Թեժ մարտերը շարունակվում են Ուկրաինայում. Մոսկվան վտանգներ է տեսնում խաղաղօվկիանոսյան տարածաշրջանում

Կիևը գիշերը անօդաչու թռչող սարքերով գրոհել է Ղրիմի վրա: Ըստ Դաշնության պաշտպանության նախարարության՝ ՀՕՊ համակարգերը Ղրիմի երկնքում 11 ԱԹՍ են խոցել, Սևաստոպոլի երկնքում՝ 7 ԱԹՍ:

Ուկրաինական կողմն էլ մեղադրում է ռուսներին Խերսոնի Նովո-Դմիտրովկա գյուղի հրետակոծման համար, պնդում, որ զոհվել է 6 տարեկան երեխա, 4 մարդ վիրավորվել է։ Բանակցությունների նշան անգամ չի ուրվագծվում, բայց պաշտոնական Մոսկվան վստահեցնում է, որ պատրաստ է ուկրաինական հակամարտության կարգավորման խելամիտ սցենարներ քննարկել: