Վրաստանի և Ուկրաինայի տեղը Եվրոպայում է. Վրաստանի և Ուկրաինայի նախագահները հանդիպել են

Վրաստանի նախագահ Սալոմե Զուրաբիշվիլին Շվեյցարիայում խաղաղության գագաթնաժողովի շրջանակներում հանդիպել է Ուկրաինայի իր գործընկեր Վլադիմիր Զելենսկու հետ։ Այս մասին հայտնում է Վրաստանի նախագահի աշխատակազմի մամուլի ծառայությունը։

Սա երկու երկրների ղեկավարների միջև առաջին ուղիղ բանակցություններն են ռուս-ուկրաինական հակամարտության մեկնարկից ի վեր։ Զուրաբիշվիլին, ով կտրուկ քննադատել էր «Վրացական երազանքի» կառավարությանը Կիևին անբավարար աջակցության համար, վերջին երկու տարվա ընթացքում մի քանի անգամ հեռախոսով զրուցել է Զելենսկու հետ և հանդիպել միջազգային ֆորումների շրջանակում, սակայն ուղիղ հանդիպումներ չէին եղել։

«Վրաստանի և Ուկրաինայի տեղը Եվրոպայում է։ Խաղաղությունը Վրաստանում, Ուկրաինայում և, ընդհանուր առմամբ, տարածաշրջանում անհրաժեշտ և կարևոր է դրա հետագա զարգացման համար»,- նշել է Վրաստանի նախագահը:

Ուկրաինայի խաղաղության գագաթնաժողովը տեղի կունենա այս շաբաթավերջին Շվեյցարիայի Բյուրգենստոկ քաղաքում։

Միջոցառմանը մասնակցում է, ընդհանուր առմամբ, 100 պատվիրակություն, այդ թվում՝ 57 պետությունների և կառավարությունների ղեկավարներ աշխարհի բոլոր տարածաշրջաններից։