Լրահոս
2022-05-02
-
ՔաղաքականԱյսօր բոլորը ֆանտաստիկ էին՝ փակ փողոցներ, ազդանշաններ, ԵՊՀ դասադուլ․ ՎարդևանյանԱզգային ժողովի «Հայաստան» խմբակցության պատգամավոր Արամ Վարդևանյանի համար այսօր բոլորը ֆանտաստիկ էին. փակ փողոցներ, ազդանշաններ, ԵՊՀ դասադուլ: Պատգամավորին, ի դեպ, բերման են ենթարկել։ «Ես հասցրեցի բերման ենթարկվել ու, իհարկե, ազատ արձակվել. ոչինչ, ես ներում եմ ոստիկաններին: Այնուհետև հերթական փակ փողոցի մոտով անցնելիս օգնեցի տաղանդավոր լրագրող Լիային, որին ոստիկանները առողջական լուրջ վնաս են պատճառել, տղամարդուն անվայել ձևով ու դա աններելի է...», - գրել է Վարդևանյանը՝ նշելով, որ բոլոր մանրամասները կհայտնի ավելի ուշ։12:2602.05.22
-
ՔաղաքականՌուբինյանն ու Քըլըչը վաղը կհանդիպեն ՎիեննայումՌուբեն Ռուբինյանն ու Սերդար Քըլըչը, ըստ Թուրքիայի արտգործնախարար Մևլյութ Չավուշօղլուի, քննարկելու են «առաջիկայում ձեռնարկվելիք տարբեր քայլեր»:12:1602.05.22
-
ՀասարակականԵՊՀ-ում դասապրոցեսն ընթանում է բնականոն հունովԵրևանի պետական համալսարանում դասապրոցեսն ընթանում է բնականոն հունով։ «Առաջին դասաժամերի ընթացքը որոշ ֆակուլտետներում մասամբ խաթարվել էր, քանի որ փողոցները խցանված են, և պրոֆեսորադասախոսական կազմի և ուսանողների մի մասը չէր կարողացել ժամանակին հասնել համալսարան», - հայտնել են ԵՊՀ-ից։ Նշենք, որ համացանցում տեսանյութեր էին տարածվել, ըստ որոնց՝ ԵՊՀ մի շարք լսարաններ դատարկ էին. նշվում էր, որ ուսանողները դասադուլ են հայտարարել։12:1002.05.22
-
ՀասարակականՄայրաքաղաքում բոլոր ճանապարհները բաց են ու երթևեկելի. ոստիկանությունԱյսօր առավոտից մայրաքաղաքի երեք տասնյակ խաչմերուկ փակվել էին քաղաքացիների կողմից, հայտնում են ՀՀ ոստիկանությունից։ «Ոստիկանության ծառայողներն արագորեն վերականգնել են երթևեկությունը: Ներկայումս մայրաքաղաքում բոլոր ճանապարհները բաց են ու երթևեկելի», - նշված է ոստիկանության տարածած հաղորդագրությունում։12:0502.05.22
-
Ադրբեջանի ՊՆ-ն հանդես է եկել իրականության հետ կապ չունեցող հաղորդագրությամբ. ՀՀ ՊՆԱդրբեջանի պաշտպանության նախարարությունը կրկին հանդես է եկել իրականության հետ կապ չունեցող հաղորդագրությամբ, հայտարարելով, թե իբր մայիսի 1-ին ՀՀ ԶՈՒ ստորաբաժանումները հրաձգային զինատեսակներից և նռնականետերից կրակ են բացել հայ-ադրբեջանական սահմանի արևելյան հատվածում տեղակայված ադրբեջանական դիրքերի ուղղությամբ։ Իրադրությունը հայ-ադրեջանական սահմանին հարաբերականորեն կայուն է և գտնվում է ՀՀ ԶՈՒ լիարժեք վերահսկողության ներքո։12:0202.05.22
-
ՀասարակականԲերման ենթարկված տղաները ոստիկանական բաժանմունքում երգում են «Զարթի՛ր լաո» երգըԲերման ենթարկված տղաները ոստիկանական բաժանմունքում երգում են «Զարթի՛ր լաո» երգը11:5202.05.22
-
ՀասարակականԱկցիայի ժամանակ լրագրողի ինքնազգացողությունը վատացել էԱյսօր վաղ առավոտից «Դիմադրության» շարժման մասնակիցներն անհնազանդության ակցիաներ են իրականացնում՝ փակելով տարբեր փողոցներ: Ակցիաներից մեկի ժամանակ վատացավ լրագրող Լիա Սարգսյանի ինքնազգացողությունը: Ներկաներն օգնություն ցուցաբերեցին, ջուր ցողեցին դեմքին, որ ուշի գա: Ոստիկանները լրագրողին գրկած տեղափոխեցին շտապօգնության մեքենան:11:4602.05.22
-
ՔաղաքականՄեր առջև դրված խնդիրները հստակ իրականացվում են․ թիկունքում կա ժողովուրդ․ ՍաղաթելյանԱմբողջ ոստիկանական համակարգը հանել են ոտքի, ովքեր արձակուրդում են՝ կանչել են աշխատանքի, ասում են, որ որոշ օլիգարխներ էլ են օգնում, բայց անկասելի է այս ամեն ինչը, լրագրողների հետ զրույցում ասաց ԱԺ փոխնախագահ Իշխան Սաղաթելյանը։ «Ամբողջ քաղաքը պարալիզացված է, այս պայքարն անկասելի է։ Ամեն ինչ գնում է ըստ ծրագրի, ըստ մեր ժողովրդի պահանջի։ Նախնական տվյալներով՝ 200-ից ավելի բերման ենթարկված ունենք, բռնության դեպքեր, այդ թվում՝ պատգամավորների նկատմամբ։ Մարդիկ ոտքի են կանգնել։ Այն խնդիրները, որ դրված են մեր առջև, հստակ իրականացվում է։ Իրականացվում է, որովհետև թիկունքում կա ժողովուրդ, սա ինչ-որ կուսակցականներով ակցիա չի», - ասաց Իշխան Սաղաթելյանը։11:2602.05.22
-
ՔաղաքականՈստիկանները գետնին են տապալել փաստաբանի, ոտքերով հարվածել, պատռել նրա շորերը․ իրավիճակը լարված էՎարորդները սկսել են վիճել ճանապարհը փակած քաղաքացիների հետ, պահանջել բացել փողոցը: Ոստիկանները սկսել են բերման ենթարկել Չարենց փողոցը փակած ակտիվիստներին: Էվակուատորներ են տարածք բերվել՝ ճանապարհը փակած ավտոմեքենաները տուգանային հրապարակ տանելու համար:11:1802.05.22
-
ՔաղաքականԳնունիում ակցիային միացել է նաև ավտոբուսի վարորդը․ կան բերման ենթարկվածներԱռավոտյան 8-ն անց կեսից փակ է Վարդանանց-Գնունի խաչմերուկը: Ակցիայի մասնակիցները աղբամաններ են տեղադրել ճանապարհին՝ խոչընդոտելով մեքենաների տեղաշարժը:11:1202.05.22
-
ԱռողջապահականՀայաստանում հաստատվել է կորոնավիրուսային հիվանդության 3 նոր դեպքՄայիսի 2-ին հանրապետությունում արձանագրվել է կորոնավիրուսային հիվանդության 3 նոր դեպք: Կատարվել է 2064 թեստավորում, առողջացել՝ 518 քաղաքացի: Այսպիսով, հաստատվել է կորոնավիրուսային հիվանդության ընդհանուր 422 874 դեպք, որոնցից 412 003-ը՝ առողջացած: Փաստացի բուժում է ստանում 566 պացիենտ: Ընդհանուր առմամբ, կորոնավիրուսի հետևանքով մահվան 8622 դեպք է արձանագրվել: Այլ հիվանդության պատճառով մահվան դեպքերի ընդհանուր թիվը 1683 է։ Ընդհանուր կատարվել է 3 055 957 թեստավորում։11:0702.05.22
-
ՔաղաքականՎերջին երկու ժամվա ընթացքում Երևանում փակվել է մոտ 2 տասնյակ փողոցԵրևանում սկսվել են Դիմադրության շարժման անհնազանդության ակցիաները: Առավոտյան ակտիվիստները փողոցներ են փակել մայրաքաղաքի տարբեր հատվածներում: Դիմադրության շարժման կազմակերպիչների խոսքով՝ վերջին երկու ժամվա ընթացքում Երևանում փակվել է մոտ 2 տասնյակ փողոց: Դրանցից մի քանիսն այս պահին էլ փակ է: Փակվել է նաև Բաղրամյան-Պռոշյան խաչմերուկը: Ոստիկանները, այդ թվում կարմիր բերետավորներ, պատ կազմած փորձել են բացել ճանապարհը, հրմշտոց է սկսվել ոտիկանների ու ցուցարաների միջև: Մի քաղաքացի մարմնական վնասվածք է ստացել: Ասֆալտին ընկած քաղաքացին վեր կենալ չի կարողացել, մինչև շտապ օգնության մեքենա է մոտեցել քաղաքացուն, տեղափոխել հիվանդանոց:11:0202.05.22
-
ՔաղաքականԺամը 18:00-ին Ֆրանսիայի հրապարակում հավաք տեղի կունենա. Իշխան ՍաղաթելյանԱյսօր՝ ժամը 18:00-ին, Ֆրանսիայի հրապարակում հավաք տեղի կունենա, այս մասին անհնազանդության ակցիայի ժամանակ լրագրողների հետ զրույցում ասաց ԱԺ փոխնախագահ Իշխան Սաղաթելյանը։ «Դիմադրության» շարժման մասնակիցներն այս պահին անհնազանդության ակցիաներ են իրականացնում մայրաքաղաքի տարբեր հատվածներում՝ փակելով փողոցներ։ Ոստիկանության ուժերը՝ դիմակավորված ոստիկանները և կամիր բերատավորները, մայրաքաղաքի փողոցներից բիրտ ուժ կիրառելով, բերման են ենթարկում ակցիայի մասնակիցներին։10:5402.05.22
-
ՔաղաքականԳլխին վիրավորում ստացած պատերազմի մասնակցին ոստիկանները գլխին հարվածելով բերման են ենթարկել․ Աննա Մկրտչյան«Պատիվ ունեմ» խմբակցության պատգամավոր Աննա Մկրտչյանն իր ֆեյսբուքյան էջում գրել է. «Նարեկ Ալեքսանյան Գլխից վիրավորում ստացած 44-օրյա պատերազմի մասնակցին վայրագությամբ, մարմնական վնասվածքներ հասցնելով, ոստիկանական մեքենայի մեջ վիրավոր գլխին բռունցքներով հարվածելով բերման են ենթարկում անհայտ ծագման, դիմակավորված հանցագործներ։ Տականք նիկոլի վախի ցուցիչն այս անհայտ ծագման խուլիգանախմբերն են։ Նարեկի ինքնազգացողությունը բաժնում վատացել է»:10:4402.05.22
-
ՔաղաքականԹիվ 1 համալսարանական հիվանդանոց տեղափոխված քաղաքացու վիճակը գնահատվում է բավարարԲժիշկներն ավարտել են Բաղրամյան-Պռոշյան խաչմերուկից Թիվ 1 համալսարանական հիվանդանոց տեղափոխված քաղաքացու զննումը։ ԵՊԲՀ աշխատակազմի ղեկավար Շուշան Դանիելյանի փոխանցմամբ՝ քաղաքացու վիճակը գնահատվում է բավարար, մոտակա րոպեներին քաղաքացին դուրս կգրվի բժշկական հաստատությունից։10:3702.05.22
-
ՔաղաքականԲերման է ենթարկվել 125 անձ․ ոստիկանությունՎաղ առավոտյան Երևանի տարբեր հատվածներում ընդդիմության ներկայացուցիչներն ու աջակից քաղաքացիները ճանաօպարհներ են փակել,իրականացրել անհնազանդության խաղաղ ակցիաներ։ Այդ գործողությունների ընթացքում ՀՀ ոստիկանությունն այս պահի դրությամբ բերման է ենթրակել 125 անձի։ Այս մասին Tert.am-ի հետ զրույցում հայտնեցին Ոստիկանության լրատվության վարչությունից։ Քաղաքացիները բերման են ենթարկվել ՀՀ վարչական իրավախախտումների վերաբերյալ օրենսգրքի 182-րդ հոդվածի հիմքով: Նշենք. որ ՎԻՎ 182-րդ հոդվածը սահմանում է ոստիկանության ծառայողների օրինական պահանջը չկատարելը։10:3202.05.22
-
ՔաղաքականՈստիկանները փորձում էին բերման ենթարկել ԱԺ պատգամավոր Ասպրամ ԿրպեյանինՈստիկանության ծառայողները քիչ առաջ Վարդանանց փողոցից փորձում էին բերման ենթարկել ԱԺ պատգամավոր Ասպրամ Կրպեյանին։ Կարմիր բերետավորները բիրտ ուժ կիրառելով պատգամավորին հեռացրեցին փողոցի երթևեկելի հատվածից։ Ամբողջական հոդվածը կարող եք կարդալ այս հասցեով՝ : https://hraparak.am/post/93069c9a2845fc90a1550850ef3b36d2 © 2008 - 2021 «Հրապարակ օրաթերթ»10:2702.05.22