Առողջապահական
Լրահոս
-
Հասարակական
Խցանումներ են Բագրատաշենի անցակետում. մաքսակետի աշխատակիցների թիվը բավարար չէ
17:0631.01.23 -
Միջազգային
Թուրքիան ներկա պայմաններում չի կարող աջակցել Շվեդիայի անդամակցությանը ՆԱՏՕ-ին. Չավուշօղլու
17:0331.01.23 -
Միջազգային
Հարավային Կորեան և ԱՄՆ-ն ցանկանում են բարձրացնել համատեղ զորավարժությունների մակարդակը
16:3831.01.23 -
Հասարակական
Արձակուրդ գնալը կլինի պարտադիր. Աշխատանքային օրենսգրքում նախատեսվում են փոփոխություններ
16:3031.01.23 -
Արտաքին քաղաքականություն
Ադրբեջանական ականներ՝ Հաագայի դատարանում. Բաքուն գանգատվում է Հայաստանից
15:5831.01.23 -
Քաղաքական
Վահան Նարիբեկյանը հաստատում է՝ պատգամավորների օգնականները պարգևավճար են պահանջել․ News.am
15:4831.01.23 -
Հասարակական
Opel-ի կարգազանց վարորդի մոտ «ՌԳԴ» տիպի նռնակ է եղել՝ իր պայթուցիչով․ հրավիրվել է փրկարար
15:3531.01.23 -
Արցախ
Արցախում միջազգային հանրության գործնական քայլերի ձեռնարկումն անհրաժեշտություն է. ՄԻՊ
15:2631.01.23 -
Հասարակական
Կաթվածահար են եղել Երևան բերող ճանապարհները. Հայաստանում կան փակ ճանապարհներ
15:1531.01.23 -
Հասարակական
Վ. Բրյուսովի անվան պետական համալսարանի ռեկտորի լիազորությունները կկատարի պրոռեկտորը. պարզաբանում
14:4031.01.23 -
Արտաքին քաղաքականություն
Անահիտ Ավանեսյանը ԱՀԿ գլխավոր տնօրենին ներկայացրել է իրավիճակն Արցախում․ Հեբրեյեսուսը մտահոգություն է հայտնել
14:0331.01.23
Առողջապահական
-
09:50 31.01.23 Որո՞նք են ծայրամասային անոթային հիվանդության ախտանիշները․ արդյոք հիվանդությունը միայն տարիքի հե՞տ է կապված Ծայրամասային զարկերակների հիվանդությունը արյան շրջանառության տարածված խնդիր է, երբ նեղացած զարկերակները նվազեցնում են արյան հոսքը վերջույթներում: Ինչպես հուշում է անվանումը, հիվանդությունը ներառում է վարջույթների զարկերակների ախտահարումները։ Երբ զարգանում է ծայրամասային զարկերակների հիվանդություն, ոտքերը և ավելի հազվադեպ՝ ձեռքերը չեն ստանում բավարար արյուն, որ պահպանեն վերջույթների մկանների և մյուս հյուսվածքների թթվածնի և սննդանյութերի պահանջարկը: Սա կարող է առաջացնել բնորոշ ախտանիշներ, օրինակ՝ ոտքերի, գլխավորապես՝ սրունքների և ոտնաթաթերի ցավ, երբ քայլում եք։ Նույն շրջաններում կարող են զարգանալ մաշկի մազաթափություն և փայլի կորուստ, ոտնաթաթերի եղունգների փխրունացում և կոտրտվածություն: Նաև հավանական է, որ ծայրամասային զարկերակների հիվանդությունը լինի զարկերակներում ճարպային նստվածքների կուտակման նշան (աթերոսկլերոզ), որը բերում է վերջույթների զարկերակների նեղացման և ոտքերի, հազվադեպ ձեռքերի արյան հոսքի նվազեցման: Թեև հիվանդությունը կյանքին սպառնացող չէ, սակայն վերջույթների զարկերակների ախտահարումն ինքնին նշանակում է, որ առկա է ծանր աթերոսկլերոզ, որը բարձրացնում է ավելի ծանր հիվանդությունների ռիսկը, որոնցից են ինսուլտը և սրտի իշեմիկ հիվանդությունը, ներառյալ՝ սրտամկանի ինֆարկտը: Առանձին ուշադրության է արժանի հիվանդությանը բնորոշ բարդություններից ևս մեկը՝ վերջույթի իշեմիան, որը կարող է հանգեցնել հիվանդ ոտքի անդամահատման։ Եթե բժիշկը կասկածում է, որ ունեք ծայրամասային զարկերակների հիվանդություն, կարող է առաջարկել ոտքերի զարկերակներով արյան հոսքի ստուգման հետազոտություն։ Ծայրամասային զարկերակների հիվանդությունը կարող է հաջողությամբ բուժվել ֆիզիկական վարժանքներով, առողջ սննդակարգով և ցանկացած տեսակի ծխախոտի օգտագործման դադարեցմամբ: Ծայրամասային զարկերակների հիվանդությամբ բազմաթիվ մարդիկ որևէ գանգատ չեն ներկայացնում. կամ ունեն թեթև ախտանիշներ, կամ ցավեր քայլելիս։ Ծայրամասային զարկերակների հիվանդությանը բնորոշ ընդմիջվող կաղությունը ներառում է ոտքերի մկանների ցավ կամ ջղաձգում, որն առաջանում է որևէ գործողություն կատարելիս: Ցավի տեղակայումը կախված է խցանված կամ նեղացած զարկերակի դիրքից: Ամենատարածված տեղակայումը սրունքի ցավն է, որը երբեմն կարող է բարձրանալ դեպի ազդր։ Ընդմիջվող կաղության ծանրությունը կարող է լինել տարբեր՝ սկսած թեթև անհարմարավետությունից՝ մինչև տանջալի ցավեր: Ծայրամասային զարկերակների հիվանդության ախտանիշներից են՝ մեկ կամ զույգ ազդրերի և սրունքների մկանների ցավոտ ջղաձգում, որն առաջանում է որոշ ակտիվությունից հետո, օրինակ՝ աստիճաններով բարձրանալիս, ոտքի թմրածություն կամ թուլություն, ոտքի ստորին շրջանի կամ ոտնաթաթի սառնություն, հատկապես, երբ համեմատվում է մյուս կողմի հետ, ոտքերի, ոտնաթաթերի կամ մատների վրա չլավացող խոցեր, ոտքերի կամ ոտնաթաթերի գույնի փոփոխություններ (գունատություն կամ կապտավուն երանգ), ոտքերի կամ սրունքների մազաթափություն և մազերի աճի դանդաղում, ոտքերի կամ ոտնաթաթերի վրա անոթազարկի թուլացում կամ անհետացում, տղամարդկանց մոտ՝ էրեկտիկ դիսֆունկցիա (իմպոտենցիա), Եթե հիվանդությունը հարաճուն զարգանում է, ցավը կարող է ի հայտ գալ նաև հանգիստ վիճակում կամ պառկած դիրքում: Եթե ունեք ոտքի ցավ, թմրածություն կամ այլ ախտանիշներ, մի կարծեք, թե այս գանգատները տարիքի հետ կապված նորմալ երևույթներ են։ Պայմանավորվեք և այցելեք բժշկի: Անհետաձգելի ուշադրություն և գործողություններ պահանջող ախտանիշներից են՝ ախտահարված ոտքի մկանների շարժման անհնարինություն, ախտահարված ոտքի շրջանում այրող կամ ծակծկող զգացողությունների առաջացում, ոտքի մատների հանկարծակի կապտում, ոտնաթաթերում կամ այլ շրջաններում առկա խոցերից տհաճ հոտով թարախային արտադրություն։
-
23:00 30.01.23 Երեխաների ատամների պատշաճ խնամքն ու առաջացած խնդիրների կանխարգելումը Երեխաների մոտ (հատկապես 1-3 տարեկան) ատամների կարիեսը շատ արագ է զարգանում, ուստի ծնողները պետք է շատ ուշադիր լինեն և պարբերաբար ստուգեն ատամների վիճակը, քանի որ հակառակ դեպքում դրանք կարող են շատ արագ քայքայվել: Մասնագետները նշում են, որ երեխաների կաթնատամները սկսում են ներսից քայքայվել, քանի որ ստրեպտոկոկներն ախտահարում են ատամների հյուսածքները: Այս ախտածին միկրոօրգանիզմները սովորաբար երեխային են փոխանցվում ծնողներից: Բացի այդ, հիվանդության զարգացման պատճառ կարող են դառնալ նաև հղիության վաղ փուլերում կնոջ տարած վարակիչ հիվանդություններն ու դեղորայքի երկարատև ընդունումը, փոքրիկի ատամների սխալ հիգիենան, երեխայի թքի որակը, սննդակարգում ունեցած վատ սովորությունները (օրինակ ծծակը կամ շիշը բերանում քնելը), ինչպես նաև գիշերվա ժամերին երեխային հաճախ կամ երկարատև կերակրելը: Շատերը կարծում են, որ կաթնատամների ախտահարման դեպքում բուժման անհրաժեշտություն չկա, քանի որ դրանք մշտական ատամներ չեն, սակայն հարկավոր է հաշվի առնել, որ այս խնդիրը խիստ բացասաբար է ազդում երեխայի ամբողջ օրգանիզմի վրա: Բանն այն է, որ երբեմն ատամների ախտահարման դեպքում ատամների ներսում սկում է թարախային զանգված կուտակվել, որը կարող է ախտահարել նաև փափուկ հյուսվածքները: Այս դեպքում վնասակար բակտերիաները կարող են հեշտությամբ ներթափանցել արյան մեջ և դառնալ խիստ վտանգավոր խնդիրների առաջացման պատճառ (օրինակ՝ մենինգիտ, թրոմբոֆլեբիտ, սեպսիս և այլն): Մասնագետներն առանձնացնում են մանկական կարիեսի 4 փուլ՝ կախված ախտահարման մակարդակից. Սկզբնական, որի դեպքում ախտահարվում է էմալը և պատվում է տարատեսակ հետքերով: Մակերեսային, որի դեպքում ատամների հյուսվածքների մեջ անցքեր ու խոռոչներ են առաջանում և անտամները դառնում են ավելի զգայուն քաղցր, աղի ու թթու մթերքի հանդեպ: Միջին, որի ժամանակ քայքայվում են կաթնատամները և միաժամանակ քայքայվում է ատամնոսկրը: Այս դեպքում անտամները դառնում են ավելի զգայուն տաք ու սառը մթերքի հանդեպ, ինչպես նաև նկատվում են կտրուկ ցավի նոպաներ: Խորը, որի ժամանակ ախտահարվում են անգամ ատամների փափուկ հյուսվածքները և առաջանում են ցավոտ զգացողություններ ցանկացած սնունդ ընդունելիս: Մանկական կարիեսի դեպքում բուժմանը հարկավոր է մոտենալ ամենայն պատասխանատվությամբ: Գոյություն ունեն բուժման բազմաթիվ մեթոդներ, սակայն հարկավոր է ընտրել դրանցից ամենաանվտանգը՝ վնասվածքներից ու բարդություններից ազատվելու համար: Բացի այդ, հարկ է հիշել, որ հիվանդությունը կանխարգելելն ու վաղ փուլերում բուժելը շատ ավելի հեշտ է, քան դրա հետևանքով առաջացած բարդությունների դեմ պայքարելը, ուստի հարկավոր է շատ մեծ ուշադրություն դարձնել խնդրի կանխարգելմանը:
Ամենաընթերցված
Տեսանյութեր
-
Հրազդանի դպրոցներից մեկում աշակերտն անհայտ գազ է օգտագործել․ հիվանդանոց է տեղափոխվել 12 երեխա
-
Դեղերի դեֆիցիտ՝ վիրուսների սեզոնին. Առողջապահության նախարարության պարզաբանումը
-
2 մարդ է մահացել Խոզի գրիպից. 55 մարդ վերակենդանացման բաժանմունքում է 19:20 04.01.23
-
Ծանր վիճակում գտնվող 4 ամսական փոքրիկը Արցախից տեղափոխվել է Հայաստան 11:13 24.12.22
-
Ստեփանակերտի հիվանդանոցում գտնվող 5 քաղաքացու կյանքին վտանգ է սպառնում․ հայտարարություն 11:56 13.12.22
-
Այսօր ՁԻԱՀ-ի դեմ պայքարի համաշխարհային օրն է 12:10 01.12.22