Լրահոս

Կալանքի տակ գտնվող ՀՔԾ նախկին քննիչ Հրաչյա Մուշեղյանը սոցցանցերին հասանելիություն ունի, ֆեյսբուքում «խախա»-ներ է շռայլում։ «Փաստինֆո»-ն  նկատել է, որ սեպտեմբերի 26-ին օգտատերերից մեկի կողմից ֆեյսբուքյան էջում հրապարակված գրառմանը Հրաչյա Մուշեղյանն արձագանքել է՝ գտնվելով «Վարդաշեն» ՔԿՀ-ում։  Անձնական տվյալների պաշտպանությունից ելնելով՝ լուսանկարում փակել ենք օգտատիրոջը  անհատականացնող տվյալները։

Հանրապետության նախագահ Վահագն Խաչատուրյանն Անկախության օրվա կապակցությամբ ընդունել է Հայաստանում Կիպրոսի դեսպան Մայքլ Մավրոսին։

Հոկտեմբերի 1-ին, ժամը 15։13-ին Արարատի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Արտաշատ քաղաքում այրվում է տուն:

Հայաստանում չի մարում քննարկումը Հայաստանի սոցիալական հարցերի նորաթուխ նախարար Արսեն Թորոսյանի՝ թուրք գործընկերոջ հետ հանդիպման մասին: Թուրքագետները «հակահայկականության կենդանի հուշարձան» են անվանում թուրք նախարար Օզդեմիրին:

Ամբիոնի մոտ ինձ ստիպել եք մոտենալ բացառապես դուք, ձեր հայտարարությունները: Գիտեք չէ՞ այդ հայտնի արտահայտությունը, որ ասում է՝ եթե ուզում ես քանդել պետությունը, կարևոր պաշտոնների կամ դերակատարությունների նշանակիր մարդկանց, ովքեր կապ չունեն դրա հետ և կոմպետենտ չեն։ Հիմա այն, ինչ տեղի է ունենում այսօր, լավագույնս ցույց է տալիս այս քաղաքականությունը։ Այս մասին ՀՀ ԱԺ նիստի ժամանակ ասաց է «Հայաստան» դաշինքի պատգամավոր Քրիստինե Վարդանյանը։

Ռուս-ուկրաինական պատերազմի հետևանքով կրիտիկական վիճակի է հասել Զապորոժիեի ատոմակայանի վիճակը: Ուկրաինայի նախագահի այս կարծիքին համաձայն չէ Ատոմային էներգիայի միջազգային գործակալության ղեկավար Ռաֆայել Գրոսսին: Նրա պնդմամբ՝ քանի դեռ դիզելային գեներատորները գործում են, վտանգ չկա: Պատերազմը շարունակում է կյանքեր խլել:

Թուրքիայի Վանի նահանգի Բաշքալե շրջանի և Իրանի Արևմտյան Ատրպատական նահանգի Սալմաստ քաղաքի միջև նախատեսվում է բացել 4-րդ սահմանային անցակետը։ Ermenihaber-ի փոխանցմամբ՝ նոր անցակետը կգործի Քուզարեշ–Գելինջիք տարածքում՝ Բազերգան, Ռազի և Սերվից հետո դառնալով երկու երկրների միջև հերթական սահմանային անցակետը։

Հայլուր 18։30 Սկանդալ. թաքցնում են 44-օրյա պատերազմի խորհրդարանական հետաքննության արդյունքը

ՀՀ հակակոռուպցիոն կոմիտեն հայտնում է․ «ՀՀ հակակոռուպցիոն կոմիտեում նախաձեռնված քրեական վարույթով իրականացված նախաքննությամբ հիմնավորվել է, որ ՀՀ ԿԳՄՍ նախարարության «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի երկու պաշտոնատար անձինք նախնական համաձայնությամբ, դիտավորությամբ իրականությունը խեղաթյուրելով, կատարել են խոշոր չափերով՝ 4.501.550 ՀՀ դրամի հափշտակություն և պաշտոնեական կեղծիք:

Միացյալ Նահանգներում Կոնգրեսի ու նախագահի միջև այսօրվանից քաղաքական ճգնաժամ է սկսվել, որը հայտնի է շաթդաուն անունով: Կառավարության որոշ ոչ շատ կարևոր գործառույթներ դադարեցվել են, ինչն անդրադարձել է նաև Հայաստանում ԱՄՆ դեսպանատան աշխատանքի վրա: Հանրապետականները և դեմոկրատները չեն կարողացել ընդունել կառավարության ֆինանսավորման մասին երկու օրինագծերից որևէ մեկը:

Հայաստանում կենսաթոշակառուներին և նպաստառուներին անկանխիկ առևտրից տրվող հետվճարի չափը 12 տոկոսից կդառնա 20 տոկոս՝ հնարավորություն ընձեռելով 3000–3500 դրամի չափով բարձրացում ապահովել:  «Արմենպրես»-ի փոխանցմամբ՝ այս մասին ԱԺ-կառավարություն հարցուպատասխանին ասաց ՀՀ աշխատանքի և սոցիալական հարցերի նախարար Արսեն Թորոսյանը:

Պատգամավոր Լևոն Քոչարյանի օգնական Արթուր Սուքոյանի ֆեյսբուքյան գրառումը. «Սպանությունների դեպքերով այս իշխանությունը փորձում է տարբեր կերպ արդարանալ՝ «դե վենդետա էր», «դե սա ուրիշ բան էր», «մենք էլ ոչինչ չէինք կարող անել» և այլն։ Իսկ իրական խնդիրը հենց այն է, որ իշխանությունները չեն տեսնում իրենց կապը դրանց հետ, չեն հասկանում, որ անվտանգությունը միայն Նիկոլ Փաշինյանի անձնական անվտանգությունը չէ։

ԱՄՆ դոլարի փոխարժեքն այսօր՝ հոկտեմբերի 1-ին, կազմել է 382.74 դրամ՝ նախորդ օրվա համեմատ աճել է 0.22 դրամով: Այդ մասին տեղեկանում ենք Կենտրոնական բանկի պաշտոնական կայքից։

Ապամոնտաժվել է Գնունու շուկայի մայթի կրպակների մի մասը, որոնց տերերը ամոթանքի խոսքեր են ուղարկել Երևանի քաղաքապետին: Էքսկավատորների մեկ հարվածով գետնի է հավասարեցվում իրենց տարիների աշխատանքը: Քաղաքապետարանի ներկայացուցիչը պարզաբանել է, որ կրպակների տերերին վաղուց են հայտնել, իրենց բառով, ապօրինի կրպակները քանդելու մտադրության մասին:

ՀՀ նախկին ԱԳ նախարար Վարդան Օսկանյանի գրառումը. «Ստրասբուրգում Նիկոլ Փաշինյանը կրկին փորձեց փակել Արցախի հարցը՝ հայտարարելով, որ վերադարձի հարցը «փակված է», «իրատեսական չէ» և որ այն բարձրացնողները խափանում են խաղաղության գործընթացը։ Սա ոչ միայն շահամոլ դիրքորոշում է, այլև վտանգավոր խեղաթյուրում իրականության։

1-6-րդ դասարանցիներին ընդհանրապես կարգելվի դպրոց հեռախոս տանել, 7-12-րդ դասարանցիներին կառաջարկվեն խիստ սահմանափակումներ, բացառապես կրթական նպատակներով և ուսուցչի վերահսկողությամբ։ «Հայլուր»-ի հարցախույզին մասնակցած երեխաներն ու ծնողները մեծամասամբ դեմ չեն առաջարկին, ծնողների մի մասը ուշացած է համարում այդ քայլը

Բաքվում պահվող հայ գերիների ու նրանց իրավունքների վերաբերյալ այսօր կազմակերպված քննարկման ժամանակ Միջազգային և համեմատական իրավունքի կենտրոնի նախագահ Սիրանուշ Սահակյանը նշել է. «Ադրբեջանական կողմը պաշտոնապես հաստատում է 23 հայի Ադրբեջանում անազատության մեջ գտնվելու հանգամանքը։ Սակայն սա չի նշանակում, որ ի սկզբանե գերևարվել և դեռևս Ադրբեջանում պահվում են բացառապես 23 հայեր, ունենք մի քանի տասնյակ բռնի անհետացման ենթարկված գերիներ, և առնվազն 80 դեպքի մասին իրավապաշտպանները փաստեր են ներկայացրել»:

Սեպտեմբերի 27-ին` ժամը 21.40-ին, Ոստիկանության օպերատիվ կառավարման կենտրոն է զանգահարել մի օտարերկրացի և հայտնել, որ Մալաթիա-Սեբաստիա վարչական շրջանի շուկայի մոտակայքում քաղաքացի է կորել, և մեկ միլիոն դոլար են պահանջում` նրան վերադարձնելու համար։ Հաղորդումը փոխանցվել է Քրեական ոստիկանության Երևան քաղաքի վարչություն:

Երևանում մթնոլորտային օդի որակը սեպտեմբերի 24-30-ը (2025թ.)

Հայլուր 15։30 Բաքվում պահվող 80 գերու մասին տվյալներ են հավաքվել. նրանց թիվն ավելի մեծ կարող է լինել