Լրահոս

ԱԱԾ տնօրենի պաշտոնակատարը տեղյակ չէ, որ Նաիրի Հունանյանի և անկախ պատգամավոր Արման Բաբաջանյանի հանդիպումը ձայնագրվել է: Նա տարակուսել է, երբ լրագրողները այդ մասին հայտնել են նրան այսօր խորհրդարանում: Էդուարդ Մարտիրոսյանն ասել է. մեջբերեմ, «Մենք Արման Բաբաջանյանին վստահում ենք, եթե հանդիպենք, ամբողջ իրականությունը կասի»: Բաբաջանյանը՝ Հունանյանի հետ հանդիպումից հետո՝ պետական ութ գործչի սպանած ահաբեկչին անվանել էր պայծառ մտքով մեկը: Քրեակատարողական հիմնարկի մամուլի պատասխաատու Նոնա Նավիկյանը այսօր հայտնել է, որ Հունանյանը 2010-ից հոգեմետ դեղեր է խմում և գտնվում է բժիշկների հսկողության տակ: «Իմ քայլական» պատգամավոր Սասուն Միքայելյանը Եռաբլուրում կոչ է արել հոկտեմբերի 27-ի գործով դատախազ Գագիկ Ջհանգիրյանին խոսել, ասել, թե ի՞նչ հայտարարություն էր ուզում անել տարիներ առաջ, որը կարող է նոր հանգամանքներ բացահայտել 20 տարի առաջ տեղի ունեցած ոճրագործության վերաբերյալ:

«Հայաստանում տնտեսական հեղափոխությունը կարելի է տեսնել անզեն աչքով»,- այսպես է խոսել Հայաստանի վարչապետը խորհրդարանում: Կառավարությունը այսօր պատգամավորների սեղանին է դրել 2020 թվականի բյուջեի նախագիծը, որը Փաշինյանի կաբինետն, ըստ էության, անվանել է պահպանողական բյուջե: Ճիշտ այսպես էին որակել երկրի գլխավոր ֆինանսական փաստաթուղթը Տիգրան Սարգսյանի կառավարությունը 2010-ին, Կարեն Կարապետյանի կաբինետը՝ 2017-ին:  

Սիրիայի հայկական գումարտակը քարոզչական միֆ է: Վելուծաբանները չեն հավատում քրեդական աղբյուրներում հայտնված տեղեկությունը, թե թուրքական բանակի դեմ պայքարում քրդերին օգնում է սիրիահայերից կազմված գումարտակը: Մասնագետները նկատում են, որ այս տեղեկությունները քարոզչական նպատակներով ակտիվ տարածում է Թուրքիան` ստեղծելով հակահայկական տրամադրություններ:

Սիրիան ու աշխարհն իրար խառնած «Իսլամական պետություն» ահաբեկչական խմբավորման պարագլուխ Աբու Բաքր ալ-Բաղդադիին սպանելու մասին այս անգամ էլ հայտարարել է Միացյալ Նահանգների նախագահը: Թրամփը ասել է, որ անձամբ է հետևել ամերիկացի զինվորականների հատուկ գործողությանը: «Այդ մարդու մահից հետո աշխարհն այժմ ավելի անվտանգ է դարձել»,- կարծում է Թրամփը:

Քուվեյթցի քանդակագործը պատրաստվում է Հայաստանի գյուղերից մեկում հող ու ձի առնել, տարին մի քանի անգամ էլ գալ իր ագարակ: Հիմա Երևանում Կանգ առ վերանագրով ցուցադրություն է բացել ու Հայաստանի մայրաքաղաքից աշխարհին գաղափարներ է տալիս մոլորակին պատուհասած էկո-աղետը կանխելու համար:

Փոխոստիկանապետ Հովհաննես Քոչարյանին՝ կարծիք հայտնելու համար պաշտոնից ազատելու վարչապետի որոշումը Հայաստանի ոստիկանապետի պաշտոնակատարը չի քննարկում: Նա հրաժարվել է պատասխանել լրագրողների հարցերին:

Ձեռք բերված բավարար ապացույցների հիման վրա՝ Ապարան համայնքի ղեկավարին մեղադրանք է առաջադրվել՝ ՀՀ քրեական օրենսգրքի 3152-րդ հոդվածով, վերջինիս նկատմամբ խափանման միջոց է ընտրվել ստորագրություն չհեռանալու մասին:

Փաշինյանի իշխանությունը շարունակում է թիրախավորված պահել այն գործիչներին, որոնք հեռացել են իր թիմից և քննադատական խոսք են հնչեցրել իր գործունեության վերաբերյալ։ Այս պահին համար մեկ թիրախը Ազգային անվտանգության ծառայության նախկին տնօրեն Արթուր Վանեցյանն է։

Այսօր լրանում է Հոկտեմբերի 27-ի ահաբեկչության 20 տարին: 99-ի այս օրը, ժամը 17-ն անց 15-ին՝ խորհրդարանի վրա հարձակված հանցախումբը սպանեց վարչապետ Վազգեն Սարգսյանին, Ազգային ժողովի նախագահ Կարեն Դեմիրճյանին ու ևս 6 պետական-քաղաքական գործչի: Հայաստանը նրանց հիշում է անուն առ անուն: Այսօր եւ միշտ... 
Աննախադեպ ոճրագործության 20-րդ տարելիցին ընդառաջ պայթեց մի սենսացիոն լուր, թե ահաբեկչական խմբի ղեկավար Նաիրի Հունանյանը, որ դատապարտված է ցմահ ազատազրկման՝՝ խնդրել է իրեն վաղաժամ ազատ արձակել: Նրա դիմումն այժմ ընթացքի մեջ է: 

Այս շաբաթ մտահոգիչ վիճակագրություն հրապարակվեց մեր երկրում տարբեր պատճառներով դպրոց չգնացող երեխաների մասին: Պարզվում է՝ 2018/19 ուսումնական տարվա ընթացքում դպրոց չի գնացել 367 աշակերտ: Ստացվում է մոտավորապես ամեն օր մեկ աշակերտ այլևս դպրոց ոտք չի դնում:
 

Շաբաթվա գլխավոր քրեական պատմության հերոսը Ազգային ժողովի աշխատակազմի ղեկավարի նախկին տեղակալ Արսեն Բաբայանն է: Բազմաթիվ իրավապաշտպանների ահազանգերը թե նրա դեմ քրեական գործը քաղաքական հետապնդում հնարավոր է ձեզ անհեթեթություն թվա մինչև իմանաք, որ Արսեն Բաբայանը Սահմանադրական դատարանի նախագահ Հրայր Թովմասյանի ընկերն է:
 

Շաբաթվա թավշյա, ժողովրդական սկանդալը պայթեց մի լրագրողական հետաքննության արդյունքում, որն ասում էր թե իշխանության գալուց մեկ ու կես տարի անց միայն ուսուցիչների աշխատավարձը 10-ը տոկոսով բարձրացրած վարչապետը իր նախարարների ու փոխնախարարների աշխատավարձը կրկնապատկել է հասցնելով 1.5 մլն դրամի:
Բայց շատերին զարմացրեց ու զայրացրեց ոչ այնքան այդ թիվը, այլ այն, որ վարչապետը որոշումը գաղտնի է պահել: Բոլոր բացատրություններից հետո էլ, գաղտնի մնաց թե մեր կյանքը փոխած այդ ինչ տիտանական աշխատանքի դիմաց է պաշտոնյաների աշխատավարձը կրկնապատկվել:

Ստամբուլյան կոնվենցիա. կանանց նկատմամբ բռնություն... չէ, նման բան Լոռիում չեն լսել: Իմ գործընկերը պարզել է, որ մայրաքաղաքում ամեն օր բուռն քննարկվող թեմաները լոռեցիներին առանձնապես չեն հետաքրքրում: Ի դեպ այնտեղ առանց տարբեր կոնվենցիաների էլ սիրո ու ընտանիքի մասին շատ ազատ պատկերացումներ ունեն ու ամենակարևորը նամուս-թասիբով: 

Հիշողություններ ու գնահատականներ՝ մեծ ողբերգությունից 20 տարի անց: Հոկտեմբեր 27. նորագույն պատմության սեւ էջը՝ քաղաքական առեւտրականների թիրախում: Նաիրի Հունանյանն ազատություն է խնդրում, չէ՞ որ ՊՊԾ գունդը գրաված եւ ոստիկաններ սպանած խմբի անդամները ճաղերի հետեւում չեն:
 

Մշակութային սկանդալ է հասունանում հայկական կինեմատոգրաֆում: Վարազդատ թագավորի մասին ֆիլմը 4 տարի ֆինանսավորելուց հետո պետությունը հրաժարվել է փող տալ՝ այն ավարտելու համար: Փոխարենը 20 միլիոն դրամ է հատկացվել նախկին ծանրորդ, սեռափոխված Մելինե Դալուզյանի մասին փաստագրական ֆիլմի նախագծին: Այստեղ խնդիրը նախկին ծանրորդուհին կամ նրա կյանքի պատմությունը չէ, այլ պետության սահմանած առաջնահերթությունները, որոնք մտածելու տեղիք են տալիս արվեստագետներին:

Հայաստանի աշխատաշուկայում առավել հաճախ փնտրվող մասնագետներն են ծրագրավորողները: Նրանք Երևանում այսօր հավաք էին կազմակերպել՝ հասկանալու՝ ինչպես լրացնեն այդ բացը: