Լրահոս

Սա մի ընտանիքի պատմություն է, որ 30 տարի նկուղում է ապրել: Վիվասելլ ՄՏՍ-ն ու Ֆուլլեր տնաշինական ընկերությունը նրանց համար նոր տանիք են կապել:

Վանեցյանի՝ քաղաքականություն մտնելու հնարավորության մասին այսօր խոսել են նաև խորհրդարանում: Ընդդիմադիր խմբակցությունների համար անակնկալ էր Վանեցյանի հրաժարականը, նաև այն, որ մինչև երեկ ԱԱԾ տնօրենը այս իշխանության ամենաազդեցիկ դեմքերից էր համարվում, երեկվանից դարձել է բուռն քննադատությունների թիրախ։

Դատարանները իր քաղաքական հովանավորության տակ վերցնելու իշխանության անհագուրդ ցանկությունը շարունակում է անկանխատեսելի դրսևորումներ ունենալ:
Փաշինյանի քաղաքական ուժի ներկայացուցիչը հայտարարել է, որ այս իշխանության դեմ խաղ չկա:

Արթուր Վանեցյանը հրաժարական տալուց մեկ օր անց՝ այսօր պատասխանել է լրագրողների հարցերին:
ԱԱԾ տնօրենի հրաժարականը, ըստ մամուլի, կարող է շղթայական ռեակցիայի էֆեկտ ունենալ Փաշինյանի կաբինետի համար: Խոսակցություններ կան պաշտպանության նախարարի ու ոստիկանապետի մոտալուտ հրաժարականների մասին: 

Դատարանի բակում Ռոբերտ Քոչարյանի աջակիցների ու նրանց ընդդիմախոսների միջև այսօր նույնպես վիճաբանություն, քաշքշոց է եղել: Կան բերման ենթարկվածներ: 

Երևանի ընդհանուր իրավասության դատարանը (Շենգավիթի նստավայր)՝ դատավոր Աննա Դանիբեկյանի նախագահությամբ, ավարտեց ՀՀ երկրորդ նախագահ Ռոբերտ Քոչարյանի պաշտպանների ներկայացրած գրավի միջնորդության քննարկումը։ Դատարանի որոշումը կհրապարակվի սեպտեմբերի 20-ին, ժամը 17:00-ին։ Գրավի չափը կարող է որոշել դատարանը։

Նշենք, որ այս միջնորդությունը պաշտպանները ներկայացրել են ամիսներ առաջ։ Ռ․ Քոչարյանի փաստաբանական թիմի միջնորդությանը միացել են նաև սույն քրեական գործով անցնող մյուս պաշտոնատար անձանց փաստաբանները։

Եթե փախնող լինելի, այսօր Ստեփանակերտում ադրբեջանցիք թեյ խմելուց կլինեին։ Իմ համար իրոք վիրավորական է, որ ստիպված եմ դա ասել։ Որովհետև մարդու կենսագրությունը շատ ավելի լավ է խոսում մարդու մասին, քան այն հայտարարությունները, որ կարող են անել։ Չեմ ուզում այս թեմայի մեջ խորանալ։

ՀՀ երկրորդ նախագահ Ռոբերտ Քոչարյանի պաշտպանական թիմը միջնորդել է նրա նկատմամբ որպես խափանման միջոց կիրառել գրավը, որի չափը կարող է որոշել դատարանը։

Երևանի ընդհանուր իրավասության դատարանը (Շենգավիթի նստավայր)՝ դատավոր Աննա Դանիբեկյանի նախագահությամբ, մերժեց ՀՀ երկրորդ նախագահ Ռոբերտ Քոչարյանի պաշտպանական թիմի միջնորդությունը՝ նրա նկատմամբ ընտրված խափանման միջոց կալանքը վերացնելու և անհապաղ ազատ արձակելու վերաբերյալ։

 Սահմանադրական դատարանի որոշումից 12 օր անց՝ երեկ իշխող իմ քայլը խմբակցությունը հայտարարեց Հրայր Թովմասյանի լիազորությունները դադարեցնելու գործընթաց սկսելու մասին: Այսօր վաղ առավոտից սահմանադրական դատարանի դիմաց հերթապահել են լրագրողները՝ փորձելով հանդիպել ու Թովմասյանից մեկնաբանություն ստանալ այս հայտարարության վերաբերյալ:

Ըստ իշխանական աղբյուրների՝ ԱԱԾ տնօրենի ամենահավանական թեկնածուն Վահե Ղազարյանն է՝ Նիկոլ Փաշինյանի ընկերը, ով այժմ ոստիկանության զորքերի հրամանատարն է, ոստիկանապետի տեղակալը, թեեւ շրջանառվում է նաեւ պաշտպանության նախկին նախարար Վաղարշակ Հարությունյանի անունը։ Իսկ ոստիկանապետի պաշտոնում քննարկվում է ՔՊ վարչության անդամ Վիլեն Գաբրիելյանի թեկնածությունը՝ ֆեյսբուքյան Նավակ ճոճողի, ով չի թաքցնում իր հավակնությունները»:

Երեկ վարչապետ Փաշինյանը լրագրողների հետ հանդիպման ընթացքում հայտարարեց, որ ստորագրել է ԱԱԾ պետ Արթուր Վանեցյանի հրաժարականի դիմումը և նա մի քանի օրից կազատվի աշխատանքից։ Վարչապետի այս հայտարարությանը հետևեց Արթուր Վանեցյանի հայտարարությունը, որն առավել նման էր «դուռը շրխկացնելու»։ Վանեցյանը իր հայտարարությամբ հախուռն պահվածքի և առաջնայինը երկրորդականից չտարբերելու մեջ մեղադրեց Փաշինյանին։

Ազգային ժողովի նախագահը կասկածի տակ է դնում՝ Քոչարյանի գործով Սահմանադրական դատարանի որոշման օրինականությունը եւ նոր թափ հաղորդում՝ դատարանի նախագահ Հրայր Թովմասյանի նկատմամբ քաղաքական ճնշումներին: Դատարանի որոշմանը հետեւած երկշաբաթյա լռությունից հետո, Արարատ Միրզոյանը, ըստ էության, հայտարարում է, թե խորհրդարանը պետք է դիրքորոշում հայտնի՝ ե՜ւ որոշման օրինականության եւ ընդհանրապես, դատարանի լեգիտիմության վերաբերյալ: Ըստ նրա, Հրայր Թովմասյանի պաշտոնավարումը մինչեւ 2035 թվականը ոտնձգություն է Սահմանադրական դատարանի ինքնավարության դեմ: