Լրահոս

Հունվարի 29-ին, ժամը 19:00-ին Սաղմոսավանք վանական համալիրում կկատարվի միասնական ժամերգություն և միասնական աղոթք, հայտնում են Հայ Առաքելական Եկեղեցու Արագածոտնի թեմից.

Եվրամիության անդամ 27 երկրները, այդ թվում՝ Հունգարիան հավանություն են տվել Եվրամիության խաղաղության հիմնադրամից Հայաստանին 20 միլիոն եվրոյի աջակցության տրամադրմանը։

Սուրբ Գրիգոր Լուսավորիչ ԲԿ–ում այսօր՝ հունվարի 28-ին, ծնվել է զույգ որդիներին կորցրած 45-ամյա Պայծառ Թորոսյանի որդին։

Հայաստանի կառավարությանը մեկ օր ժամանակ ունի ՄԻԵԴ-ին ավելի քան երեք ամիս կալանավորված Գյումրիի քաղաքապետ Վարդան Ղուկասյանի առողջական վիճակի ու պահման պայմանների մասին տեղեկություններ տրամադրելու համար: Փաստաբան Զարուհի Փաստանջյանի խոսքով՝ անմարդկային պայմաններում է պահվում Վարդան Ղուկասյանը: Բայց նա չի կարծում, թե կառավարությունը եվրադատարանին իրականությունը կպատմի:

Կարդացի Արարատ Միրզոյանի ելույթը Եվրոպայի խորհրդի խորհրդարանական վեհաժողովի նստաշրջանին։ Կարող եմ մեկ բառով այն որակել՝ ԽԱՅՏԱՌԱԿՈՒԹՅՈՒՆ։ Այս մասին հայտարարել է ԱԺ «Հայաստան» խմբակցության պատգամավոր Արթուր Խաչատրյանը:

Լավ լուր: Բավական մեծ է հավանականությունը, որ վաղվանից սկսած կունենանք սառը օդի «լճացման» թուլացում, իսկ 3 օրից հրաժեշտ կտանք վերջինիս:

Հանուն զոհերի հոգու հանգստության Եռաբլուրում աղոթել է Ամենայն Հայոց Կաթողիկոսը: Հոգեհանգստյան կարգ մատուցելուց հետո նա հեռացել է՝ չպտասխանելով լրագրողների հարցերին՝ կապված իշխանության հակաեկեղեցական արշավի ու Վեհափառի վերջին որոշման հետ՝ կարգալույծ հռչակել Մասյացոտն թեմի առաջնորդին: Ամենայն Հայոց Կաթողիկոսը լրագրողներին հորդորել է չխախտել օրվա խորհուրդը՝ թույլ տալ, որ ապրեն օրվա խորհրդի մեջ, իսկ մյուս թեմաներին կանդրադառնա այլ առիթով:

«Մեր ձևով» ժողովրդական շարժման համակարգող Նարեկ Կարապետյանը հանդիպել է հայրենիքի պաշտպանությանը կամավորագրվածների հետ։

Այսօր՝ հունվարի 28-ին, Հայաստանում նշվում է Հայոց բանակի կազմավորման 34 ամյակը, իսկ պատկան մարմինների անփութության հետևանքով բանակի կարևորագույն կառույցներից մեկում առավոտվանից ստեղծվել է հակասանիտարական ու գարշահոտ վիճակ։ Այս մասին հայտնում է Shamshyan.com-ը։

Կարոտ, ցավ, մխիթարություն ու հույս՝ Եռաբլուր զինվորական պանթեոնում: 90-ականներին ամուսնուն կորցրած կինը իրեն մխիթարում է, որ Արցախի մի թիզ հողի համար կյանքը զոհած ամուսինը չի տեսել Արցախի կորուստը, Արցախն ազատագրածները վերադարձի հույսեր են փայփայում, իսկ հույսը կորցնող մեծահասականերին պարտավորեցնում է նրանց թոռների հիշողությունը:

Մեր անվտանգության և ինքնիշխանության ամենագլխավոր երաշխավորը հայկական մարտունակ բանակն է։

Քառօրյա պատերազմում անմահացած Ռոբերտ Աբաջյանը այսօրվանից հայրենիքի պաշտպանության համար կյանքը չխնայելու դասեր կտա հարազատ դպրոցի աշակերտներին: Նրա անվամբ՝ համար 147 դպրոցի բակում տեղադրվել է նրա բրոնզաձույլ արձանը:

Տեղեկացնում ենք, որ Արարատյան Հայրապետական թեմի Կոնդի Սուրբ Հովհաննես եկեղեցու հոգևոր հովիվ Տեր Պետրոս ավագ քահանա Մալյանը՝ հովվական ծառայության ծանրաբեռնվածության պատճառով՝ իր դիմումի համաձայն, ս.թ. հունվարի 19-ից ազատվել է Արարատյան Հայրապետական թեմի երիտասարդաց միությունների համակարգողի պարտականություններից: Այս մասին տեղեկանում ենք qahana.am-ից։

Հայլուր 20։30 Ի՞նչ վիճակում է Վարդան Ղուկասյանը. հաշված ժամեր մնացին Երևանին՝ ՄԻԵԴ-ին պատասխան տալու

Միացյալ Նահանգների՝ Հարավային Կովկասի հետ կապված ծրագրերի իրականացման ակտիվացման ֆոնին` Ռուսաստանի արտգործնախարարը հանդիպել է ԱՊՀ անդամ երկրների դեսպանների հետ ու նրանց հետ խոսել տարածաշրջանային անվտանգության մասին: Քաղաքագետների կարծիքով՝ այդ հանդիպման ընթացքում Սերգեյ Լավրովը հստակ ուղերձներ է ուղարկել նաև Հայաստանին՝ հիշեցնելով, որ իրենց ազդեցության գոտին է Հարավային Կովկասը, ինչը հրապարակային ընդունել է նաև Թրամփը:

«Մեր ձևով» ժողովրդական շարժման անդամներն այսօր Եռաբլուրում հարգանքի տուրք են մատուցել հանուն հայրենիքի զոհված հերոսների հիշատակին։ 

Հայաստանի ու Ադրբեջանի միջև 2025 թվականի օգոստոսի 8-ին խաղաղության համաձայնագրի նախաստորագրումը նոր հեռանկարներ է բացել տարածաշրջանային խաղաղության համար, ինչն անչափ կարևոր է։

Երկնային բանակի հիշատակը հարգելու համար երեկ Եռաբլուր բարձրացած քաղաքական վերնախավը, լուռ է երկրային բանակի օրը` չնայած հունվարի 27-ը հայրենիքի պաշտպանության համար զոհվածների հիշատակի օր սահմանելիս նախագծի հեղինակներից ՔՊ-ական Ռուբեն Ռուբինյանը խոստանում էր տոնել այս օրը, այսօր ՔՊ-ականներից Եռաբլուրում են եղել միայն Անդրանիկ Քոչարյանն ու Սասուն Միքայելյանը: Ընդդիմությունն է այսօր ծաղիկներ խոնարհել զոհվածների շիրիմներին՝ արձանագրելով, որ իշխանությունը դիտմամբ է բանակի օրվա նախօրեն հիշատակի օր սահմանել, որ այսօր զինվորական պանթեոն չբարձրանա: «Կարծես արգելված է այդ մարդկանց բանակի, մեր զոհերի, պատերազմի մասին խոսել»,- լրագրողների հետ զրույցում նշել է «Հայաստան» խմբակցության պատգամավոր Քրիստինե Վարդանյանը:

Հունվարի 28-ին Մոսկվայի պատրիարքության արտաքին եկեղեցական կապերի բաժնի նախագահ, Վոլոկոլամսկի միտրոպոլիտ Անտոնին հանդիպել է Հայ առաքելական եկեղեցու Ռուսաստանի և Նոր Նախիջևանի թեմի առաջնորդ Եզրաս արքեպիսկոպոսի հետ։ Այս մասին տեղեկանում ենք Մոսկվայի պատրիարքարանի տարածած հաղորդագրությունից։

Հայաստանի վարչապետը շնորհավորել է բանակի օրը ֆեյսբուքյան գրառմամբ, որի 5 պարբերությունն այն մասին է, թե ինչքան փող են ծախսել բանակը բարեփոխելու համար: Ծախսեր, որ ոչ թե բանակի մարտունակության բարձրացմանն են ուղղված՝ այլ պաշտպանունակության, ինչպես հասկանում ենք Փաշինյանի օրվա ուղերձից: Այդ թեզը խիստ քննադատում են ռազմական փորձագետները, դրա տակ տեսնում ոչ թե պատերազմները կանխելու, այլ պատերազմների ժամանակ առավելագույնը պաշտպանվելու պատրաստակամություն: Փաշինյանի հաշվարկները սին են թվում հատկապես այն պայմաններում, որ իշխանությունը ջնջել է Արցախյան պատերազմների մասին էջը՝ Հայոց բանակի գաղափարական, կադրային և մարտական հիմքը: