Պատմական հնարավորություն կա մաս դառնալ հյուսիս-հարավ հաղորդակցման միջանցքին․ Արմեն Գևորգյան

«Հայաստան» խմբակցության պատգամավոր, տարածաշրջանային և եվրասիական ինտեգրման հարցերի մշտական հանձնաժողովի նախագահի թեկնածու Արմեն Գևորգյանը խորհրդարանից հայտարարեց, որ Քաջարանի թունելի կառուցման ճանապարհով ու Իրանի հետ ազատ առևտրի ռեժիմն ակտիվացնելով Հայաստանը պատմական հնարավորություն կստանա մաս դառնալ հյուսիս-հարավ հաղորդակցման միջանցքին։

 Գևորգյանի խոսքերով տարածաշրջանային հաղորդակցության ուղիները բացելու համար այսօր Հայաստանը գտնվում է ուժեղ ճնշման ներքո, իսկ առկա միտումները շարունակման պարագայում Հայաստանի տարածքում բախվելու են արտաքին խաղացողների շահերը:

Իրավիճակի լուծումը Գևորգյանը տեսնում է բաց և թափանցիկ գործունեության մեջ։ «Պետք է պարզենք՝ արդյո՞ք ռեգիոնալ ապաշրջափակման հարցով արտաքին ուժերի հետ դեռևս կան չհրապարակված պարտավորություններ կամ խոստումներ»,-ասաց է վերջինս։