Թուրքական դրոշներն ու զինյալները դեռ Հալեպում են. Էրդողանի դուստրը ցնծում է

ՄԱԿ-ի մարդու իրավունքների հարցերով գերագույն հանձնակատար Ֆոլկեր Տյուրկն այսօր հայտարարել է Սիրիայում քաղաքացիական անձանց դեմ հարձակումների թվի կտրուկ աճի մասին։ Սիրիայում ՄԱԿ-ի գրասենյակը արձանագրել է մի շարք խիստ մտահոգիչ միջադեպեր, որոնց հետևանքով մեծաթիվ քաղաքացիական զոհեր կան, այդ թվում՝ մեծ թվով կանայք և երեխաներ: 7 օրում առնվազն 44 բնակիչ է զոհվել, այդ թվում՝ 12 երեխա: Ըստ ՄԱԿ-ի հանձնակատարի՝ քաղաքացիական բնակչությունը տուժել է ինչպես ահաբեկչական կառույց ճանաչված «Հայաթ Թահրիր աշ-Շամ» կազմակերպության, այնպես էլ Սիրիայի կառավարամետ ուժերի գործողությունների հետևանքով։