Լրահոս

Երեւանում քննարկում են՝ հայ գերիներին ադրբեջանցի դիվերսանտների հետ փոխանակելու Բաքվի առաջարկը: Ադրբեջանից հայտարարել են, որ պատրաստ են Ադրբեջանում իբր ահաբեկչության փորձ անելու համար դատապարտված Կարեն Ղազարյանին եւ մեկ ամիս առաջ անհայտ պայմաններում սահմանը հատած Արայիկ Ղազարյանին փոխանակել՝ Արցախում սպանության եւ լրտեսության համար դատապարտված ադրբեջանցիներ Դիլհամ Ասկերովի եւ Շահբազ Գուլիեւի հետ: Պաշտոնական Երեւանը մարդասիրության կողմնակից է, բայց դեռ 4 ամիս առաջ հայտարարում էր, որ նման փոխանակումը անընդունելի է:

Երկրորդ նախագահի կողքին նստած են հաղթանակների ու մարտունակ բանակի մյուս հիմնադրիրները՝ գեներալներ Սեյրան Օհանյանն ու Յուրի Խաչատուրովը։ Մարդիկ, ովքեր 90-ականներին սակավաթիվ ուժերով կազմակերպեցին գրագետ ինքնապաշտպանություն, 2000-ականներին՝ հազար տարի պետականություն չունեցող ժողովրդի համար՝ կանոնավոր բանակ, իսկ պաշտոնավարման վերջում այդ բանակը համալրեցին գերժամանակից իսկանդերներով, որից աշխարհում հատուկենտ պետություններ ունեն։

Թուրք հայտնի դերասան, կատակերգու, ծաղրանկարիչ և սցենարիստ Ջեմ Յըլմազը, թուրքական մամուլի բնութագրմամբ, մի ամբողջ կարողություն է վճարել հայ գեղանկարիչ Տարոն Մուրադյանի կտավները գնելու համար:

ՀՀ ՔԿ ԵՔՔՎ Արաբկիր վարչական շրջանի քննչական բաժնի վարույթում քննվող քրեական գործով պարզվել են ԱԺ-ին արծաթյա մեդալների և հուշամեդալների փոխարեն այլ մետաղից պատրաստված մեդալներ և հուշամեդալներ մատակարարելու դեպքի մի շարք հանգամանքներ: Ձերբակալվել է Ազգային ժողովի աշխատակազմի Վարչատնտեսական վարչության  մատակարարման բաժնի պետը:

Չի բացառվում, որ անգամ պաշտոնական ճաշին չմասնակցի։ Հայկական կողմը երկկողմ հանդիպում է խնդրել, սակայն այս պահի դրությամբ ռուսական կողմը վարչապետ Նիկոլ Փաշինյանի այդ ցանկությունը մերժել է:

Իսկ քաղաքի խնդիրները չեն պակասում: Հակառակը, այսօր քիչ է մնացել ոստիկանների հետ բախում լինի, երբ Սանիթեքի աշխատողները գնացել են քաղաքապետարան՝ իրենց ուշացած աշխատավարձերը ստանալու: Նրանք փորձել են խնդիրները լուծելու փորձված մեթոդը կիրառել՝ փակել ճանապարհը, բայց ոստիկանները թույլ չեն տվել: 

Ազգային ժողովում իմ քայլականները պատրաստվում են Սահմանադրական դատարանի նախագահ Հրայր Թովմասյանի լիազորությունները դադարեցնելու գործընթացին: Քոչարյանի գործին զուգահեռ այս զարգացումները՝ Մարդու իրավունքների առաջին պաշտպան Լարիսա Ալավերդյանի աչքին՝ բացահայտ անձնական վրեժ են: Ալավերդյանը իշխանություններին միայն պարզ տրամաբանությունն է հիշեցնում՝ եթե չեն հարգում սահմանադրությունը, ապա ինչ գործ ունեն՝ այդ ուժով ձևավորված խորհրդարանում:

ՀՀ քննչական կոմիտեի ՀԿԳ քննության գլխավոր վարչությունում՝ՀՀ պաշտպանության նախարարության առանձին պաշտոնատար անձանց կողմից պաշտոնեական դիրքը չարաշահելու դեպքի առթիվ քննվող քրեական գործով պարզվել են մի շարք հանգամանքներ: Վլադիմիր Գասպարյանին մեղադրանք է առաջադրվել:

Ուժայինների հրաժարականները որոշ քաղաքագետներ կապում եմ Արցախում սպասվող զարգացումների հետ: Մտահոգություններ կան, որ զիջելու տրամադրված իշխանությունները չեզոքացնում են այդ հարցում իրենց պոտենցիալ հակադրվողներին՝ մասնավորապես ԱԱԾ տնօրենին:

Մամուլը համառորեն պնդում է, որ Փաշինյանի կաբինետը շուտով լքելու է նաեւ Դավիթ Տոնոյանը: Ինքը, սակայն, հայտարարում է, որ չի պատրաստվում հեռանալ: Բայց, դե, ոչինչ էլ բացառված չէ:

Նախկին՝ մերժված իշխանությունում Երևանի փոխոստիկանապետի պաշտոնը զբաղեցրած Օսիպյանը՝ հեղափոխության օրերի սիմվոլներից մեկն էր՝ սիրո ու հանդուրժողականության համատեքստում:  

Ոստիկանապետի պաշտոնից ազատված Վալերի Օսիպյանը նշանակվել է վարչապետի գլխավոր խոհրդական: Թեև դեռ երեկ լուրեր կային, որ Օսիպյանը մերժել է վարչապետի այդ առաջարկը: Վերջին երեք օրվա ընթացքում, ուժային երկրորդ կառույցի ղեկավարն է հրաժարական տալիս: Օսիպյանի հրաժեշտի տեքստը նույնքան սկանդալային չէ, որքան Վանեցյանինը, սակայն նա եւս, հղում է անում սպայի պատվին ու արժանապատվությանը: Խոստանում է հեռանալու պատճառների մասին խոսել հետագայում:
Մամուլ արտահոսած տեղեկությունների համաձայն, ոստիկանապետը որոշեց հեռանալ, որովհետեւ չցանկացավ Ամուլսարի հանք տանող ճանապարհը բացելու համար ուժ գործադրել: Իսկ դրա հավանականությունը բավականին մեծ է՝ հաշվի առնելով հանքը շահագործելու՝ վարչապետի որոշումը եւ դրա դեմ բնապահպանական ընդվզումը: