Լրահոս

Եվ մեր վերջին պատմությունը՝ թալիշցիների տունդարձի մասին է: Ապրիլյան պատերազմի ժամանակ ավերված գյուղը նոր կյանք է սկսում: Թալիշից հարկադրաբար հեռացած մարդիկ վերադառնում են, նորից տունտեղ դնում:

Ասօրվանից հանրապետության բոլոր գիշերօթիկները փակվում են: Մնում է միայն մեկը՝ Գյումրու թիվ երկուսը, որն էլ կես տարուց է փակվելու:

Անցած շաբաթ հանրային տրանսպորտի վարորդի մահը ցնցեց բոլորիս: Սրտի կաթվածը ամենայն հավանականությամբ մեքենան վարելու պահին էր ստացել: Չէր կարողացել կառավարել մեքենան ու հարվածել էր երկաթե արգելապատնեշին:

Շաբաթվա հեշթեգերում այս անգամ կամազների սկանդալային նվերն է, իր հայտնի ու անհայտ նվիրատուներով եւ իհարկե մեկ այլ սկանդալային նախագիծ:

Աշխարհի մեծ ու փոքր խանութների առջև աննախադեպ իրարանցում էր ուրբաթ երեկոյան: Միլիոնավոր դոլարներ են ծախսել շոփինգամոլները՝ տարվա իրենց տոնը հավուր պատշաճի նշելու համար:

Երևանի քաղաքային իշխանությունը աչք չի բացում սկանդալներից: Այս անգամ էլ իսկական գլխացավանք են դարձել նվեր-կամազները, որոնք Հայկ Մարությանն ընդունել է նախկին ու ներկա պաշտնոյանների հետ փոխկապակցված ընկերություններից: Վերջին օրերի մամուլի հրապարակումները 21 նվեր-կամազների վերաբերյալ Գլխավոր դատախազությունը այժմ ուսումնասիրում է:

Հայաստանի արտգործ նախարար Զոհրաբ Մնացականյանը դրական է գնահատում Հայաստանի, Արցախի և Ադրբեջանի լրագրողների փոխայցելությունը: Ըստ Մնացականյանի՝ շատ էական է, որ այս ծրագիրն իրականացվեց լրագրողների մակարդակով, այսինքն` այն մարդկանց, որոնք կարծիք ձեւավորող են:

Պարգևավճարների նոր սկանդալ՝ խորհրդարանում: Իրականում.էյէմը Ազգային ժողովից ստացել է մի հարցման պատասխան, որի համաձայն, պատգամավորները 10 ամսում 14 անգամ պարգևավճար են ստացել: Պարգեւավճարների ընդհանուր գումարը եղել է 909 մլն դրամ: Այսինքն մոտ երկու միլիոն դոլար:

Հին աշխարհը նորից ահաբեկիչների թիրախում: Մի գիշերվա մեջ Լոնդոնում ու Հաագայում անցորդների վրա են հարձակվել դանակով զինված տղամարդիկ: Նրանք նաև պայթուցիկ սարքեր են ունեցել: Փայթուցիկ է հայտնաբերվել նաև Փարիզի կայարաններից մեկում: Բարեբախտաբար, որևէ մեկը գործի չի դրվել: Վերլուծաբանները անհագստացած են, որ Ամանորի շեմին Եվրոպան նորից ահաբեկչական տագնապի մեջ է:

Սև ուրբաթին միացել էր նաև Հայաստանը: Մայրաքաղաքում այն շարունակվել է մինչև կեսգիշեր: Քաղաքում աննախադեպ խցանումներ են եղել: Շոփինգի հայաստանցի սիրահարները շուտով գուցե կարողանան նաև հագուստներ գնել, որոնք կարված կլինեն աղբից:

Այս շաբաթ աշխարհը հրաժեշտ տվեց՝ բացառիկ մի հայ կնոջ՝ Գոհար Վարդանյանին: Նա իր ամուսնու՝ Գևորգ Վարդանյանի հետ համաշխարհային պատմության մեջ մտավ՝ կանխելով աշխարհի երեք լիդերների դեմ մահափորձը:

Հիսուսի բարդույթով է միշտ աշխատել գլխավոր դատախազը: Արթուր Դավթյանը այդ մասին խոստովանել է լրագրողների հետ զրույցում: Միևնույն ժամանակ նշել է, որ աշխատելիս հույսը միայն Աստծու վրա չեն դնում: Փորձում են մաքսիմալն անել, որպեսզի կարողանան Հայաստան վերադարձնել, օրինակ նախկին պաշտոնյանների, որոնց դեմ քրեական գործեր են բացվել: Ի դեպ, Դավթյանը համաձայն չէ, թե նախկինները իրավապահ մարմիններից թաքնվում են Ռուսաստանում: Այլ երկրներում գտնվողների մասին էլ շուտով կհայտարարվի,- ասել է դատախազը:

Երեւանի քաղաքապետարանին կամազներ նվիրած ընկերությունների և նախկին ու ներկա պաշտոնյաների միջև կապի մասին այսօրվա գաղտազերծումներից հետո «Լուսավոր Հայաստան» խմբակցությունը հանդես է եկել խորհրդարանում քննիչ հանձնաժողով ստեղծելու նախաձեռնությամբ:

«Ստամբուլյան կոնվենցիան մեծ թակարդ է և Հայաստանը պետք է մերժի այն». կոնվենցիայի մասին այս կարծիքին է Բուլղարիայի խորհրդարանի պատգամավոր Ալեքսանդր Սիմովը: Նա Հայաստանում է՝ ներկայացնելու իր երկրի փորձը, որը հրաժարվեց վավերացնել տարիներ առաջ ստորագրած կոնվենցիան: