Խորվաթներն առանց «ծանր հրետանու» են Երևան եկել. քաղցր անակնկալ՝ վճռորոշ խաղից առաջ

Եվս մեկ փորձություն ունի հաղթահարելու ֆուտբոլի Հայաստանի ազգային հավաքականը Եվրոպայի առաջնությանը մասնակցելու շանսերը պահպանելու համար։ Այսօր ժամը 20-ին Երևանում մեր ընտրանին Եվրո-2024-ի որակավորման փուլի 5-րդ հանդիպումը կանցակցնի Խորվաթիայի ընտրանու հետ։ Սկզբունքային նշանակություն ունի տնային խաղը, որովհետև երկու թիմերը 7-ական միավոր են վաստակել և փորձում են հետ չմնալ D-խմբի միանձնյա առաջատար Թուրքիայից, որը մրցաշարային աղյուսակը գլխավորում է 10 միավորով: Աշխարհի բրոնզե մեդալակիր Խորվաթիան մեկ խաղ պակաս է անցկացրել մեր թիմից։ Նախկինում հավաքականները մեկ անգամ են հանդիպել, 2021 թվականի հունիսին, ընկերական խաղն ավարտվել է ոչ-ոքի`1-1 հաշվով։