Լրահոս

Մայր Աթոռ Սուրբ Էջմիածնի Տեղեկատվական համակարգի տնօրեն Տեր Վահրամ Քահանա Մելիքյանն իր ֆեյսբուքյան էջում գրել է. «Ի զորակցություն լիբանանահայությանը

Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի օրհնությամբ և տնօրինությամբ Մայր Աթոռ Սուրբ Էջմիածինը որպես զորակցություն հիսուն հազար ԱՄՆ դոլար գումար է փոխանցել Լիբանանի հայոց թեմի առաջնորդարանին` Լիբանանի կյանքում դժվարին այս օրերին լիբանանահայության կարիքները հոգալու համար»:

Այսօր գումարվել է ՀՖՖ անդամների արտահերթ ժողովը, որի ընթացքում ընտրվել են ՀՖՖ նոր նախագահն ու գործկոմի նոր անդամները։ Կողմ է քվեարկել 13, դեմ՝ 7, անվավեր՝ 3 մարդ։

Երբ Դուշանբեի վերելակում զրուցեցին Հայաստանի վարչապետն ու Ադրբեջանի նախագահը, ու պարզվեց, որ Ալիեւը կիրթ մարդ է, մի պահ մտածեցինք ինչպե՞ս է Փաշինյանին հաջողվել է հեղափոխել ռազմատենչ Ալիեւին: Վե՞րջ կրակոցներին: Ինչ-որ պահի սահմանի հակառակ կողմից՝ Հայաստանի ու Արցախի ուղղությամբ կրակոցները, իրոք, պակասեցին: Բայց այս շաբաթ, Տավուշի խաղաղ բնակիչների ուղղությամբ գնդակոծությունը վերսկսեց այնպիսի ինտենսիվությամբ, ինչպիսին չէինք տեսել վերջին 15 ամսում: Այսպես, ժողովրդին, հաստատ, խաղաղության չեն նախապատրաստում:

Արդեն 20 օր է՝ Հայաստանի 4 գիշերօթիկներց միայն մեկն է գործում: Անապահով ընտանիքներում ապրող երեխաներին վերադարձրել են ծնողների մոտ: Գիշերօթիկների փակելու արդյունքում խնայած գումարից կառավարությունը բաժին կհանի այն ընտանիքներին, որտեղ վերադարձել են փոքրիկները: Բայց բոլորը չէ, որ կենսաբանական ծնողների գրկում տեղ ունեն: Դրսում հայտնված երեխաներից մի քանիսին խնամատար ընտանիքներում կպահեն:

Թիվ մեկ դատավարության շուրջ այս շաբաթ էլ սկանդալների պակաս չեղավ: Քոչարյանի փաստաբանների բողոքի վերաբերյալ որոշման հրապարակումից ժամեր առաջ ոստիկանությունը հրապարակեց մի տեսանյութ, որտեղ Քոչարյանի աջակից ներկայացող տղամարդը մարտի մեկի տուժածին գումար, հետագայում նաեւ պաշտոն է առաջարկում՝ ցուցմունքից հրաժարվելու դիմաց: Երկրորդ նախագահի փաստաբանները ոստիկանության հրապարակած նյութը բանսարկություն և շինծու քայլ որակեցին, պնդեցին, որ դա դատավորին ճնշելու ուղիղ փորձ է: Քոչարյանի աջակից ներկայացած քաղաքացուն շաբաթվա վերջին ոստիկանությունը ձերբակալեց ու մեղադրանք առաջադրեց: Երկրորդ նախագահին անազատության մեջ տեսնել ցանկացողներին այս շաբաթ զարյացրին Հայաստանի եւ Ռուսաստանի մշակութային ու հասարակական մոտ 7 տասնյակ այն գործիչները, որոնք հրապարակային միացան Քոչարյանի խափանման միջոցը փոխելու պահանջագրին

Այս շաբաթ Չեխիան արտահանձնեց Նարեկ Սարգսյանին: Հայաստանի ոստիկանները երիտասարդի ձեռքերը ոլորած օդանավակայանից տարան բանտ: Կարծում եմ հիշում եք Սերժ Սարգսյանի եղբոորդին, որ թաքնվելու համար փոխել էր անձնագիրը ու Չեխիայում ապրում էր Ֆրանկլին Գոնսալես անունով, մեղադրվում է ապօրինի զենք ու թմրանյութ պահելու համար: Շաբաթը աչքի ընկավ նաեւ հին ընկերների վեճով ու մի մեքենայի պատմությամբ: Բոլոր հեշթեգերը մեկ ռեպորտաժում:

Ինչպե՞ս նշել Ամանորը. խոզի բդի ու բլինչիկի գերության մե՞ջ, թե Հարնապետության հրապարակում՝ հոթ- դոգ ուտելով ու Բրեգովիչ լսելով: Գեղարքունիքի մարզի Չկալովկա գյուղում ոչ մեկի մտքով չի անցնում Հրապարակ գալ: Այնտեղ փախլավա են թխում, դոլմա փաթաթում, պարտք անում՝ հանուն սեղանի առատության, որ տարին բարեբեր լինի ու գոնե 2020-ին իրենց անունները խանութի նիսիայի տետրում չլինի:

Հանրային խորհրդի անդամներից մի քանիսը իրերն են հավաքում հեռանալու հեռացած նախագահ Վազգեն Մանուկյանի հետևից: Ըստ մամուլի սորոսականի համարում ունեցող կադրերով հանրային խորհրդի համալրումը դժգոհության ներքին ալիք է բարձրացրել: Ամեն ինչ սկսվել է այն պահից, երբ Հայաստանի նոր իշխանության ամենաակտիվ ջատագովներից մեկը՝ Ստյոպա Սաֆարյանն է դարձել խորհրդի նախագահ: Ի դեպ՝ Ստյոպա Սաֆարյանը նա է, որ որոշ ժամանակ առաջ լրատվամիջոցների սև ցուցակ էր հրապարակել:

Արցախի ժամանակակից պատմության ամենամեծ ներդրողը արդեն հուշարձան ունի հենց այն նույն տեղում, որտեղ տարիներ առաջ կազմակերպել էր արցախցիների մեծ հարսանիքը: Բարերարն ասում էր մի բան գիտի ամենամեծ զենքը քանակն է, մենք ուրիշ ճար չունենք, պիտի շատանանք:

Վազգեն Սարգսյանի ռազմական համալսարանը այսօր դարձավ 25 տարեկան: Տոնական օրը նոր Հայաստանի վերնախավը ըստ էության ընդունեց, որ հին Հայաստանում 25 տարի կարևոր գործ է արվել ստեղծվել է ամբողջական զինվորական կրթություն ստանալու հնարավորություն՝ վարժարանից մինչև ռազմական համալսարան:

Ինչու՞ Հայաստանում սորոսի գրասենյակի ղեկավար Լարիսա Մինասյանի հետ լուսանկարի հրապարակման օրը Ազգային ժողովի իմքայլական պատգամավոր Սոնա Ղազարյանը որոշեց հայտարարել, որ թերթել է այբբենարանը ու կարծում է, որ դրա տեղը աղբամանում է, քանի որ կինը այնտեղ մշտապես ներկայացված է՝ որպես տնային տնտեսուհի, իսկ տղամարդը՝ որպես հիմնական աշխատուժ։ Պատահականությու՞ն է: Այդպես չեն կարծում տարրական դասարանների ուսուցիչները:

Անցնող տարվա ամենահաջողակ գործարարը մոլորակի երրորդ ամենահարուստ մարդն է: Ֆրանսիական նրբաճաշակության շնորհիվ Christian Dior, Louis Vuitton և Givenchy ապրանքանիշերը ղեկավարող Բեռնար Առնոն մեկ տարում հաջողել է ունեցվածքն ավելացնել 40 մլրդ դոլարով: Forbes-ի նախանձելի ցուցակին Գայանե Մովսիսյանն է ծանոթացել:

Դատաիրավական Հայաստանը սպասում է նախագահ Արմեն Սարգսյանին: Նրա մի ստորագրությունից է կախված վերջին տարվա ամենասկանդալային օրենսդրական կարգավորման ճակատագիրը: Սահմանադրական դատարանի դատավորներին վաղ թոշակի ուղարկելու նախագծին խորհրդարանը համաձայնություն է տվել առանց ընդդիմադիրների հետ կոնսենսուսի միայն իմ քայլականների ջանքերով: Անկախ փորձագետները շարունակում են ահազանգել, որ ընդունվածը օրինական կաշառքի առաջարկ է բարձր դատարանի դատավորներին ու ակնհայտ հակասահմանադրական է: Արտախորհրդարանական ընդդիմությունը պահանջում է, որ ստորագրություն դնելուց առաջ նախագահը նախագիծը գոնե ուղարկի Սահմանադրական դատարան ստուգելու մայր օրենքին համապատասխանությունը: Բացի սա շուտով նախագահի սեղանին կլինի ևս մեկ վիճելի օրենք:

2019-ի ավագանու ամենավառ կերպարներից մեկի շուրջ աղմուկը չի լռում: Սոց.ցանցերում «չդնես» հեշթեգի տակ օգտատերերը կոչ են անում Ավագանու լույս խմբակցության անդամ Դավիթ Խաժակյանին որևէ մեկին չլսել ու վայր չդնել մանդատը ավագանիում: Իսկ կուսակցությունը դեռ լռում է Լուսավոր Հայաստանի ղեկավարը խոստացել է Խաժակյանին հետ կանչելու մասին վերջնական որոշում հրապարակել երկուշաբթի: