Լրահոս

Լեհաստանի համաժողովը բաց կթողնի նաև Միացյալ Նահագների նախագահը: Թրամփը չեղարկել է այցը՝ Ամերիկային մոտեցող փոթորիկի պատճառով: Պուերտո Ռիկոյին ավերածություններ պատճառած 200 կմ/ժամ-ից ավելի արագությամբ Դորիան փոթորիկը՝ ըստ օթերևութաբանների՝ Միացյալ Նահանգներ կհասնի սեպտեմբերի 2-ին:

Հայոց պատմության դասագրքերի բովանդակության շուրջ մասնագիտական հանձնաժողովի ու կրթության նախարարության վեճը հանգուցալուծվել է: Դասագրքերը կտպագրվեն ու 2020-ից կմտնեն դպրոցներ: Այս մասին լրագրողներին հայտնել է կրթության փոխնախարարը: Ինչպես հիշում եք Արայիկ Հարությունյանն էր հայտարարել, թե արգելել է տպագրել հայոց պատմության դասագրքերը, քանի որ մարտի մեկի, ընտրությունների, քաղաքական գնահատականների վերաբերյալ տարաձայնություններ կան:
2020-ից ոչ միայն պատմության դասագրքերը, այլև մի շարք նորարարություններ է նախատեսում դպրոցներ մտցնել Կրթության նախարարությունը:   

Քաղաքական ինտրիգները հայ-ռուսական հարաբերություններում խորանալու միտում ունեն. այս շաբաթվա սկզբից ռուսական առաջատար հեռուսաալիքների ռեպորտաժները երկրորդ նախագահի դեմ բացված քրեական գործի մասին, վերլուծաբանները պատահական չեն համարում: Ռուսական մեդիան ամենասուր ձևակերպուներով է խոսում դատարանները շրջափակելու, սահմանադրական դատարանի նախագահի ու անդամների նկատմամբ իշխանության գործողությունների մասին՝ հիշելով մտրակի ու պրյանիկի տեխնոլոգիայի մասին:
Տեսաբանները կասկածի տակ են դնում անգամ հոկտեմբերին Պուտինի այցը Երևան: Իրավիճակը հնարավոր է չփրկի նաև Լեհաստան չգնալու Նիկոլ Փաշինյանի ժեստը Պուտինին:

Ամուլսարի հանքի շահագործման շուրջ նոր սկանդալ է հասունանում: Հանքի ռիսկերը գնահատելու համար մեր պետության հաշվին 400 հազար դոլարանոց ուսումնասիրություն իրականացրած Էլարդ կազմակերպության ներկայացուցիչները երեկ կառավարության հետ հարցուպատասխանի ժամանակ, ըստ էության, հայտարարել են, որ իրենց տված եզրակացությունը վերջնական չէ ու պետք է նոր ուսումնասիրություն հանքի շահագործման ռիսկերը վերջնական գնահատելու համար:

Հակոբյանի հիմնադրամը չի օգնում նաև ապրիլյան պատերազմի հերոսին՝ արտասահմանում բուծվելու համար, փոխարենը՝ Իմ քայլը հիմնադրամի միջոցներով արտասահմանում սովորելու կմեկնի Լևոն Տեր-Պետրոսյան կրտսերը:

Հանրապետության նախագահ Արմեն Սարգսյանը շնորհավորական ուղերձ է հղել Արցախի նախագահ Բակո Սահակյանին՝ ծննդյան տարեդարձի առթիվ:

ՀՀ մարդու իրավունքների պաշտպանն իր մտահոգությունն է հայտնում «Հայկական Կարիտաս» կազմակերպության «Երեխաների քաղաք» ծրագրի վերաբերյալ ՀՀ կառավարության կողմից տրված դրական եզրակացության վերաբերյալ: Պաշտպանի դիրքորոշմամբ ծրագիրը հակասում է երեխայի լավագույն շահին և Հայաստանի ստանձնած միջազգային պարտավորություններին:

Քաղաքացիները 2019-ի սեպտեմբերի 1-ից կարող են դիմել իրենց նախընտրած ՔԿԱԳ տարածքային մարմին կամ ՀՀ արդարադատության նախարարության ՔԿԱԳ գործակալություն՝ քաղաքացիական կացության ակտեր գրանցելու, դրանցից բխող այլ գործառույթներ կատարելու, այդ թվում՝ քաղաքացիական կացության պետական գրանցման մասին վկայականների կրկնօրինակներ և տեղեկանքներ ստանալու համար:

ՀՀ երկրորդ նախագահ Ռոբերտ Քոչարյանը շնորհավորական ուղերձ է հղել Արցախի Հանրապետության նախագահ Բակո Սահակյանին՝ ծննդյան տարեդարձի առթիվ:

 Արցախում պաշտոնապես  գրանցված  է  773  անհայտ  կորած, որից  250-ն  ազտամատիկներ են, իսկ    523-ը՝   խաղաղ  բնակիչներ:

Սաուդյան Արաբիայի մեծահարուստների նախընտրելի «տնային կենդանին» համարվում է ընձառյուծը: Ամեն տարի ավելի քան 300 ընձառյուծի ձագ է բերվում Սոմալիից՝ ապօրինի կերպով: Դրանց գինը սկսվում է 6600 ԱՄՆ դոլլարից: Նմանատիպ քմահաճույքների պատճառով՝ ընձառյուծը մոտենում է վերացող կենդանիների ցանկին, տեղեկացնում է CNN-ը:

Ամերիկացի կենսաբան Լորի Մարկերը կարծում է, որ խոսքը գնում է մի քանի տարիների մասին, որից հետո ընձառյուծները կվերանան աշխարհի երեսից: Ներկա դրությամբ, ընդամենը 7500 ընձառյուծ կա վայրի միջավայրում:

Արաբական երկրների անասնաբույժները հայտնել են, որ ընձառյուծներին տնային կամ սահմանափակ վայրում պահելը չափազանց վտանգավոր է, նրանց պարբերաբար բուժում է անհրաժեշտ լինում, իսկ շատերը՝ ուղղակի չեն դիմանում ու մահանում են:

Սահմանադրական դատարանը քննության է ընդունել ոստիկանության ծառայողների իրավունքների երաշխավորման հարցով Մարդու իրավունքների պաշտպանը դիմումը։

Զոհրաբ Մնացականյանը հայ դեսպանների հետ խորհրդարանում էր՝ ամենամյա համաժողովին մասնակցելու համար: Այս անգամ պատգամավորներն են դիվանագետներին ներկայացրել հետհեղափոխական Հայաստանի վիճակը: «Լուսավոր Հայաստան» խմբակցության ղեկավար Էդմոն Մարուքյանը նկատել է, որ հեղափոխությունից հետո՝ Հայաստանի արտաքին քաղաքականության մեջ առաջընթաց չի գրանցվել:

Այսօր վարչապետը կառավարությունում ոգեւորությամբ անդրադարձավ 2 օր առաջ հրապարակված լուրին, որ «Մուդիս» վարկանիշային միջազգային ընկերությունը բարձրացրել է Հայաստանի սուվերեն վարկանիշը: Բայց հենց նախարարների կաբինետի տնտեսական պատասխանատուների խոսքից պարզվեց՝ ոգեւորվելու մեծ առիթ չկա: 

Նիկոլ Փաշինյանը, որը Հայաստանի նախկին բոլոր իշխանություններին դատափետում էր Ռուսաստանի «հլու կամակատարը» լինելու համար, Մոսկվային սիրաշահելու հերթական քայլն է անում: Հայաստանի վարչապետը չի մեկնում Լեհաստան՝ մասնակցելու տնտեսական համաժողովի շրջանակում անցկացվելիք ՝ Երկրորդ համաշխարհային պատերազմի 80-ամյակի միջոցառումներին, քանի որ դրանց չեն հրավիրել Վլադիմիր Վլադիմիրովիչին: