Լրահոս

Երեկ տպագիր մամուլի մի խումբ խմբագիրներ հանդիպեցին ԱԱԾ նախկին տնօրեն Արթուր Վանեցյանի հետ։ Հանդիպումը տևեց մոտ 2 ժամ, կլուսաբանվի վաղվա թերթերում։ 

Վերաքննիչ քրեական դատարանը՝ դատավոր Արմեն Դանիելյանի նախագահությամբ, բավարարեց այսօր Գլխավոր դատախազության բողոքը՝ բեկանելով Երևանի առաջին ատյանի դատարանի որոշումը ՀՀ երկրորդ նախագահ Ռոբերտ Քոչարյանի պաշտպանական թիմին «Մարտի 1»-ի մայր գործով ամբողջական նյութերը տրամադրելու վերաբերյալ։ Պաշտպան Խուդոյանի միջնորդությունը մերժվեց։

Հայաստանի ու Ադրբեջանի արտգործ նախարարների վերջին հանդիպումը Ժնևում փորձագետներին կասկածելու առիթ այլևս չի տալիս՝ բանակցությունների սեղանին կա փաստաթուղթ, որի մասին դեռևս չի բարձրաձայնվում: «Հակառակը պնդողները կեղծում են և փորձում հիմարացնել հանրությանը»,- շեշտում են Արցախը մեծ փոփոխությունների նախաշեմին քննարկման մասնակիցները: Նրանք ահազանգում են, որ Արցախում քաղաքական իրավիճակը ճոճելու փորձ է արվում: Իսկ պրոցեսի շահառուները Արցախի նախագահի երկու թեկնածուներն են, նաև պաշտպանության բանակի նախկին հրամանատարը:

Արտական իրավիճակների նախարարությունում իրավիճակ է փոխվում: Աշխատանքի արդյունավետությունը չափելու նոր նշաձող է սահմանել նախարար Ֆելիքս Ցոլոկյանը: Այսպես կփորձեն լավ աշխատողին վատից տարբերել ու պարգևավճար տալ միայն լավերին: Ի դեպ, 2019-ին ԱԻՆ-ում մոտ երկու միլիարդ դրամի պարգևավճար է բաժանվել:

Բողոքի ալիքը կարող է նաև Բալահովիտ հասնել: Փայտե շենքերում ապրող 24 ընտանիքներին նոր իշխանությունը, հների պես ասել է համբերեք: Բնակիչների համբերության բաժակը լցվել է: Փրկարարները իրենց զգուշացրել են անզգույշ կրակից փայտե շենքը 15 րոպեում կարող է մոխիր դառնալ:

Թունավորման մասսյական դեպք է գրանցվել Լոռիում: Վանաձորի ինֆեկցիոն հիվանդանոցում այս պահին բուժում է ստանում 50 քաղաքացի: Թունավորման պատճառը Երևանից Լոռի հասած էկլերներն են, որոնք բնակիչները գնել են խանութից: Դեպքից հետո, ընկերությունը դադարեցրել է թխվածքի վաճառքը ամբողջ հանրապետությունում:

«Ոստիկանությունը կաշկանդված է գործում»,- ասֆալտին պառկեցնելու վերջին օպերացիաններից հետո արձանագրել է իշխող իմ քայլական պատգամավորը: Փոխոստիկանապետը հակադրաձել է նրան, թե գործում են օրենքով: Ի դեպ, ոստիկանության աղմկոտ գործողությունները ֆեյսբուքում անուն են ստացել. Բերման երեքշաբթիներ:

Միացյալ Նահագների սենատը Երևանի ժամանակով գիշերը երեքին՝ քվերակության կդնի Դոնալթ Թրամփին իմպիչմենթ հայնտելու բանաձևը: Այն հաստատել ու ուղարկել էր ներկայացուցիչների պալատը, որի խոսնակը՝ ցուցադրաբար Դոնալդ Թրամփի ներկայությամբ պատռել է նրա ելույթի տեքստը: ԱՄՆ նախագահը կոնգրեսում ներկայացնում էր «Երկրի դրության մասին» իր ամենամյա ուղերձը:

ԱԱԾ նախկին տնօրեն Արթուր Վանեցյանը մոտ 2 ու կես ժամ փակ հանդիպում է անցկացրելՀայաստանի առաջատար թերթերի խմբագիրների հետ: Հանդիպումը տեղի է ունեցել մայրաքաղաքի սրճարաններից մեկում: Տեսագրությունը կհրապարակվի, հավանաբար վաղը օրվա թերթերի լույս տեսնելուց հետո:

Իմ քայլական պատգամավորի նախաձեռնած օրինագծերից մեկը հրապարակվել է Ազգային ժողովի կայքում: Այն ընդունվելու դեպքում, պաշտոնից պետք է հեռանան մինչև 2018-ի ապրիլի 9-ը նշանակված սահամանդրական դատարանի դատավորները: Անկախ իրավաբաները այն համարում են ոչ միայն իրավունքին, մայր օրենքին, այլև պետականությանը հակադիր փաստաթուղթ, որը առերևույթ տապալում է սահմանադրական կարգը: Խորհրդարանի ընդդիմադիր թևը նույնպես հայտարարել է, որ իշխող խմբակցության ներկայացրած օրինագծերը հակասահմանադրական են: Իշխանությունները ձեռնպահ են մնում որևէ մեկնաբանություն տալ՝ փաստաթղթերիվերաբերյալ: Կխոսեն՝ արտահերթի ընթացքում:

Հակասական տեղեկություններ կան առավոտյան Երևանում վթարի ենթարկված վարորդի մասին: Քաղաքապետի մամուլի խոսնակը պնդում է, որ վարորդը ոչ սփաթ վիճակում է եղել:

Այսօր Սահմանադրական կարգի տապալման գործով հերթական դատական նիստն էր։ Քոչարյանի պաշտպանական թիմը միջնորդել է դադարեցնել քրեական հետապնդումը իրենց պաշտպանյալի նկատմամբ: Նրանց կարծիքով, ի սկզբանե նշանակվել է մեղավոր ու հիմա ամեն ինչ անում են մեղադրանքը երկրորդ նախագահին մոտեցնելու համար: Իսկ նախկին դատական նիստը բոյկոտած Քոչարյանի և նախկին փոխվարչապետ Արմեն Գևորգյանի պաշտպանների նկատմամբ դատավոր Աննա Դանիբեկյանը այսօր դատական սանկցիա է կիրառել։

Իսկ իշխող ուժը, չնայած Եվրոպայից սպասվող նոր քննադատությունների վերաբերյալ զգուշացումներին, պատրաստվում է փետրվարի 6-ի արտահերթ նիստին: Վաղը նիստ կանի Ազգային ժողովի խորհուրդ: Պատգամավորները արտահերթ քննարկելու են սահմանադրական երեք օրենքներում փոփոխություններ անելու նախագիծը: Անկախ իրավաբանների կարծիքով իշխող խմբակցության ներկայացրած օրինագծերը հակասահմանադրական են և նպատակ ունեն շրջանցել Սահմանադրական դատարանը: Ընդդիմությունը ևս համակարծիք է: Լուսավոր Հայաստանի ղեկավարի կարծիքով, նման գործընթացներից հետո եվրոպական կառույցներից ավելի կոշտ հայտարարություններ են գալու: