Լրահոս

5-րդ ալիքի սեփականատեր Արմեն Թավադյանի ձերբակալությունը Հայաստանում ազատ մամուլի վտանգված լինելու մասին է հուշում բազմաթիվ փորձագետների: Կասկածներն ավելի հիմնավոր կարող են դառնալ վերջին մի քանի նմանատիպ դեպքերի ֆոնին: Տակնուվրա էին արել «Ժողովուրդ» օրաթերթի խմբագրությունը, Հովտաշատում հարձակվել լրագրողի եւ օպերատորի վրա: Ի դեպ, հենց «Ժողովուրդ» օրաթերթի ձեռքի տակ էր այսօր հայտնվել այն անձի ցուցմունքը, որին, ըստ ոստիկանության տեսանյութի, Ռոբերտ Քոչարյանի աջակիցը փորձում էր համոզել հրաժարվել ցուցմունքից: Ոստիկանության դասակի հրամանատարն ասել է, ինքը ոչինչ չունի ասելու, քանի որ մարտի 1-ի բախումների մասին ինքը հեռուստացույցից է իմացել:

Ի պաշտպանություն Ռոբերտ Քոչարյանի հայտարարությանը միացած մշակութային գործիչներից Նունե Եսայանը իր գործընկերներին կոչ է անում չվախենալ, քանի որ այլևս թույլ չեն տալու իրենց թիրախավորել կարծիք հայտնելու համար: Հայտարարությանը միացած գործիչների դեմ սոցցանցային արշավը հրահրված է ու հիմնական գործիքը ֆեյքերն են համոզված են սոցցանցային ակտիվությանը ուշադրությամբ հետևող Ադեկվադի անդամները:

Ամանորին ընդառաջ Ռոստելեկոմի անակնկալների մասին:

Հեղեղները ոչ մի կերպ չեն կարող խանգարել Սուրբ Ծնունդը տոնող հավատացյալներին: Աշխարհի կաթոլիկներն ու բողոքականները այսօր նշում են Քրիստոսի ծնունդը: Տոնսակատարությունները սկսվել են կեսգիշերին: Հռոմի Պապ Ֆրանցիսկոս առաջինը, ավելի քան 60 լեզվով ամբողջ աշխարհի հավատացյալներին շնորհավորել է Քրիստոսի Ծննդյան առթիվ

Չնայած Երևանի ավագանիում մեկ անգամ չէ, որ քննարկվել է Արզումանյան փողոցի 4-րդ կարգի վթարային շենքերի ողբերգական վիճակը, բայց սայլը տեղից չի շարժում: Ամեն օր, վերջին օրվա պես շենք մտնող բնակիչները դեռևս միայն խոստումներ են լսում: Թե ինչպես են շարունակում վախը սրտներում ապրել շենքի բնակիչները և ինչու են մերժել այլ շենք տեղափոխվելու դեռևս նախկին իշխանությունների առաջարկները:

Այսօր երկրորդ նախագահ Ռոբերտ Քոչարյանի ազատության համար պայքարող նախաձեռնության անդամները՝ շուրջ հազար մարդ, հավաքվել է ամփոփելու անցնող տարին: Քոչարյանի գրասենյակի ղեկավար Վիկտոր Սողոմոնյանը համոզված է, որ սովորական քաղաքացիների շրջանում փոխվող տրամադրություններն են ստիպում իշխանություններին ամեն ինչ անել, վարկաբեկելու այն բոլոր նախաձեռնություններն ու հայտարարությունները, որոնք առնչվում են երկրոդ նախագահին: Քոչարյանի որդին ընթերցել է հոր ուղերձը իր ազատության համար պայքարողներին: Երկրորդ նախագահը գրել է, որ շնորհակալ է իր աջակիցների և վստահեցրել, որ բանտախուցն իր համար աշխատասենյակ է, որտեղ ինքն աշխատում է հանուն լավ ապագայի:

Նախագահ Քոչարյանը պաշտոնաթողությունից հետո հետևողականորեն թիրախավորվել է հակաքարոզչության նկատառումներով, իսկ 2018-ի իշխանափոխությունից հետո հայտարարել է քաղաքականություն վերադարձի մասին և անմիջապես էլ կալանավորվել անհիմն մեղադրանքով։ Հայաստանի երկրորդ նախագահ Ռոբերտ Քոչարյանը քաղբանտարկյալ է:

Սա ուղիղ հարված է ազատ խոսքին և բազմակարծությանը։

«Քառյակ մեդիա»-ի հիմնադիրներ Կարեն Բեքարյանը, Միհրան Հակոբյանը, Արման Սաղաթելյանը և Սամվել Ֆարմանյանը հանդես են եկել հայտարարությամբ, որում անդրադարձել են «5-րդ ալիք»-ի սեփականատեր Արմեն Թավադյանի նկատմամբ իրականացվող քրեական հետապնդմանը։ Հայտարարությունում ասվում է.

Թավադյանը Քոչարյանի ընկերն է, ի դեմս Ռոբերտ Քոչարյանի՝ հանուն Հայաստանի Հանրապետության, հանուն արդարադատության, անվտանգության, բարեկեցության մղվող պայքարի բացառիկ առաջամարտիկներից, և քանի որ ներկա իշխանությունն անհամատեղելի է թե՛ ընկերություն, թե՛ պետականություն եզրույթների հետ, պարզ է դառնում՝ Թավադյանն, ինչպես Քոչարյանը պետք է լինի մեկուսացված՝ դասակարգային տարբերության խնդիրն է։

Նիկոլ Փաշինյանի կառավարությունը, որպես այս մթնոլորտի հիմնական երաշխավոր և պատասխանատու արժանանալու է սերունդների անեծքին և դաժան հաշվեհարդարի է ենթարկվելու հենց նույն «հպարտ քաղաքացիների» կողմից (էլի մենք չենք թողնելու, որ արյունլվիկ անեն իրանց):