«5-րդ ալիք»-ից ներողություն կխնդրի ՔՊ խմբակցության քարտուղարը

«Քաղաքացիական պայմանագիր» խմբակցության քարտուղար Արթուր Հովհաննիսյանին դատարանը պարտավորեցրել է ներողություն խնդրել մեր հեռուստաընկերությունից՝ «5-րդ ալիքի» գործարար համբավն արատավորող գրառման համար: 

Վերաքննիչ դատարանի որոշմամբ՝ ՔՊ-ականը Ֆեյսբուքի իր էջում պետք է հրապարակի հետևյալ բովանակությամբ տեքստ.

«Սույն գրառմամբ ցանկանում եմ հրապարակայնորեն ներողություն խնդրել «Շարկ» ՍՊԸ-ից, որը հանրությանը ներկայանում է 5-րդ ալիք անվան ներքո՝ վերջինի անունն ու բարի համբավը արատավորող՝ «5-րդ ալիք/5 TV էս ի՞նչ եք անում: Իլյուշն ու հաքքին.ազ-ը ավելի մեղմ են արտահայտվում» վիրավորական գրառումը հրապարակելու համար»: