Լրահոս

Նիկոլը երեկ նորից խոսեց իր վախերից, եւ երբ իրար հետեւից, մոտ յոթ-ութ անգամ անընդմեջ շեշտելով արտասանում էր նախադասություն այն մասին, որ Հայաստանի եւ Արցախի իշխանությունների վերաբերմունքը Արցախի հարցին «նույնական» է, ես ցավով արձանագրում էի՝ ՀՀ վարչապետը դարձյալ վախերի մեջ է, նա իրոք, հասկանում է, որ եթե իր թանկարժեք ինքնաթիռը, իր թանկարժեք վերանորոգումը, իր պինցետային մտածողությունը եւ ասֆալտին փռելու , Արցախի հերոսներին վարկաբեկելու, Արցախը մի հաստագլխի շուրթերով ՀՀ մարզ հռչակելը, ԼԳՏԲ-ները, դդումները եւ այլ բանջարաբոստանային արարածներ, նրանց արարքները առայժմ հասարակության որոշ հատվածի մեջ չեն առաջացնում լրջորեն եւ հուժկու ընդդիմանալու տրամադրություններ, ապա Արցախի հարցում բոլորը, հասարակության բոլոր շերտերի վերաբերմունքը լինելու է «նույնական» եւ եթե Նիկոլը համարձակվի ռեալ իրականություն դարձնել իր տնային աշխատանքի այդ հատվածը, ապա բոլորը, շեշտում եմ, բոլորը նույնական վերաբերմունքով ոտքի կելնեն եւ կմերժեն Նիկոլին, եւ այս անգամ մերժումը կլինի շատ կոշտ, այնքան կոշտ ու արդյունավետ, որ այլեւս անգամ պինցետի կարիք չի լինի։

Հաշտ ու համերաշխ Դավոնց ցեղն ու Ստեփանյանները: Ինչպես պատահեց, որ հոնի կարմրելու ժամանակ ծնված աղջիկը կամովի դարձավ թեւը կորցրած տղամարդու կեսը:

Հայաստանը շատ վաղուց ծովից ծով չէ, բայց բարեկամներ ունի օվկիանոսից օվկիանոս, Անդրօվկիանոսյան մի լուր այս շաբաթ շատ ոգեւորեց հայերին:

Մեծ թռիչքների սպասող Նոր Հայաստանի քաղաքացին այս շաբաթ իմացավ, որ հաջորդ տարվա համար պահպանողական բյուջե սահմանած կառավարությունը մտադիր է նոր կառավարական ինքնաթիռ գնել: Թերթերը գրեցին, թե այն բյուջեի վրա 55 մլն. դոլար է արժենալու: Սա մի կողմ, կառավարությունում բորտ համար 1-ի մասին կարծիքները չեն համընկնում: Վարչապետի աշխատակազմի ղեկավարը, որը օդանավերի մասնագետ չէ ասում է ինքնաթիռը տեխնիկապես մաշվել է, իսկ վարչապետի օդաչու-խորհրդականը նշում է՝ ինքնաթիռը լավ վիճակում է, պարզապես տրանս-ատլանտյան թռիչք չի կարող անել:

Շաբաթվա ամենաինտրիգային նյուզմեյքերը նորից Արման Բաբաջանյանն է: Սահմանադրական դատարանի նախագահի դեմ իշխանության արշավին միանալուց եւ Հրայր Թովմասյանի մտերիմներից մեկի՝ Ազգային ժողովի աշխատակազմի ղեկավարի նախկին տեղակալ Արսեն Բաբայանի դեմ հաղորդում ներկայացնելուց հետո՝ անկախ պատգամավորը հայացքն ուղղեց հոկտեմբերի 27-ի գործին: Արման Բաբաջանյանը թիկրախավորեց անկախ Հայաստանի առաջին վարչապետ, Ղարաբաղ կոմիտեի անդամ, Հանրային խորհրդի նախագահ Վազգեն Մանուկյանին: Ահաբեկչական խմբի պարագլուխ Նաիրի Հունանյանին այցելելուց հետո նա հայտարարեց, թե Վազգեն Մանուկյանը Հունանյանի մտերիմներից է ու առաջարկեց վարչապետին՝՝ Հանրային խորհրդի նախագահ Մանուկյանին պաշտոնանկ անել: Ի դեպ, մամուլում կասկածներ են շրջում, թե Բաբաջանյանն ընդհանրապես այցելել է Նաիրի Հունանյանին: Համենայն դեպս, որեւէ լուսանկար, տեսագրություն կամ ձայնագրություն չկա, որը կհաստատեր երկու ժամ ձգված զրույցի փաստը:

Ստամբուլյան կոնվենցիայի շուրջ երեւանյան կրքերը այս շաբաթ նորից թեժացան: Ազգային ժողովի կարմիր դահլիճում Եվրախորհրդի մի քանի ներկայացուցիչ փակվեց մեր պատգամավորների հետ, որ համոզի վավերացնել վիճահարույց փաստաթուղթը:

Մեր հաջորդ ռեպորտաժը կենդանասերներին դուր չի գա, տնտեսության պատասխանատուներին՝ հակառակը: Հայաստանը պատրաստվում է շինշիլայի թանկարժեք մորթի արտահանել:

Եվ վերջում տեղափոխվենք հայկական երկրորդ հանրապտություն: Արցախցի փոքրիկները կրթության նոր ձևեր են փնտրում: Կրթական ֆորում 2019-ին Նախագահ Բակո Սահակյանն է բարի ընթացք մաղթել, քանի որ կարծում է ֆորումը լուծում է ոչ միայն այսօրվա խնդիրները, այլ նաև կանխորոշում է երկրի ապագան:

Միացյալ նահանգների բնակչության թվով ամենամեծ նահանգը կրակների մեջ է: Անտառային հրդեհների բոցերից փրկության միակ հույսը հազարավոր մարդկանց տարհանումն է մնացել: Ամերիկյան լրատվամիջոցները արդեն հայտնում են մեկ զոհի մասին:

Կենդանիների երկու օր իրար հետևից գրանցված անկումներից հետո քաղաքապետարանի հորդորով կենդանաբանական այգու տնօրենի տված հրաժարականը պառակտել է կենդանասերներին: Ոմանք ուրախ են, որ Ռուբեն Խաչատրյանը հեռանում է, քանի որ այգու բոլոր դժբախտությունների համար նրան են մեղադրում: Իսկ կենդանաբանականի աշխատակիցները հուսահատ են: Կենդանիների վրա հարձակման դեպքեր, վստահ են, էլի են լինելու, քանի որ խնդիրը ոչ թե տնօրենն է, այլ ցանկապատը:

Անցնող շաբաթվա օրակարգը թեժ էր: Կառավարությունը խորհրդարան բերեց ոչ թե թռիչքաձև զարգացման հեղափոխության, այլ պահպանողական բյուջե: Օրենսդիրի ընդդիմադիր մասի դժգոհության ֆոնին գործադիրը դեռ նոր կառավարական ինքնաթիռ գնելու մտադրություն հայտնեց՝ ավելի բորբոքելով ընդդիմության շիկացած նյարդերը:

Այսօր հիմնադիր համագումար արած Ազգային օրակարգ կուսակցության հիմնադիրները, ըստ էության, դեմ են Ստամբուլյան կոնվենցիայի վավերացմանը: Ավետիք Չալաբյանը վստահ է, որ դրա փոխարեն պետք է կենտրանանալ ազգային օրենսդրության և իրավական պրակտիկայի ամրապնդման վրա։

Ղարաբաղյան հակամարտության բանակցություններում որևէ փակուղի չի տեսնում արտգործ նախարարը: Զոհրաբ Մնացականյանը այսօր հայտարարել է, որ էսկալացիայի ռիսկերի նվազեցումը մշտապես կարևորագույն հարց է։ Ադրբեջանը շարունակում է ատելության քաղաքականությունը և դա չի կարող չազդել բանակցային բովանդակության վրա։

Մանկահասակ աղջկա ՄԻԱՎ-ով վարակվելու լուրը տակնուվրա է արել առողջապահական օրակարգը: Պատասխանատու նախարարը հորդորում է չշտապել գուցե հիվանդանոցում չի վարակվել երեխան: Արաբկիր բժշկական կենտրոնի տնօրենը, որտեղ էլ հայտնաբերվել է սարսափելի վարակը հստակ գիտի միայն այն, որ երեխան իրենց հիվանդանոց է հասել իմունային անբավարարությամբ:

Արդարադատության նախարարը հույս ունի, որ մինչև 2021 թվականը բոլոր քրեակատարողական հիմնարկներում դատապարտյալների համար սնունդ պատրաստելու գործը պատվիրակված կլինի մասնավոր ընկերություններին: Մինչև հիմա նման փորձնական ծրագիր էր արվում Արմավիր և Նուբրաշեն քրեակատարողականներում: Արդարադատության նախարարը այսօր մասնակցել է դատապարտյալների սննդի համտեսին:

Այսօրվանից «արտադրված է Հայաստանում» պիտակով Max Mara, Moncler ու այլ հայտնի բրենդների հագուստ կարտահանվի եվրոպական շուկա: «Սարտեքս» նորաբաց ընկերության տնօրենը խոստանում է մեյդ ին Արմենիա գրությամբ պիտակը դարձնել որակի չափանիշ: