Նոր «մասկի շոու». դարպասը ջարդել են, մեքենան տարել, Արցախի նախագահին էլ հարցաքննության են կանչել ԱԱԾ

Այսօր մասկի շոու է կազմակերպվել Հայաստանում Արցախի ներկայացուցչության մոտ: Դիմակավոր հատուկջոկատայինները կոտրել են դարպասը, տեխնիկա մտցրել ու առգրավել Արցախի նախագահի ծառայողական մեքենան, որը կապարակնքել էին հունիսի 7-ին։ Քննչական կոմիտեն նախաքննական գաղտնիքի հիմնավորմամբ՝ չի հայտնում, թե ի՞նչ քրեական գործի համար է պետք եղել մեքենան: Անպատասխան է մնում հարցը, թե ինչու՞ են դիմակավորները կոտրել դարպասը, եթե ներկայացուցչությունը չի մերժել այն ինքնակամ բացելու առաջարկը: Հայտնի է, որ Արցախի նախագահ Սամվել Շահրամանյանին կանչել են հարցաքննության: