Լրահոս

Տեղեկացրել ենք, որ Եվրոպայի Հայկական միությունների ֆորումի նախագահության ջանքերով ձևավորվել է հատուկ նախաձեռնություն, որին միացել են մի շարք ծանրակշիռ քաղաքական, ակադեմիական և հոգևոր գործիչներ։ Նախաձեռնությանը ներգրավված են Կենտերբերիի նախկին արքեպիսկոպոս Լորդ Քերի Քլիֆթոնը, Սլովակիայի նախկին վարչապետ Յան Չարնոգուրսկին, Լորդ Մարքիզ Ռեադինգը, Ռուսաստանի Պետդումայի պատգամավոր Կոնստանտին Զատուլինը, Միջազգային քրեական դատարանի առաջին գլխավոր դատախազ Լուիս Մորենո Օկամպոն, Պրետորիայի համալսարանի պրոֆեսոր և եպիսկոպոս Պատրիկ Սուխդեոն, ԵՄ նախկին հանձնակատար Յան Ֆիգելը, «The Guardian»-ի նախկին թղթակից Ջոնաթան Սթիլը, Միջազգային քրիստոնեական համերաշխության կազմակերպության ղեկավար Ջոն Էյբները, ԵՄ պատգամավոր Լյուբոշ Բլահան, Սլովակիայի խորհրդարանի նախկին խոսնակ Ֆրանտիշեկ Միկլոշկոն, Բեռլինի օրենսդիր մարմնի պատգամավոր Վոլֆգանգ Հումելը, Շիլլերի ինստիտուտի ղեկավար Հելգա Զեպպ-Լարոուշը, Պրահայի դիվանագիտական ակադեմիայի նախագահ Ցիրիլ Սվոբոդան, տնտեսագետ Յան Քեմփբելը, միջազգային իրավաբան Ռոբերտ Ամստերդամը, Ֆրանսիայի նախկին վարչապետ Ֆրանսուա Ֆիյոնը, Իտալիայի նախկին վարչապետ և ԵՄ նախկին ղեկավար Ռոմանո Պրոդին, ինչպես նաև անվտանգության եվրոպական ինստիտուտի գլխավոր քարտուղար, բրիգադային գեներալ Գուստավ Գուստենաուն։

Սպառած էլեկտրաէներգիայի, անջատումների, Ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել 1-80 և 0 8000 0 180 շուրջօրյա գործող հեռախոսահամարներով:

ՀՀ կառավարության մեր աղբյուրներից ստացված տեղեկատվությամբ, որոշ ժամանակ առաջ Թուրքիայի ներկայացուցիչ Սերդար Քըլըչը` ԱՄՆ-ի ճնշումների ներքո, Նիկոլ Փաշինյանին է փոխանցել իրենց նոր առաջարկները: Այն է` 2026 թվականի հունվարի 1-ից Հայաստանի և Թուրքիայի միջև սահմանը բաց կլինի դիվանագիտական անձնագիր ունեցողների, ինչպես նաև երրորդ երկրների քաղաքացիների համար, բայց Թուրքիան պատրաստ չէ բեռների համար բացել սահմանները։

Սուրբ Ծննդի նախօրեին, երբ Հայաստանի բնակիչները տոնական պատրաստությունների մեջ են, ճաղավանդակների միջով սուրբծննդյան լույսը աղոտ թափանցում է 8 քառակուսի մետր մակերեսով բանտախուց: Այստեղ են տոնը դիմավորում Հայ առաքելական եկեղեցու արքեպիսկոպոսները՝ Մայր Աթոռ Սուրբ Էջմիածնի Դիվանապետը, երկու թեմակալ առաջնորդներ, ևս մեկ թեմի նախկին առաջնորդ, ինչպես նաև Կաթողիկոսի եղբայրն ու եղբորորդին:

Այս թեմաներին անդրադառնալով՝ քաղաքական գիտությունների դոկտոր Արթուր Խաչիկյանը ընդգծում է, որ Եկեղեցու դեմ սկսված գործընթացը ներքին ինքնագործունեություն չէ։ Նրա խոսքով, երբ արտաքին ճնշումները հասնում են այն կետին, որտեղ արդեն փորձ է արվում վերահսկել հոգևոր առաջնորդի ընտրությունը, դա այլևս ոչ թե ներքաղաքական ճգնաժամ է, այլ պետականության կորստի ազդանշան։ Խաչիկյանը նշում է, որ եկեղեցու պառակտումը ուղիղ ճանապարհ է դեպի ազգային ինքնության քայքայում, իսկ ինքնության քայքայումը՝ դեպի կառավարվող տարածքի վերածում։

իշխանության կողմից եկեղեցահալած այս քաղաքականության դրդապատճառները կարող են լինել մի քանիսը՝ սկսած հոգևորից (ուղղափառության դեմ պայքարից) մինչև թուրք-ադրբեջանական մերձեցման հարցում Եկեղեցու խանգարող հանգամանքը: Եկեղեցին, որպես հայի ինքնության պահապան, ինչպես նաև Արցախի հարցով պահանջատեր, Հայոց ցեղասպանության դատապարտման և ճանաչման պահանջատիրությունը սնուցող ազգային ինստիտուտ ընդունելի չէ թուրք-ադրբեջանական տանդեմի համար:

«Սիրելի՛ երևանցիներ, ի պատասխան մամուլում տարածվող ապատեղեկատվության՝ տեղեկացնում ենք, որ տրանսպորտի ուղեվարձի, աղբահանության վճարի, «Ա» և «Բ» գոտիներում կայանման համար սահմանված ավտոկայանատեղի վճարի թանկացումներ տեղի չեն ունեցել», - ասվում է հայտարարությունում։

Բաքվի «դատարանում» ավարտվեց ապօրինաբար պահվող հայ գերիների նկատմամբ շինծու դատաքննությունը։

Ռուսական ազդեցության գործակալների ակտիվ փնտրտուքի ֆոնին՝ փաստեր են հրապարակում տնտեսագետները: Այս տարի գրեթե կրկնապատկվել է Ռուսաստանից մեր երկիր եկած փողը: Մասնագետների համոզմամբ՝ խոպանից ուղարկված ռուբլին է օգնում շնչել մեր երկրի տնտեսությանը:

ԱՄՆ ներքին անվտանգության դեպարտամենտը հրապարակել է երկրում տարբեր հանցագործությունների համար ձերբակալված «վատերից վատագույնների» թարմացված ցանկը: Նրանց թվում են Վրաստանի երկու քաղաքացիներ, որոնք դատապարտվել են մարիխուանա վաճառելու և թմրանյութեր պահելու համար:

Տոնական եռուզեռն ու բարձր տրամադրությունը պետք է ուղեկցվեն պատասխանատվությամբ ու այն գիտակցմամբ, որ անվտանգությունը բոլորիս առաջնահերթությունն է, տոներին ընդառաջ՝ ՆԳՆ-ն հայտարարություն է տարածել։

Դեկտեմբերի 19-ին, ավտովթար է տեղի ունեցել Երևանում։ Ժամը 16։30-ի սահմաններում Մեղրի-Երևան Մ17 ավտոճանապարհի 24-րդ կմ հատվածում Սյունիքի մարզի բնակիչ 60-ամյա Կարեն Մ․-ն իր վարած «Shacman» մակնիշի բեռնատարով, արգելակելու ժամանակ, ճանապարհածածկի սառած լինելու պատճառով կորցրել է ավտոմեքենայի կառավարումը դուրս եկել ճանապարհի երթևեկելի գոտուց և բախվել հանդիպակաց ժայռին, հայտնում է Shamshyan.com-ը։

Միջազգային վերլուծաբանները պայթեցրել են «լավ կառավարելու մասին փաշինյանական միֆը» մի զեկույցով: Եվրոպական միության ու Տնտեսական համագործակցության և զարգացման կազմակերպության համատեղ ծրագրի՝ Սիգմայի տվյալներով՝ 100 միավորանոց սանղակով, նույնիսկ, բավարար չի ստացել Երևանը: Խոսքը և պետական ծառայությունների որակի, և պետական ապարատի կարողության, և ֆինանսների կառավարման մասին է: Այս պատկերը չի խանգարում ՔՊ-ական իշխանության մեծ ախորժակին: Ավելի քան կես միլիարդ դրամ պարգևատրումներ ու խրախուսումներ են եղել միայն Ազգային ժողովում:

Վերջիվերջո պետք է հասկանալ, որ ամերիկյան քաղաքականությունը Թրամփի ուղով Ադրբեջանի՝ Նախիջևանին կապելու մասին չէ, ոչ էլ Ադրբեջանին միջանցք տալու մասին է և ոչ էլ ընդհանրապես մեր կամ Ադրբեջանի մասին է, որքան էլ ՀՀ իշխանությունները փորձեն PR-վել այս թեմաների վրա։ Դա Կենտրոնական Ասիայի ռեսուրսները դեպի Եվրոպա արտահանելու և ՌԴ-ին ու Չինաստանին շրջանցելու մասին է։ Այս մասին գրել է միջազգայնագետ Սուրեն Սարգսյանը։

Հակաեկեղեցական արշավի ընթացքում մեր երկիրը պարբերաբար այս կամ այն գործչի ազդեցության գործակալ լինելու մասին մեղադրանքներ է լսում: Վեհափառի կրտսեր եղբայրը՝ Ռուսաստանի և Նոր Նախիջևանի Հայոց թեմի առաջնորդ Եզրաս սրբազանը նույնպես առանց քրեական գործի մեղադրվում է օտարերկրյա հատուկ ծառայությունների հետ համագործակցելու համար: Մոսկվայում բարձր մակարդակով հետաքրվրվել են, թե ինչ մեթոդներով է Հայաստանը, այսպես ասած, «գաղտնազերծում» ազդեցության գործակալներին: ՔՊ-ականներից Արման Եղոյանը, «Հայլուրի» թղթակցին բացատրել է` «եթե որևէ մեկը սունկ կայքի սուտ է տարածում, ամենայն հավանականությամբ, ազդեցության գործակալ է»:

Այսօր՝ դեկտեմբերի 26-ին, ավտովթար է տեղի ունեցել Վայոց ձորի մարզում։ Ժամը 14:35-ի սահմաններում Երևան-Երասխ-Մեղրի ավտոճանապարհի 115 կմ հատվածում՝ Արփի գյուղի վարչական տարածքում, բախվել են Վայոց ձորի մարզի բնակիչ 34-ամյա Դավիթ Ա.-ի վարած «Honda CR-V» մակնիշի ավտոմեքենան և Շիրակի մարզի բնակիչ 47-ամյա Հայկ Հ.-ի «ԶԻԼ» մակնիշի բեռնատարը։

Հայաստանի ճանապարհներին առաջին թավ ձյունն է պատուհաս դարձել վարորդներին Շիրակում, Լոռիում, Տավուշում ու Արագածոտնում: Շիրակում մեկ մեծ վթարի մասին է հայտնի: Գյումրի-Շիրակ-Կամո երթուղու գազելն է կողաշրջվել: Առատ ձյան տեղումների ընթացքում դեպի հյուսիս է գնացել «Հայլուրի» նկարահանող խումբը: Բարեբախտաբար այլ պատահարներ չեն եղել:

Հիվանդանոցում Միքայել Սրբազանին խնամողի հարցը լուծվեց: Կրկին տեղեկանք ներկայացվեց Երևան-Կենտրոն ՔԿՀ֊ին: Միքայել Սրբազանի եղբորորդին հետվիրահատական շրջանում կխնամի Սրբազանին: Այդ մասին հայտնում է Շիրակի թեմի կալանավորված առաջնորդ Միքայել Սրբազանի պաշտպանական թիմը։

Հայլուր 20։30 Իշխանության «տիեզերական» տապալումը. ասֆալտին փռված պետական կառավարում

Հանրային հեռուստաընկերությունը հրապարակել է Ամանորի ծրագիրը, որտեղ ընդգրկված չէ կաթողիկոսի ուղերձը: Ըստ Հանրայինի կայքում տեղադրված դեկտեմբերի 31-ի եթերացանկի՝ ժամը 22-ի հատվածում ուղերձներ են հղելու նախագահն ու խորհրդարանի խոսնակը, իսկ տարեմուտին՝ 23:40-ին նախատեսված է միայն վարչապետի ուղերձի հեռարձակումը, փոխանցում է Ազատություն-ը։