 200 քմ և ավելի տարածք ընդգրկող հրդեհների վերաբերյալ, մասնավորապես՝ Երևանի Էրեբունի վարչական շրջանում՝ 600 քմ, Լոռու մարզի Օձուն-Արևածագ ավտոճանապարհին՝ 18 հա, Ալավերդի-Վանաձոր ավտոճանապարհին՝ 3000 քմ, Կոտայքի մարզի Եղվարդ քաղաքում՝ 3 հա, Աբովյան քաղաքում՝ 1000 քմ, Շիրակի մարզի Գյումրի քաղաքում՝ 3000 քմ, Վայոց ձորի մարզի Եղեգնաձոր քաղաքում՝ 800 քմ, Տավուշի մարզի Իջևան քաղաքում՝ 500 քմ։ Հրշեջ-փրկարարները մարել են վերոնշյալ տարածքներում բռնկված հրդեհները՝ ընդհանուր մոտ 21.9 հա: Տավուշի մարզի Իջևան քաղաքում՝ 500 քմ։ Հրշեջ-փրկարարները մարել են վերոնշյալ տարածքներում բռնկված հրդեհները՝ ընդհանուր մոտ 21.9 հա:

Oգոստոսի 5-ին Արցախի՝ 44-օրյա պատերազմի հետևանքով Բաքվի վերահսկողության տակ անցած Քաշաթաղի (Լաչին) շրջանում դժվարանցանելի տեղանքում ծառայողական առաջադրանք կատարելիս ժայռից պոկված բեկորն ընկել է ադրբեջանական բանակի ժամկետային զինծառայողներ Սամիր Խուդիևի և Թահիր Ալիևի վրա, հայտնում է Ադրբեջանի ՊՆ-ն։ Միջադեպի հետևանքով Խուդիևը ստացած վնասվածքներից տեղում մահացել է։ Ալիևի վիճակը գնահատվում է ծանր։ Փաստի առթիվ հարուցվել է քրեական գործ, կատարվում է հետաքննություն։

Արցախից տեղահանվածներն այսօր բողոքի ակցիա են արել ՀՀ-ում Ռուսաստանի ու Ֆրանսիայի դեսպանատների դիմաց։ Ակցիայի մասնակիցները նամակներ են փոխանցել դեսպաններին` պահանջելով երաշխավորել Արցախի ու արցախցիների անվտանգությունը՝ որպես ԵԱՀԿ Մինսկի խմբի անդամ երկրներ։ Նոյեմբերի 9-ի եռակողմ հայտարարության երաշխավոր Ռուսաստանից պահանջել են Արցախում ստանձնած խաղաղապահ առաքելությունը անթերի իրականացնել:

Փոխվարչապետ Մհեր Գրիգորյանը որոշում է ստորագրել Աննա Վարդապետյանին արձակուրդ տրամադրելու մասին։ «Ղեկավարվելով «Հանրային ծառայության մասին» օրենքի 9-րդ հոդվածի 19-րդ մասով՝ Հայաստանի Հանրապետության վարչապետի օգնական Աննա Վարդապետյանին տրամադրել 2020-2021 թվականների աշխատանքային տարվա ամենամյա նվազագույն արձակուրդի մասը՝ 11 աշխատանքային օր տևողությամբ՝ 2022 թվականի օգոստոսի 8-22-ը ներառյալ» , - նշված է որոշման մեջ։

Հնդկաստանի Չեննայ քաղաքում մեկօրյա դադարից հետո վերսկսվել է Շախմատի համաշխարհային 44-րդ օլիմպիադան: Այսօր ընթանում են խաղի 7-րդ տուրի պարտիաները: «Արմենպրես»-ի փոխանցմամբ՝ Հայաստանի տղամարդկանց հավաքականը, որը 6 տուրից հետո վաստակած 12 միավորով միանձնյա գլխավորում է մրցաշարային աղյուսակը, 7-րդ տուրում մեր մրցակիցը ԱՄՆ հավաքական է: Սպիտակներով խաղացող առաջին համար Գաբրիել Սարգսյանի մրցակիցն այս տուրում Ֆաբիանո Կարուանան է, սևերով խաղացող Հրանտ Մելքումյանի մրցակիցը Ուեսլի Սոյը: Սամվել Տեր-Սահակյանի մրցակիցը Լեյներ Դոմինգես Պերեսն է, Ռոբերտ Հովհաննիսյանինը՝ Սեմ Շանկլանդը Հայ գրոսմայստեր Լևոն Արոնյանը, որը հանդես է գալիս ԱՄՆ հավաքականի կազմում, բաց է թողել այս տուրը: ԱՄՆ ընտրանին 11 միավորով երկրորդ տեղում է, իսկ լավագույն եռյակը եզրափակում է Հնդկաստանի երկրորդ թիմը: Հայաստանի հավաքականը նախորդ տուրերում հաղթել է Մադագասկարին (4:0), Անդորրային (3:1), Եգիպտոսին (2,5:1,5), Ավստրիային (3:1), Անգլիային (2,5:1,5) և Հնդկաստանի երկրորդ թիմին (2,5:1,5): Արման Փաշիկյանի գլխավորած թիմը միակն է, որը 6 հաղթանակ է տարել օլիմպիադայում: Հայաստանի կանանց հավաքականն էլ 7-րդ տուրում ուժերը չափում է Իսրայելի թիմի հետ: Սպիտակներով խաղացող առաջին համար Էլինա Դանիելյանի մրցակիցն է Մարսել Եֆրոիմսկին, սևերով խաղացող Լիլիթ Մկրտչյանինը՝ Դինա Բալենկայան: Աննա Սարգսյանի մրցակիցը Մաշա Կլինովան է, իսկ Սուսաննա Գաբոյանինը՝ Միչալ Լահավը: Հայաստանի հավաքականը նախորդ տուրերում առավելության է հասել Բոթսվանայի (4:0), Նորվեգիայի (4:0), Իռլանդիայի (4:0), Ինդոնեզիայի (3:1) և Անգլիայի (3,5:0,5) նկատմամբ, սակայն պարտվել է Էստոնիային (1,5:2,5) ու 10 միավորով բաժանում է 4-11-րդ տեղերը։ Համաշխարհային օլիմպիադայում կանցկացվի 11 տուր։

Կայծակը հարվածել է Սպիտակ տան այգու տարածքում՝ անմիջապես ԱՄՆ նախագահի նստավայրի մոտ հարթակին․ չորս մարդ ծայրահեղ ծանր վիճակում է։ Կյանքի համար վտանգավոր վնասվածքներ ստացած մարդիկ հորդառատ անձրևից պատսպարվել էին մոտակա ծառի տակ։