Լրահոս

Այսօրվա դատական նիստին մասնակցում է նաև հայտնի փաստաբան Ռոբերտ Ամստերդամը։ Նա վստահ է, որ Կարապետյանի ազատազրկումը «ցույց է տալիս գործող իշխանության վախերը»: Ամստերդամը քաղբանտարկյալ է անվանում Սամվել Կարապետյանին ու խոստանում դիմել Եվրամիություն, ԵԽԽՎ, ՄԻԵԴ, միջազգային այլ կառույցներ՝ Փաշինյանի ժողովրդավարությունը դիմակազերծելու համար:

Փոխվարչապետ Մհեր Գրիգորյանն ընդունել է Հայաստանի Հանրապետությունում Մեծ Բրիտանիայի և Հյուսիսային Իռլանդիայի Միացյալ Թագավորության նորանշանակ արտակարգ և լիազոր դեսպան Ալեքսանդրա Պամելա Քոուլին: Շնորհավորելով դեսպանին նշանակման կապակցությամբ՝ փոխվարչապետը շեշտել է Հայաստան-Միացյալ Թագավորություն երկկողմ հարաբերությունների բարձր մակարդակը և կարևորել դրանց զարգացման ուղղությամբ համատեղ ջանքերի գործադրումը: Զրուցակիցները քննարկել են երկու երկրների առևտրատնտեսական հարաբերությունների խորացման հնարավորությունները: Անդրադարձ է կատարվել նաև տարածաշրջանային զարգացումներին և տարածաշրջանում բոլոր հաղորդակցությունների ապաշրջափակման հարցերին:

Շարմ Էլ Շեյխում՝ աշխարհի տասնյակ երկների ղեկավարների ներկայությամբ, բայց առանց Իսրայելի ու ՀԱՄԱՍ-ի ներկայացուցիչների, ստորագրվել է Գազայի հատվածում կրակը դադարեցնելու համաձայնագիր, որ ժամանակավոր զինադադար են անվանում փորձագետները:

Մեքսիկայում հորդառատ անձրևների հետևանքով առաջացած ջրհեղեղների պատճառով զոհվել է առնվազն 64 մարդ, ևս 65-ը անհետ կորած են համարվում։ Մեքսիկական ծոցի ափամերձ շրջաններում և Մեքսիկայի կենտրոնական նահանգներում առաջացել են սողանքներ:

Հերթական շինծու գործը ցույց է տալիս, որ ուզում են Կարապետյանի կալանքը երկարացնել․ Ալեքսան Ալեքսանյան Եթե Սամվել Կարապետյանին այսօր ազատ չարձակեն, շաբաթվա ավարտին կունենանք մեծ հանրահավաք, և այնտեղից արդեն մեր խոսքը կուղղենք։ Այս մասին Alpha News-ի հետ զրույցում ասել է «Մեր ձևով» շարժման համակարգող խորհրդի անդամ Ալեքսան Ալեքսանյանը։ «Անկախ ամեն ինչից, հույս ունենք, որ իրավական համակարգը կսթափվի և կգործի օրենքի տառին համապատասխան։ Հերթական շինծու գործը, որը փորձում են բերել դաշտ, ցույց է տալիս, որ ուզում են Սամվել Կարապետյանի կալանքը ևս 2 ամսով երկարացնել»,- նշել է Ալեքսանյանը։

Այն վաղուց վերածվել է լուրջ հանրային անվտանգության սպառնալիքի։ Մինչ պետական ու տեղական մարմինները շարունակում են միմյանց վրա բարդել պատասխանատվությունը, իրականությունը մնում է անփոփոխ․ մարզի բնակիչները շարունակում են ապրել մշտական վախի պայմաններում։

Հայլուր 18։30 Սամվել Կարապետյանն ազատ կարձակվի՞. մարդաշատ է դատարանի բակը

Վարչապետը կարևորել է ԵԱՀԿ–ի հետ արդյունավետ համագործակցությունը՝ նշելով, որ անցած տարիների ընթացքում ձևավորվել է ակտիվ երկխոսություն։ Նիկոլ Փաշինյանը շեշտել է ԵԱՀԿ–ի դերի ամրապնդման անհրաժեշտությունը՝ կազմակերպության պատասխանատվության գոտում անվտանգության ու կայունության ապահովման նպատակով։

Տեղեկությունների համաձայն՝ խմբավորման անդամները մահապատժի են ենթարկել յոթ տղամարդկանց, որոնց մեղադրել են իսրայելական ուժերի հետ համագործակցելու համար։ Նրանց քարշ են տվել Գազա քաղաքում մարդկանց ամբոխի մեջ, ստիպել ծնկի գալ, ապա կրակել հետևից։

Հոկտեմբերի 11-ին Համայնքային ոստիկանության Բազումի բաժնում հաղորդում տված քաղաքացին հայտնել էր, որ գողացել են իր բանկային քարտը և գնումներ են կատարել։ Նախաձեռնված քրեական վարույթի շրջանակներում համայնքային ոստիկանության Բազումի բաժնի ծառայողները պարզել են գողությունը կատարողի ինքնությունը: Այս մասին հայտնում են ՆԳՆ-ից: Գուգարք գյուղի 43-ամյա բնակչուհին բացատրական աշխատանքի արդյունքում հայտնել է, որ Վանաձոր քաղաքի տարբեր առևտրի կենտրոններից նշված քարտով գնումներ է կատարել: Կազմված փաստաթղթերն ուղարկվել են նախաքննական մարմին, հանգամանքները պարզվում են։

Սամվել Կարապետյանի կինն ու դուստրը ևս դատարանի բակում են։

ՄԱԿ-ի գրասենյակի դիմաց այսօր դժգոհության ակցիա է կազմակերպվել: Կազմակերպության աշխատանքային խմբերից մեկը արձանագրել է, թե Արցախի նախկին պետնախարարի կալանավորումը կամայական չի եղել: Ավելի ուշ բացահայտվել է, որ ՄԱԿ-ի աշխատակցի ամուսինն ադրբեջանցի է, Ալիևը, ըստ այսօրվա ակցիայի մասնակիցների, կարողացել է գնել նրան ու ստանալ իրեն ձեռնտու զեկույց:

Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար:

«ՀՀ-ն երբևէ որևէ երրորդ կողմի առջև չի ստանձնել և չի էլ ստանձնելու պարտավորություն՝ փոխելու ՀՀ Սահմանադրությունը: Դա միայն և միայն մեր քաղաքացիների որոշելիքն է և մեր ներքաղաքական, մեր հանրային օրակարգի մասն է»,- ասաց նա:

Համայնքային ոստիկանության Մարաշի բաժնի կողմից որպես անհետ կորած որոնվում է Անաստասիյա Վալկովան: Նրա գտնվելու վայրի վերաբերյալ տեղեկություն ունեցողներին Ոստիկանությունից խնդրում են դիմել մոտակա բաժին կամ զանգահարել 1-02։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Այսօր կայանալիք բարերար, «Տաշիր» ընկերությունների խմբի ղեկավար Սամվել Կարապետյանի գործով դատական նիստից առաջ «Հայաստանի էլեկտրական ցանցեր» ընկերությունում ստեղծվել է լարված մթնոլորտ։ Աշխատակիցները հայտնում են, որ ղեկավարությունից ստացել են հստակ հանձնարարություն՝ չներկայանալ դատարանի բակ՝ Կարապետյանին աջակցելու կամ դատական պրոցեսին հետևելու նպատակով, գրում է «Փաստ»-ը։

«Հուսով եմ, որ բոլորը կմիանան Աբրահամյան համաձայնագրերին…. Այժմ շատերը, նույնիսկ այսօր, խոսում են այն մասին, որ հարկավոր է, որ բոլորը միանան իրար։ Շատ շատերն են ինձ հետ խոսել այս մասին», - Թրամփի խոսքերն է մեջբերում «Ինտերֆաքս» գործակալությունը։

«Նա Մերձավանի համայնքապետ՝ վաղուց նշանակված է եղել, Վալոդյա Գրիգորյանն է ընտրվելուց հետո նրան նշանակել վարչական ղեկավար, իսկ երեկ ես նրան վերանշանակել եմ վարչական ղեկավարի պաշտոնում»,-ասել է Ախվերդյանը։

Քրեական ոստիկանության Կոտայքի մարզային վարչության ծառայողները ձեռնարկած օպերատիվ-հետախուզական միջոցառումների արդյունքում փաստական տվյալներ էին ձեռք բերել, որ Վերին Պտղնի գյուղի վարչական տարածքում նույն գյուղի 35-ամյա բնակչի և Բալահովիտ գյուղի 33-ամյա բնակչի միջև հուլիսի վերջին տեղի ունեցած վիճաբանությունն ավարտվել էր դանակահարությամբ, ինչից հետո 35-ամյա տղամարդը, վրեժխնդրության նպատակով, համագյուղացի 28-ամյա ընկերոջը դրդել է սպանել 33-ամյա բալահովիտցուն: Հավաստի տվյալներ են ձեռք բերվել, որ 28-ամյա երիտասարդը ժամանելով Հայաստան, 35-ամյա համագյուղացու հետ նախնական համաձայնությամբ, ապօրինի ձեռք է բերել և բնակության վայրում պահել հրազեն, փամփուշտներ և մարտական նռնակ: Օպերատիվ տեղեկությունների հիման վրա նախաձեռնվել է քրեական վարույթ, որի շրջանակում կատարված օպերատիվ-հետախուզական միջոցառումների և քննչական գործողությունների արդյունքում պարզվել է, որ 28-ամյա երիտասարդը կատարել է 33-ամյա բալահովիտցուն սպանելու նախապատրաստական գործողություններ. իր մոտ պահելով ապօրինի զենք-զինամթերք՝ նրա տան հարևանությամբ վարձակալել է առանձնատուն և հետևելով տեղաշարժին՝ կատարել է լուսանկարահանումներ, սակայն բալահովիտցին հայտնաբերել է նրան և ընկերների հետ ծեծի ենթարկել: Հանցավոր մտադրությունն ավարտին հասցնելու նպատակով՝ Վերին Պտղնի գյուղի բնակիչ 28-ամյա երիտասարդը, 35-ամյա համագյուղացու հետ նախնական համաձայնությամբ, 33-ամյա բալահովիտցուն սպանելու համար փնտրել են հարմար առիթ, սակայն իրենց կամքից անկախ հանգամանքներում չեն կարողացել իրագործել։ Քրեական ոստիկանության Կոտայքի մարզային վարչության ծառայողների ձեռնարկած օպերատիվ-հետախուզական միջոցառումների և քննչական գործողությունների արդյունքում կանխվել է սպանության մտադրությունը: Հանցավոր խմբի անդամները հայտնաբերվել և կալանավորվել են։ Նախապատրաստվող հանցագործության գործիք զենք-զինամթերքը հայտնաբերվել է: Քրեական վարույթի նախաքննությունը շարունակվում է: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Խորհրդարանական հերթական ընտրություններից 8 ամիս առաջ երկիրն ապրում է նախընտրական տրամաբանությամբ: Ազգային ժողովի ամենամեծ ընդդիմադիր քաղաքական ուժը Կառավարություն-օրենսդիր վերջին հարցուպատասխանից հետո ահազանգում է՝ Նիկոլ Փաշինյանը քաղաքական գործիքների դարակից ձեռքն է առել ոչ միայն մուրճը, այլև ռեպրեսիաների բոլոր միջոցները, փորձելու է գործի դնել մոլդովական օրինակը: