Լրահոս

Հայկական երկու հանրապետությունների միջև առկա ռազմական համագործակցության ծրագրի համաձայն՝ աշխատանքային այցով հուլիսի 3-ին ՊԲ է այցելել ՀՀ ԶՈՒ գլխավոր շտաբի պետ, գեներալ-լեյտենանտ Արտակ Դավթյանը:

ՀՀ  քննչական կոմիտեի ԵՔՔՎ Ավան և Նոր Նորք վարչական շրջանների քննչական բաժնում քննություն է տարվում՝ 1973 թվականին ծնված տղամարդու  սպանության հանգամանքները պարզելու ուղղությամբ:

Չինաստանում ստեղծել են նոր կախազարդեր՝ բանալիների համար: Կախազարդերը պլաստիկ տարրաների մեջ են, որոնց մեջ կա ջուր եւ ջրային կենդանի: Կենդանիները մի քանի օր կարող են դիմանալ միայն:

«Ոսկե ծիրան» 16-րդ  միջազգային կինոփառատոնի պաշտոնական բացման արարողությունը տեղի կունենա հուլիսի 7-ին, Կ. Դեմիրճյանի անվան մարզահամերգային համալիրում: 

Հոնկոնգում երկու միլիոն ցուցարարի պահանջը իշխանությունը վերջապես լսել է ու հրաժարվել՝ արտահանձնման մասին վիճահարույց օրենքից: Բողոքի ցույցերն ընթանում էին ամռան սկզբից: Նոր օրինագծի հակառակորդները պնդում են, որ օրենքում հնարավոր փոփոխությունները արվում են, որպեսզի Չինաստանին արտահանձնեն ոչ միայն կոռումպացված չինացի պաշտոնյաները, այլև Հոնկոնգում ապաստան գտած չինացի ընդդիմադիր գործիչները:

Հայաստանում հուլիսի համար աննախադեպ զով եղանակ է: Այս գիշեր Աշոցքում և Ծաղկահովտում ջերմաստիճանը նվազել է մինչև 0 աստիճանի։ Սև ծովից մեր երկիր թափանցող խոնավ և սառը օդը ամսվա ընթացքում կգրանցի նորմայից 1 աստիճանով ցածր ջերմություն: Տեղումների քանակը նորմայից ավելի շատ կլինի և օդերևութաբան Գագիկ Սուրենյանի կանխատեսմամբ՝ ոռոգման համար Սևանից հավելյալ ջուր վրեցնելու կարիք պետք է չլինի:

Հայաստանի սահմանին ռուսական գազի հնարավոր թանկացման մասին ծավալուն հոդված է հրապարակել Գազետա.ռու էլեկտրոնային պարբերականը: 
Այս տարվա հունվարի մեկին Հայաստանի սահմանին ռուսական գազի՝ 15 դոլարով թանկանալուց հետո, Հայաստանի վարչապետը հայտարարեց, որ գազի նոր սակագին ձևավորվելու համար Գազպրոմի հետ բանակցությունները սկսել են: Մինչև այսօր կառավարության ներկայացուցիչները հայտարարում են, որ Գազպրոմի հետ բանակցությունները շարունակվում են:

Մինչ դեռ ռուսական պարբերականը հայտնում է, որ բանակցությունների վերջնաժամկետները վաղուց սպառվել են՝ անարդյունք:

Հայ-ռուսական հարաբերությունների հնարավոր կնճիռները հարթելու քայլ են համարում վերլուծաբանները՝ Նիկոլ Փաշինյանի այսօրվա այցը Մոսկվայի պետական համալսարանի Հայաստանի մասնաճյուղ:

Այնտեղ Հայաստանի վարչապետը դիմպլոմներ է հանձնել շրջանավարտներին ու հայտարարել, որ Հայաստանի քաղաքացիների համար առանձնահատուկ նշանակություն ունի ռուսերենի իմացությունը:

Հայաստանի իրավաբանների հանրությունը կարծում է, որ ՙԱպօրինի ծագում ունեցող գույքի բռնագանձման՚ օրենքի նախագծի հեղինակները ամաչել են այն հանրային քննարկման դնել՝ միջազգային փորձաքննության ուղարկելուց առաջ:
Ինչպես հիշում եք՝ արդարադատության նորանշանակ նախարարը հայտարարել էր, որ նախագիծը արդեն պատրաստ է և ուղարկել են արտասահմանցի գործընկերներին՝ գնահատելու:

ՙՄեկ Հայատան՚ կուսակցության իրավաբան-նախագահի խոսքով՝ նախագիծը իրավաբանության հետ կապ չունի: Այն պետք է՝ քաղաքական խնդիրներ լուծելու համար:

Էջմիածնի քաղաքապետ, իշխող կուսակցության ներկայացուցիչ Դիանա Գասպարյանը կամակորություն է անվանում իր հրաժարականը պահանջող քաղաքացու նստացույցը: Էջմիածնի բնակիչը արդեն երկրորդ օրն է քաղաքի կենտրոնում նստացույց է անում: Մեր նկարահանող խմբին այսօր ասել է, որ չի ցանկանում փակագծեր բացել, թե ինչու է պահանջում քաղաքապետի հրաժարականը: Ցանկանում է՝ նրա հետ դեմ առ դեմ հանդիպել, խոսել:

Հայաստանի բնակիչների կեսը ծխում է: Արձանագրում է Հայկական համաշխարհային բժշկական կոմիտեն եւ պատրաստվում միանալ երկրի հակա-ծխախոտային արշավին: Աշխարհի ամենահայտնի հայ բժիշկները հավաքվել են Երևանում՝ տեղացի գործընկերների հետ փորձ փոխանակելու: Կոմիտեի նախագահ Վիգեն Սեպիլյանը մեր թղթակցի հետ զրույցում անդրադարձել է նաև Գարդասիլի շուրջ հակասական կարծիքներին: 

Մանվել Գրիգորյանը կմնա կալանքի տակ: 10 միլիոն դրամ գրավի դիմաց նրան ազատ արձակելու փաստաբանների միջնորդությունը դատարանն այսօր մերժել է: Մանվել Գրիգորյանը՝ երկրորդ դատական նիստն է՝ գալիս է անվասայլակին նստած: Բժիշկները նիստի սկզբում միացնում են արհեստական շնչառության ապարատը: Փաստաբանները անընդհատ կրկնում են՝ Գրիգորյանի հիվանդությունները անհամատեղելի են կալանքի հետ: Դատարանը պաշտպանների պնդումները ստուգելու համար բավարարել է մեղադրող կողմի միջնորդությունը՝ միջ-գերստեսչական հանձնաժողով ստեղծելու մասին:

Հայաստանը պատրաստվում է Թուրքիայի հետ կառուցել արհեստական ջրամբար, որը կամբարի Արաքս գետի ջուրը: Ծրագրի մասին այսօր Երևանում հայտարարել է հանրապետության ջրպետկոմի ղեկավարը: Լրագրողները հարցրել են նաև, թե արդյոք Հայաստանում գոյություն ունի ջրի մաֆիա, ինչպես վստահեցնում էր Նիկոլ Փաշինյանը: Ջրպետկոմի ղեկավարը չի հերքել, որ երկրում կա անբարեխիղճ, իրենց բիզնեսի շահերը պաշտպանող մարդկանց խումբ, բայց դա մաֆիա անվանելը մի փոքր բարձր է հնչում:

Երեքշաբթի, 2 Յուլիս 2019-ին առաւօտեան, տեղի ունեցաւ Հայ Մամուլի Համահայկական Համաժողովի բացման հանդիսութիւնը՝ նախագահութեամբ Ն.Ս.Օ.Տ.Տ. Արամ Ա. Կաթողիկոսին։ Համաժողովին կը մասնակցին շուրջ 100 մամուլի մշակներ, լրագրողներ եւ աշխատակիցներ՝ Հայաստանէն, Արցախէն եւ Սփիւռքի զանազան գաղութներէն։