Լրահոս

Մինչ մարդու իրավունքների պաշտպանները անհանգիստ են անձնական կյանքի պաշտպանության համար, մամուլը այս օրինագծի քաղաքական պատճառների մասին է խոսում: Գրում են, թե իբր վարչապետը սկսել է չվստահել Ազգային անվտանգության ծառայությանը եւ ոստիկանությանը գաղտնալսելու իրավունք է տրվում՝ նաեւ ԱԱԾ-ն վերահսկողության տակ պահելու համար: Վտանգավոր կասկածներ են, բայց գուցե ոչ անհիմն: Մանավանդ, որ կառավարության նիստում վարչապետը հայտարարում է, որ «ամբողջ պետական համակարգը դիմադրում է հեղափոխությանը»: Հետո, Հանրային խորհրդի նորընտիր անդամը՝ սորոսականի համարում ունեցող Դանիել Իոնիսյանը, որպես դիմադրող, առաջինը հիշում է ԱԱԾ-ն:

Քաշմիրի պես նուրբ կողակից փնտրող Ռահուլին ճակատագիրը բերեց լեռնոտ Հայաստան: Նախ սովորելու դե գիտեք Բժշկական համալսարանում, հետո սովորեցնելու: Հետո՝ համադրելու հայկական հարիսան ու հնկական քարին: Հետո՝ Կարնո քոչարին ու հնդկական կատախալին;

Մինչ շաբաթվա սկզբից իշխանությունը զբաղված է շքեղ ամանորի և դրանից ոչ պակաս շքեղ կենսաթոշակի պատրաստություններով հատուկ ՍԴ դատավորների համար ամանորի անակնկալը իր ոտքով եկավ: Հայաստանի և Ադրբեջանի արտգործնախարարների հանդիպումից հետո, Հայաստանի ինֆորմացիոն ամայի դաշտում մոլախոտի պես շատ արագ տարածվեց ադրբեջանական քարոզչությունը: Մենք պետական ամենաբարձր մակարդակով քննարկում էինք Ջինգլ Բելսի հայերեն տարբերակի ստեղծման եւ բլինչիկային գերությունից ազատվելու անհրաժեշտությունը, երբ Մամեդյարովը մի պահ մեզ շեղեց հրատապ քննարկումից: Հայտարարեց, թե բանակցային սեղանին է նաեւ «Լավրովյան պլանը»: Լավ է, որ Մամեդյարովի հարցազրույցին պատահականորեն հաջորդեց մեր ԱԳՆ խոսնակի ճեպազրույցը: Բարեբախտաբար, հերքվեցին ադրբեջանցի նախարարի պնդումները եւ մենք հանգիստ խղճով վերադարձանք ամանորյա նոր մշակույթի ձեւավորման ստեղծարար նպատակին:

Ոստիկանությունը այս շաբաթ արտակարգ քանակի արտակարգ ահազանգեր էր ստանում դպրոցներում դանակահարությունների մասին: Մեկ շաբաթում անչափահասի դանակահարության 3 դեպք տեղի ունեցավ: Երևանի 114 և 184 դպրոցներից դանակի կտրած-ծակած վերքերով հիվանդանոցներ են տեղափոխվել 2 տղա, երկուսն էլ 16 տարեկան: Եվս մի 16-ամյա պատանի իրենց դպրոցի մեկ այլ դեռահասի հետ վիճաբանության ժամանակ դանակահարվելու պատճառով՝ Արմավիրի մարզում էր հոսպիտալացվել:

Հայաստանի ֆուտբոլի ֆեդերացիայի նախկին նախագահ Ռուբեն Հայրապետյանի կարծիքով վերևներից իրեն չեզոքացնելու խնդիր է դրված: 168.am-ին տված հարցազրույցում Հայրապետյանը հայտնել է, որ իր ունեցվածքը սկսել են ստուգել նոյեմբերից: Ասում է իր սեփականությունը ստուգելու համար մեկ տարի կպահանջվի: Նախկին պատգամավորը կտրուկ է պատասխանել «Բջնի» հանքային ջրերի գործարանը Խաչատուր Սուքիասյանից խլելու մասին Սուքիասյանի արած հայտարարությանը:

Անտարեսյան գրատոնին հայ ժամանակակից գրողների գործերը եւս մեկով ավելացավ: Լույս է տեսել Հովիկ Աֆյանի երկրորդ գիրքը՝ «Չաստվածաշունչը»: Սրանից առաջ «Միս ուտողներն» էին, որը հեղինակի խոսքով անսպասելիորեն գիրք դարձավ: «Չազտվածաշունչ»-ը միայն առաջին հայացքից է աթեիստական գիրք: Պատմվածքների ժողովածուն կարդալուց հետո, Աստվածաշունչ ընթերցելու մեծ ցանկություն կառաջանա:

Հայաստանի անվտանգության համար Սորոսի հիմնադրամի գործունեության մեջ վտանգներ տեսնող Ազգային անվտանգության ծառայության նախկին տնօրենը հիմնադրամ է բացում հանուն հայրենիքի: Հայաստանի խնդիրները լուծելու հարցով անհանգիստ Արթուր Վանեցյանն ու ընկերները ցանկացած գաղափար կընդունեն, կլսեն: Ֆինանսավորման աղբյուրներն էլ անպայման պետք է լինեն պրոհայկական:

Եվ ամենի սկիզբը կինն է ու վայն եկել տարել է նրան, ով քար կնետի կին արմատի վրա: Չէ սպառնալիք չէ, ուղղակի զգուշացում՝ Բանաձորի վսեմ զավակից՝ Սվետլանա Ղուլունցից: Բանաձոր վիպակի հեղինակն իր գրքով ցույց է տալիս, թե ինչպես պետք է հարգել կնոջը:

Բրատիսլավայից ու ադրբեջանական դիվանագիտության ղեկավար Էլմար Մամեդյարովի վերջին հարցազրույցից հետո, որոշ հայ քաղաքագետներ կարծիք են հայտնում, թե բանակցություններում քաոս է:

Լուսավորից հեռացած Ազգային ժողովի անկախ պատգամավոր Արման Բաբաջանյանը որոշել է պաշտպանել հեղափոխությունը հեղափոխություն անողներից: «Պետական համակարգը դիմադրում է հեղափոխությանը» Փաշինյանի արած այս հայտարարությունից երկու օր անց, պատգամավորը քննարկման է հրավիրել հեղափոխության պահապաններին:

Արցախի իշխանությունը պատրաստվում է նոր թափ հաղորդել երկրի հյուսիսային սահմանը հսկող Թալիշի վերականգնմանը: Նախագահ Բակո Սահակյանը թալիշցիներին խոստացել է ապրիլյան պատերազմից գյուղում մի հետք էլ չի մնալու: