Լրահոս

Այսօր Սպիտակի բժշկական կենտրոնում Լոռու մարզպետի տեղակալ Հովհաննես Ավետիսյանն ընդունել է պաշտոնական այցով Հայաստանում գտնվող Նորվեգիայի Թագավորության ԱԳ նախարար Աննիկեն Հյութֆիլդտին: Նրան ուղեկցել են Հայաստանի Հանրապետությունում Նորվեգիայի Թագավորության նորանշանակ դեսպան Հելեն Սանդ Անդրեսենը, ՀՀ Արտգործնախարարության Եվրոպայի վարչության պետ Արա Մարգարյանը, Նորվեգիայի Թագավորությունում Հայաստանի Հանրապետության դեսպան Ալեքսանդր Արզումանյանը:

2022թ․ հուլիսի 27-ին՝ ժամը 16։40-ի սահմաններում, Հայաստանի Հանրապետության արդարադատության նախարարության «Արթիկ» քրեակատարողական հիմնարկի ծառայողները, իրացնելով օպերատիվ տվյալները, կալանավորված անձի անվամբ բերված հանձնուքից երկու հացերի արանքում հայտնաբերել էին փայլաթիթեղով փաթեթավորված փաթեթ՝ կաթնագույն և բյուրեղանման զանգվածներով։ Հայտնաբերվածն ուղարկվել էր փորձաքննության։

Եվ մինչ Հայաստանում սպասում են, ՀԱՊԿ-ը Տաջիկստանում «Սահման 2022» զորավարժություններն է սկսել: Սա արդեն երկրորդ վարժանքներն են, որոնց Հայաստանը չի մասնակցում:

Իսպանիայում ընթացող ըմբշամարտի Մ23 տարեկանների առաջնության 77 կգ քաշայինների եզրափակչում հունահռոմեական ոճի ըմբիշ Մալխաս Ամոյանը գոտեմարտեց մոլդովացի Ալեքսանդր Գուտուի հետ և 7-2 հաշվով վստահ հաղթանակ տարավ՝ նվաճելով հաղթողի տիտղոսը։

«Google» ընկերության հետ աշխատանքի արդյունքում «Թաթոյան» հիմնադրամին և Ամերիկայի Հայ դատի հանձնախմբի արևմտյան տարածաշրջանի համատեղ ուժերով հաջողվել է «Google Maps» և «Google Earth» հավելվածներից հեռացնել ՀՀ Սյունիքի մարզի համայնքների տեղանունների կեղծ` ադրբեջաներեն տարբերակները։ Այս մասին հայտնում են «Թաթոյան» հիմնադրամից:

Հայաստանին ամերիկյան ռազմական օգնություն տրամադրելու, ՆԱՏՕ-ի անդամ Թուրքիայի պահանջները զսպելու վերաբերյալ լրագրողների հարցերին այսօր հստակ պատասխաններ չեն տվել Ամերիկայից եկած կոնգրեսականները: Պատվիրակության ղեկավարը նշել է, որ ինտենսիվ քննարկումներ են ընթանում, նաև անվտանգային հարցերի շուրջ:

Եվրախորհրդարանը ԵՄ երկրներին կոչ է արել արագացնել Ռումինիան և Բուլղարիան Շենգենյան գոտում ընդունելու գործընթացը և այն ավարտել մինչև տարեվերջ:

Բազմաթիվ հայ վերլուծաբաններ ենթադրում են, որ, ռազմական նոր ագրեսիայի սպառնալիք ստեղծելով, Ադրբեջանը հերթական անգամ ուժեղացնում է ճնշումները Հայաստանի վրա, որպեսզի օր առաջ իրականություն դարձնի, այսպես կոչված, «Զանգեզուրի միջանցք» պրոյեկտը: Դե, որովհետև ինչպես Ալիևն էր ասել ԱՊՀ գագաթնաժողովում, իր համբերությունը անսպառ չէ:

Մցխեթա-Ստեփանծմինդա-Լարս միջպետական ավտոճանապարհի Ժինվալի-Բարիսախո-Շատիլի հատվածում բնական աղետից տուժած 22 տարբեր հատվածներում վերականգնման և աղետների կանխարգելման միջոցառումներ են իրականացվում։ Ալիք մեդիայի փոխանցմամբ՝ հայտնում է Վրաստանի ավտոճանապարհների դեպարտամենտը:

Գեղարքունիքի մարզպետ Կարեն Սարգսյանը հոկտեմբերի 18-ին Գեղարքունիքի մարզպետարանում ընդունել է ԵՄ տեխնիկական գնահատման առաքելության անդամներին։ Այդ մասին ասված է մարզպետի Ֆեյսբուքի էջում:

Պետական այցով Բուլղարիայի Հանրապետությունում գտնվող Հանրապետության նախագահ Վահագն Խաչատուրյանն այսօր՝ հոկտեմբերի 18-ին, հանդիպել է Սոֆիայի քաղաքապետ Յորդանկա Ֆանդակովայի հետ։ Այս մասին հայտբնում են ՀՀ նախագահի աշխատակազմից:

ՀՀ կրթության, գիտության, մշակույթի և սպորտի նախարարության աջակցությամբ Հայաստանը 2022 թվականի հոկտեմբերի 19-23-ը առանձին տաղավարով կմասնակցի Ֆրանկֆուրտի գրքի միջազգային ցուցահանդեսին: Այս մասին հայտնում են ԿԳՄՍ նախարարությունից, նշելով, որ Հայաստանի տաղավարն այս տարի նվիրված է Եղիշե Չարենցի ծննդյան 125-ամյակին:

Հայաստանի Հանրապետության ԱԺ նախագահ Ալեն Սիմոնյանը հոկտեմբերի 18-ին ընդունել է պաշտոնական այցով Հայաստանում գտնվող Նորվեգիայի արտաքին գործերի նախարար Աննիկեն Հյութֆիլդտի գլխավորած պատվիրակությանը: Հայտնում են ՀՀ ԱԺ-ից։

Քաղաքական գործիչ Էդգար Ղազարյանին ծեծելու դեպքի հանգամանքները պարզվում են։ Ղազարյանին շտապօգնությունը տեղափոխել էր հիվանդանոց, որտեղ բժիշկները մի քանի կար են դրել նրա գլխին:

Հայլուր 20:30 ԱՄՆ-ն զենք կվաճառի՞ Հայաստանին. ամերիկացի կոնգրեսականի պատասխանը | 18.10.2022

Շիրակի մարզպետ Նազելի Բաղդասարյանն այսօր ընդունել է ՀՀ աշխատանքի և սոցիալական հարցերի նախարար Նարեկ Մկրտչյանին։

Հայաստանը դիմել է ԵԱՀԿ` Հայաստան-Ադրբեջան սահմանին դիտորդական առաքելություն տեղակայելու հարցով, հայտնել է Հայաստանի արտգործնախարար Արարատ Միրզոյանը: Նա հույս ունի, որ Երևանը ԵԱՀԿ-ից մոտ ապագայում պատասխան կստանա։ Հայաստանը միաժամանակ սպասում է ՀԱՊԿ որոշմանը:

Գործող կարգավորմամբ եթե ծնողը խնամքի արձակուրդում է և երեխայի մինչև երկու տարին լրանալը վերադառնում է աշխատանքի, այդ պահից դադարեցվում է նպաստի վճարումը: Օրենսդրական փոփոխությամբ առաջարկվում է սահմանել, որ մինչև երկու տարեկան երեխայի ծնողը կշարունակի նպաստը ստանալ նաև այն դեպքում, երբ վերադառնա աշխատանքի: Այս մասին տեղեկացնում է ՀՀ ԱԺ պաշտոնական կայքէջը:

Հայաստանի արտգործնախարարը հավատացնում է, որ Ադրբեջանը ամենևին էլ չի ուզում, որ Ադրբեջանը Նախիջևանին կապող ճանապարհը ունենա «Լաչինի միջանցքին» համարժեք կարգավիճակ, ինչպես հայտարարել էր Թուրքիայի արտգործնախարար Չավուշօղլուն:

Արցախի Հանրապետության Նախագահի 2022 թ. սեպտեմբերի 12-ի հրամանագրով ստեղծվել է Հանրային խորհուրդ, հաստատվել Խորհրդի կանոնադրությունը և նշանակվել 8 անդամ, որոնք կազմակերպել են Խորհրդի մյուս 17 անդամների ընտրության գործընթացը, տեղեկացնում են Արցախի Հանրապետության կառավարությունից։