Լրահոս
Տարածաշրջան
13:03
22.05.24
79

Թեհրանում վերջին հրաժեշտն են տալիս նախագահին, ԱԳ նախարարին, մյուս զոհերին. Փաշինյանը Իրան է մեկնել

Թեհրանում այսօր վերջին հրաժեշտն են տալիս Իրանի նախագահ Էբրահիմ Ռայիսիին, արտգործնախարար Հոսեին Ամիր Աբդոլահիանին ու կործանված ուղղաթիռի մյուս զոհերին: Նրանց մարմինները Թավրիզից են տեղափոխել մայրաքաղաք Թեհրան: Տասնյակ հազարավոր մարդիկ են մասնակցել վերջին հրաժեշտի արարողությանը:

Նախագահ Էբրահիմ Ռայիսիին հողին կհանձնեն մայիսի 23-ին հայրենի Մաշհադում։ Իրանի արտգործնախարար Հոսեյն Ամիր Աբդոլլահյանին կհուղարկավորեն Թեհրանում՝ Շահ Աբդուլ Ազիմի սրբավայրում։ Ի դեպ Նիկոլ Փաշինյանը ևս մեկնել է Թեհրան՝ իրանցի պաշտոնյաների հուղարկավորությանը մասնակցելու:

Ողբերգական վթարը տեղի է ունեցել մայիսի 19-ին Արաքսի հովտից վերադառնալիս: Իրանցի պաշտոնյաները այնտեղ Ադրբեջանի նախագահի հետ մասնակցել են Խոդաֆերինի հիդրոհանգույցի բացմանը: