Լրահոս

2024-03-02
  • Img default alt hy
    Հայաստան
    ՀՀ ԱԳ նախարարի ուղերձը դիվանագետի օրվա կապակցությամբ
    Այսօր ՀՀ դիվանագիտական համակարգը նշում է մասնագիտական տոնը՝ ՀՀ դիվանագետի օրը: 32 տարի առաջ՝ հենց այս օրը, Հայաստանի նորանկախ Հանրապետության դրոշը ծածանվեց ՄԱԿ կենտրոնակայանում՝ Նյու Յուրքում։ Այս օրը խորհրդանշեց մեր ժողովրդի նվիրական ձգտումն ապրել ազատ, անկախ, ինքնիշխան և ժողովրդավարական Հայաստանում և մեր հավատարմությունը կառուցել Հայաստանի արտաքին քաղաքականությունը՝ ուղենիշ ունենալով ՄԱԿ կանոնադրության նպատակներն ու սկզբունքները: Պատահական չէ, որ հենց անկախ ազգերի ընտանիքին՝ ՄԱԿ-ին, ՀՀ անդամակցության օրը՝ մարտի 2-ը, հետագայում հռչակվեց որպես դիվանագետի և դիվանագիտական ծառայության օր Հայաստանում: Հայաստանի Հանրապետությունն անցել և շարունակում է անցնել բազմաթիվ դժվարությունների միջով: Այսօր էլ մեր երկրի առջև ծառացած են մեծագույն մարտահրավերներ, որոնց խորը գիտակցումն ու արժանապատիվ հաղթահարումը պահանջում է գերմարդկային ջանքերի գործադրում և անձնուրաց ծառայություն: Գլոբալ անորոշությունների պայմաններում այսօր էլ մենք բախվում ենք ծանր փորձությունների, որոնց հաղթահարումը, նվիրական հեռանկարների հասնելը հնարավոր է միայն պետականության արժևորման, անհատական ու հավաքական նվիրումի ճանապարհով: Մեր ճանապարհին եղել են էական հաջողություններ և ձեռքբերումներ: Վստահ եմ, որ մեզանից յուրաքանչյուրը գիտակցում է իր յուրովի առաքելությունն՝ անշեղորեն և հետևողականորեն ամրապնդելու ՀՀ անկախությունն ու պետականությունը, առաջ մղելու մեր առաջնահերթությունները՝ որպես ինքնիշխան երկիր, որպես տարածաշրջանային գործընկեր, որպես միջազգային համակարգի պատասխանատու անդամ: Վերլուծելով անցյալը՝ մենք նայում ենք ներկային ու ապագան կառուցելու հստակ հեռանկարներին, այդ թվում՝ տարածաշրջանում խաղաղության և հարևանների հետ հարաբերությունների կարգավորման առումով: Շնորհավորում եմ ԱԳՆ բոլոր դիվանագետներին՝ թե՛ ԱԳՆ կենտրոնական համակարգում, թե՛ արտերկրում ՀՀ դիվանագիտական ծառայության մարմիններում և մաղթում կայուն հաջողություններ մեր ընդհանուր առաքելության շարունակական կյանքի կոչման հարցում:
    20:15
    02.03.24
    Ավելին
  • Img default alt hy
    Քաղաքական
    Բաքվի և Երևանի միջև խաղաղության գործընթացի վերաբերյալ հանդիպումները կարևոր են. Բայրամով
    Ադրբեջանի և Հայաստանի միջև խաղաղ գործընթացի վերաբերյալ հանդիպումները կարևոր են։ Այս մասին Անթալիայում դիվանագիտական ֆորումում APA-ի թուրք թղթակցի հարցին ի պատասխան հայտարարել է Ադրբեջանի արտգործնախարար Ջեյհուն Բայրամովը։ Նա նշել է, որ փետրվարի 28-29-ը Բեռլինում կայացած Ադրբեջանի և Հայաստանի պատվիրակությունների հանդիպումից 7 ամիս առաջ խաղաղ համաձայնագրի շուրջ «ֆիզիկական բանակցություններ» չեն եղել։ «Դրանից հետո հիմնականում եղել են տեքստային մեկնաբանություններ, նախագծեր և կողմերի կողմից դրանք միմյանց փոխանցվել։ Ամեն դեպքում, այս գործընթացում կարևոր են անձնական հանդիպումները։ Վերջին շրջանում այս ուղղությամբ դրական դինամիկա կարելի է նկատել։ Նախ ուզում եմ նշել Գերմանիայի կանցլերի նախաձեռնած Մյունխենի անվտանգության համաժողովում Ադրբեջանի նախագահի և Հայաստանի վարչապետի հանդիպումը, որը որոշակի ընդմիջումից հետո դարձավ առաջնորդների շփման հնրավարությունը։ Ընդհանուր առմամբ, մենք դրական ենք գնահատում հանդիպումը։ Եվ այս շփումից հետո որոշում է կայացվել ԱԳ նախարարների հանդիպում անցկացնել»,- ասել է նա:
    20:00
    02.03.24
    Ավելին
  • Հայաստան
    Դիակի հոտ չեն զգացել. 97-ամյա մոր և 72-ամյա դստեր մարմինները 10 օր մնացել են փակ բնակարանում
    Դիակի հոտ չեն զգացել. 97-ամյա մոր և 72-ամյա դստեր մարմինները 10 օր մնացել են փակ բնակարանում
    19:46
    02.03.24
    Ավելին
  • Img default alt hy
    Արտաքին քաղաքականություն
    Հայտնի է` հայ համայնքից ովքեր են ընտրվել Իրանի Մեջլիսի պատգամավոր
    Իրանի Մեջլիսի պատգամավորներ են ընտրվել հայազգի Արա Շահվերդյանը և Գեղարդ Մանսուրյանը։ Տեղեկությունը հայտնում է «Իրանն այսօր» Telegram ալիքը։ Արա Շահվերդյանը, որը նաև գործող պատգամավոր է, ընտրվել է Թեհրանի և հյուսիսային շրջանի իրանահայության ներկայացուցիչ։ Գեղարդ Մանսուրյանը միջազգայնագետ է և իրանական մամուլում աչքի է ընկել Հայաստանի ու Արցախի մասին հոդվածներով։ Նա Սպահանի և հարավային շրջանի իրանահայության ներկայացուցիչն է։ Հիշեցնենք, որ Իրանի Մեջլիսի ընտրությունները կայացել են մարտի 1-ին, դրանց ընդհանուր արդյունքները դեռ չեն ամփոփվել։
    19:45
    02.03.24
    Ավելին
  • Img default alt hy
    Հայաստան
    «Դա բացասաբար կազդի հենց Հայաստանի անվտանգության վրա»․ ՀԱՊԿ նախկին գլխավոր քարտուղարը զգուշացնում է կազմակերպությունից դուրս գալու հետևանքների մասին
    «Եթե ​​Հայաստանը դե յուրե սառեցնի իր մասնակցությունը ՀԱՊԿ-ին, նա կզրկվի ձայնի իրավունքից, այլևս չի մասնակցի Կազմակերպությունում որոշումների կայացման գործընթացին և ՀԱՊԿ-ի գործունեությանը, որն իրականացվում է ընդհանուր անվտանգության ամրապնդման համար։ Դա կանդրադառնա նաև հենց Հայաստանի անվտանգության համակարգի վրա»,-«Ռիա Նովոստի»-ին տված հարցազրույցում ասել է ՀԱՊԿ նխկին գլխավոր քարտուղար Նիկոլայ Բորդյուժան՝ արձագանքելով ՀԱՊԿ-ին անդամակցությունը «սառեցնելու» կամ «դադարեցնելու» մասին Հայաստանի վարչապետ Նիկոլ Փաշինյանի հայտարարությանը։ Այդպիսի սցենարի դեպքում, ըստ Բորդյուժայի, չափազանց փոքրանում է հավանականությունը, որ ՀԱՊԿ-ը իր անվտանգության գործիքներն ու համակարգը Հայաստանի վրա կտարածի։ Բորդյուժան նաև նշել է, որ խիստ կասկածում է, թե Հայաստանը կկարողանա անվտանգային այլընտրանքային համակարգ ստեղծել իր համար։
    19:30
    02.03.24
    Ավելին
  • Img default alt hy
    Հասարակական
    «BMW» մակնիշի մոտոցիկլով վթարի են ենթարկվել ՌԴ քաղաքացի ամուսինները
    Այսօր՝ մարտի 2-ին, մոտոցիկլի մասնակցությամբ վթար է տեղի ունեցել Վայոց ձորի մարզում։ Ժամը 15։00-ի սահմաններում «BMW» մակնիշի մոտոցիկլը Երևան-Մեղրի ավտոճանապարհի 96․8 կմ հատվածում, դեռևս անհայտ հանգամանքներում կողաշրջվել է։ Ինչպես հայտնում է ֆոտոլրագրող Գագիկ Շամշյանը, մոտոցիկլավարն ու ևս 1 հոգի մարմնական վնասվածքներով տեղափոխվել են «Եղեգնաձոր» բժշկական կենտրոն։ Վիրավորներին առաջինը օգնության են հասել քաղաքացիները, Վայոց ձորի մարզի ՊԾ գումարտակի պարեկներն ու Եղեգնաձորի հիվանդանոցի շտապօգնության բժիշկների հերթապահ խումբը։ Դեպքի վայր են ժամանել ՀՀ Ներքին գործերի նախարարության փրկարար ծառայության Եղեգնաձորի թիվ 59 հրշեջ փրկարարական ջոկատից՝ 1 մարտական հաշվարկ։ Վիրավորներից մեկին քաղաքացիների օգնությամբ փրկարարները պատգարակով մոտեցրել են շտապօգնության ավտոմեքենային։ Վթարի փաստով քննչական վարչությունում նախաձեռնվել է քրեական վարույթ, որտեղ էլ պարզվում են հիվանդանոց տեղափոխված մոտոցիկլավարի ու ուղևորի ինքնությունը։ Գ․ Շամշյանի տեղեկություններով՝ նրանք են Ռուսաստանի Դաշնության քաղաքացներ 40-ամյա Արտյոմ Յարցևն ու 34-ամյա Յուլիա Յարցևան, ովքեր ամուսնիններ են։
    19:15
    02.03.24
    Ավելին
  • Img default alt hy
    Հասարակական
    Վթար՝ Կապան քաղաքի օդանավակայանի մոտակայքում
    Մարտի 2-ին, ժամը 13:00-ին Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Կապան քաղաքի օդանավակայանի մոտակայքում տեղի է ունեցել ՃՏՊ. անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, բախվել են «GAZ» (վարոդ՝ Հ. Ա. ծնված 1998 թ.) և «Howo» (վարորդ՝ Պ. Ղ.) մակնիշների բեռնատարները, ինչի հետևանքով «GAZ» մակնիշի բեռնատարը կողաշրջվել է: Մինչ փրկարարների կանչի վայր հասնելը՝ «GAZ» մակնիշի ավտոմեքենայի վարորդը հոսպիտալացվել է բժշկական կենտրոն, որտեղ բժիշկները տուժածի առողջական վիճակը գնահատել են բավարար: Փրկարարները հոսանքազրկել են «GAZ» մակնիշի ավտոմեքենան։
    19:00
    02.03.24
    Ավելին
  • Img default alt hy
    Միջազգային
    Ուկրաինան հայտարարել է ռուսական Սու-34 կործանիչ խոցելու մասին
    Ուկրաինայի ԶՈւ օդային ուժերի հրամանատարությունը մարտի 2-ին հայտարարել է նախօրեի առավոտյան ռուսական ևս մեկ Սու-34 կործանիչ ոչնչացնելու մասին: «Արմենպրես»-ի տեղեկացմամբ՝ այդ մասին հայտնում է Deutsche Welle-ն՝ հիմնվելով Facebook-ում ուկրաինական օդուժի էջում ներկայացված տեղեկատվությանը: Հաղորդագրությունում, մասնավորապես, նշվում է, որ արևելյան ուղղությամբ ոչնչացվել է հակառակորդի Սու-34 կործանիչ-ռմբակոծիչը, որը փորձել է կառավարվող ավիառումբերով հարվածներ հասցնել ուկրաինական դիրքերին: Հրապարակման պատրաստման պահին ռուսական կողմը դեռ պաշտոնապես չէր արձագանքել այս տեղեկությանը: Ուկրաինայի զինվորականների հաղորդած տեղեկությունների համաձայն՝ վերջին երկու շաբաթվա ընթացքում խոցվել է ռուսական 12 ռազմական ինքնաթիռ, որից 9-ը՝ Սու-34։ Ուկրաինական կողմը հայտնել է, որ մարտի 2-ի գիշերը ռուսական զորքերը երեք К-59/Х-35 կառավարվող ավիացիոն հրթիռներով և 17 «Շահեդ» հարվածային անօդաչու թռչող սարքերով գրոհել է Ուկրաինայի զինուժի դիրքերը: Նշվում է, որ այդ ԱԹՍ-երից 14-ը խոցվել է Օդեսայի, Նիկոլաևի, Զապորոժիեի, Խարկովի, Սումիի և Դնեպրոպետրովսկի մարզերում: Օդեսայի և Խարկովի մարզերում խոցված ԱԹՍ-երի բեկորներից կան զոհվածներ և վիրավորներ։ Ուկրաինական կողմը հայտնել է Օդեսայում 4 մարդու, այդ թվում՝ 3-5 տարեկան երեխայի, զոհվելու մասին:
    18:45
    02.03.24
    Ավելին
  • Img default alt hy
    Քաղաքական
    Հայաստան է այցելում Հունաստանի պաշտպանության նախարարը
    Մարտի 1-ին Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը հանդիպեց Հունաստանի ազգային պաշտպանության նախարար Նիկոս Դենդիասին։ Հունաստանում ՀՀ դեսպանությունից հայտնում են, որ կողմերը քննարկել են պաշտպանության ոլորտում Հայաստանի և Հունաստանի միջև երկկողմ համագործակցության ուղղությամբ իրականացված և իրականացվելիք քայլերը։ Այս համատեքստում անդրադարձ կատարվեց ՀՀ պաշտպանության նախարարի 2023 թ․ դեկտեմբերին Հունաստան կատարած պաշտոնական այցի ընթացքում ձեռք բերված պայմանավորվածությունների իրականացման ընթացքը։ Դեսպան Տիգրան Մկրտչյանն ընդգծեց, որ գալիք շաբաթ Հունաստանի պաշտպանության նախարարի պաշտոնական այցը Հայաստան նոր լիցք կհաղորդի ռազմական ոլորտում երկու երկրների ընդլայնվող համագործակցությանը։
    18:15
    02.03.24
    Ավելին
  • Img default alt hy
    Քաղաքական
    ՏԵՂԵԿԱՆՔ № 39՝ Նիկոլ Փաշինյանին ընտրածների համար
    Նիկոլ Փաշինյանն ընթերցեց «100 փաստ Նոր Հայաստանի մասին», որի 93-րդը հետևյալի մասին էր․ «Ազգային ժողովը հաստատել է «Ապօրինի ծագում ունեցող գույքի բռնագանձման մասին» օրենքը, որով նախատեսում է ապօրինի ծագում ունեցող գույքի բռնագանձում, եթե դրա արժեքը գերազանցում է 50 մլն դրամը: Օրենքը թույլ է տալիս այնպիսի գույքի բռնագանձում, որի ձեռքբերումը չի հիմնավորվում եկամտի օրինական աղբյուրներով։ Օրենքը տարածվելու է միայն քաղաքական գործիչների և գործարարների չհաշվառված գույքի վրա, և ուսումնասիրության ենթակա են 1991 թվականի սեպտեմբերի 21-ից հետո ձեռք բերված գույքերը: Գլխավոր դատախազության կազմում գործելու է նոր իրավասու մարմին, որը թույլ կտա ակտիվների ուսումնասիրություն իրականացնել և պետության օգտին բռնագանձել ապօրինի ծագում ունեցող գույքը»:
    18:05
    02.03.24
    Ավելին
  • Img default alt hy
    Մշակույթ
    «Disney»-ն առաջին անգամ մուլտֆիլմի փոքր դրվագով անդրադարձել է հայկական մշակույթին (տեսանյութ)
    «Mickey Mouse Funhouse» ֆիլմի փոքր դրվագում, որը ցուցադրվել է «Disney Channel»-ով, հայտնի Մինի Մաուսն ու իր ընկերները նշում են «Վարդավառ»-ը: Այս մասին հաղորդագրություն է հրապարակվել «Armenianfilmsociety»-ի «Ինստագրամ»-ի պաշտոնական էջում: Հաղորդագրության մեջ նշվում է, որ ֆիլմի սցենարի հեղինակը Քեթլին Սարնելի Կապուկչյանն է, որի ամուսինը հայ է։ «Այդ դրվագում Մինի Մաուսը սխալ հանդերձանք է կրում «Վարդավառ»-ը տոնելու համար: Մինիին, Միկիին և նրանց ընկերներին ողջունում է Աստղիկ աստվածուհին, որը հայկական ավանդական տարազ է կրում: Աստվածուհին իջնում ​​է իր կախարդական տաճարից և ջուր է շաղ տալիս նրանց վրա»,-ասվում է նկարագրության մեջ: Այդ իրադարձությունները տեղի են ունենում առասպելների և լեգենդների երկրում, որը կառուցված է հայկական ճարտարապետության օրինակով, մասնավորապես՝ Գառնիի և Կասկադի հիման վրա՝ ստեղծելով երկու վայրերի միաձուլում: Աստղիկի կերպարը հնչյունավորել է Լիանա Բդևին: Նրա մայրը հայուհի է, իսկ հայրը՝ լիբանանցի։ Դրվագը հագեցած է հայկական մշակութային տարրերով: Մինին հայկական տարազ է կրում, խոսում են հայերեն, իսկ սիրված հերոսներ Չիփն ու Դեյլը թան են վաճառում, խորոված պատրաստում: Մուլտֆիլմի այդ դրվագը միակն է, որով «Disney»-ն առաջին անգամ անդրադարձել է հայկական մշակույթին:
    18:00
    02.03.24
    Ավելին
  • Img default alt hy
    Արտաքին քաղաքականություն
    Հայ-թուրքական սահմանի բացման ուղղությամբ առաջընթաց դեռևս չկա. Քըլըչ
    Անթալիայում ընթացող Դիվանագիտական համաժողովին պատասխանել են Հայաստանի հետ սահմանի բացման մասին հարցին։ Մասնավորապես, ինչպես փոխանցում է «Ռիա Նովոստի»-ին, Երևանի հետ հարաբերությունների կարգավորման հարցով Թուրքիայի հատուկ ներկայացուցիչ Սերդար Քըլըչը հայտարարել է, որ երրորդ երկրների քաղաքացիների համար հայ-թուրքական սահմանի բացման ուղղությամբ առաջընթաց դեռևս չկա, Անկարան և Երևանն այդ ուղղությամբ աշխատանք են տանում։ «Առայժմ տեղաշարժ չկա, աշխատում ենք», — ասել է նա։ ՀՀ ԱԺ փոխխոսնակ, հայ-թուրքական հարաբերությունների կարգավորման գործընթացում Հայաստանի հատուկ ներկայացուցիչ Ռուբեն Ռուբինյանն էլ նշել է, որ Հայաստանն ու Թուրքիան աշխատում են բացել սահմանը երրորդ երկրների քաղաքացիների և դիվանագիտական անձնագրեր ունեցող անձանց համար։
    17:45
    02.03.24
    Ավելին
  • Img default alt hy
    Քաղաքական
    Ավտոներկրողները կշրջափակեն ՊԵԿ-ը. «Հրապարակ»
    Պետական եկամուտների կոմիտեի շուրջ բունտ է հասունանում։ Ավտոներկրողները պատրաստվում են շրջափակել ՊԵԿ-ը։ Բանն այն է, որ Հայաստանի հարկային մարմինը արդեն շուրջ մեկ տարի է չի վերադարձնում տնտեսվարողների մեքենաների վաճառքի ավելացված արժեքի հարկը՝ ԱԱՀ-ն։ Թեմային լավատեղյակ՝ «Հայաստան» խմբակցության պատգամավոր Գառնիկ Դանիելյանը «Հրապարակ»-ի հետ զրույցում շեշտում է՝ ՊԵԿ-ը քննչական կոմիտեի հետ միասին տնտեսվարողներին ռեկետի են ենթարկում, նպատակ ունեն այս բիզնեսն էլ իրենցով անել՝ մոնոպոլիա ստեղծել։ 
    17:30
    02.03.24
    Ավելին
  • Արտաքին քաղաքականություն
    Փլուզվող պետություններ՝ ռազմաճակատ դարձած աշխարհում. պատերազմներ, որոնք չեն ավարտվում
    Որպես կանոն՝ պատերազմները սկսվում ու չեն ավարտվում, դրանք կարող են սառեցվել ու, կախված աշխարհաքաղաքական զարգացումներից, թեժանալ: Ի՞նչ ճաշ է եփվում վերջին 3 տարում առաջիկա տասնամյակների համար: Մարդկությանը «նոր աշխարհակարգ» է պետք, որը կփոխարինի վերջին 50 տարում գործողին: Անցած տարվա հոկտեմբերին հայտարարել է ԱՄՆ նախագահը և խոսել այնպիսի միավորման մասին, որ նախկինում չի ստեղծվել:
    17:27
    02.03.24
    Ավելին
  • Img default alt hy
    Իրավական
    Կալանավորվել է «Նուբարաշեն» ՔԿՀ-ի նախկին պետը. իրավապահ մարմինների ռեյդին խոչընդոտելու հետևանքը․ 168․am
    2023թ. մայիսի 23-ին 168.am-ը գրել էր, որ իրավապահ մարմինները «ռեյդեր» են իրականացրել ՀՀ ԱՆ քրեակատարողական հիմնարկներում: Մասնավորապես, Ազգային անվտանգության ծառայության (ԱԱԾ) և այլ իրավապահ մարմինների աշխատակիցներ խուզարկություններ էին իրականացրել «Արմավիր», «Դատապարտյալների հիվանդանոց» և «Նուբարաշեն» քրեակատարողական հիմնարկներում, ինչպես ազատազրկված անձանց խցերում, այնպես էլ աշխատակիցների կաբինետներում: Գրել էինք նաև, որ իրավապահներն առգրավել են «Դատապարտյալների հիվանդանոց» և «Նուբարաշեն» ՔԿՀ-ների պետերի հեռախոսները, համակարգիչներն ու էլեկտրոնային կրիչները: ԱԱԾ և Քննչական կոմիտեի (ՔԿ) աշխատակիցների ուշադրության կենտրոնում ՔԿՀ-ներն ու նրանց աշխատակիցները հայտնվել էին այն պատճառով, որ նշյալ կառույցներում հստակ ինֆորմացիա է ստացվել առ այն, որ ՔԿՀ-ներում ահռելի չափերի է հասել հեռախոսների, Wi-Fi սարքերի, թմրամիջոցների շրջանառությունը: Մասնավորապես, տեղեկություն է եղել, որ կալանավորված անձինք ու դատապարտյալներն ազատազրկման վայրերից անգամ տուժողների հետ են կապ հաստատել: Տեղեկացրել էինք նաև, որ իրավապահների անակնկալ այցը ՔԿՀ-ներ առանց միջադեպերի չի անցել: Օրինակ, «Նուբարաշեն» ՔԿՀ-ում աշխատակիցները փորձել էին խոչընդոտել իրավապահների աշխատանքը, և դա այն դեպքում, երբ քննիչներն իրենց հետ ունեցել են խուզարկության որոշում։ 168.am-ի տեղեկություններով՝ քրեակատարողական հիմնարկի աշխատակիցների կողմից ՔԿ-ի ու ԱԱԾ-ի աշխատանքներին խոչընդոտման փաստի առթիվ հարուցվել էր քրեական վարույթ: Շուրջ երկու ամիս անց՝ հուլիսի 6-ին, «Նուբարաշեն» ՔԿՀ պետ Կարեն Խաչատրյանն ազատվեց պաշտոնից, ապա փոխադրվեց Քրեակատարողական ծառայության կենտրոնական մարմին՝ ղեկավարելու անվտանգության ապահովման բաժինը: «Նուբարաշենում» տեղի ունեցած ռեյդերն անհետևանք չէին անցել. Կարեն Խաչատրյանը սրտի հետ կապված խնդիրների պատճառով տևական ժամանակ հիվանդանոցային բուժում էր ստացել: Հարուցված քրեական գործով նախաքննությունը, սակայն, շարունակվում էր, և 168.am-ը տեղեկացավ, որ օրերս Կարեն Խաչատրյանը կալանավորվել է: Քննչական կոմիտեի (ՔԿ) մամլո խոսնակ Գոռ Աբրահամյանը հաստատեց մեր տեղեկությունը: «Կոմիտեում քննվող քրեական վարույթով տվյալ անձին ներկայացվել է մեղադրանք քրեական օրենսգրքի 441-րդ հոդածի 2-րդ մասի 4-րդ կետի հատկանիշներով, նրա նկատմամբ որպես խափանման միջոց է ընտվել կալանքը։ Ելնելով նախաքննության շահերից՝ այս պահին այլ տվյալներ հրապարակման ենթակա չեն»,- մեզ հետ զրույցում ասաց Գոռ Աբրահամյանը: Հոդված 441. Պաշտոնատար անձի կողմից իշխանական կամ ծառայողական լիազորությունները կամ դրանցով պայմանավորված ազդեցությունը չարաշահելը կամ լիազորություններն անցնելը 1. Պաշտոնատար անձի կողմից իր իշխանական կամ ծառայողական լիազորությունները կամ դրանցով պայմանավորված ազդեցությունն ի վնաս պետական կամ ծառայողական շահերի օգտագործելը կամ իր ծառայողական պարտականությունը չկատարելը կամ ոչ պատշաճ կատարելը կամ այնպիսի արարք կատարելը, որը չի բխում իր լիազորություններից կամ դուրս է իր լիազորությունների շրջանակից, որն էական վնաս է պատճառել անձի կամ կազմակերպության իրավունքներին, ազատություններին կամ օրինական շահերին կամ հասարակության կամ պետության օրինական շահերին՝ 2. Սույն հոդվածի 1-ին մասով նախատեսված արարքը, որը` 1) կատարվել է բռնություն գործադրելով կամ բռնություն գործադրելու սպառնալիքով, 2) պատճառել է առանձնապես խոշոր չափերի գույքային վնաս, 3) կատարվել է զենք կամ հատուկ միջոց օգտագործելով, 4) կատարվել է մի խումբ պաշտոնատար անձանց կողմից նախնական համաձայնությամբ:
    17:23
    02.03.24
    Ավելին
  • Img default alt hy
    Հայաստան
    Խոշտանգել ու ծեծել են հադրութեցի տարեց տղամարդուն, որդուն՝ տանջամահ արել ու հուղարկավորել գյուղում․ MediaHub
    «44-օրյա պատերազմի ժամանակ, երբ Հադրութը սկսվեց տարհանվել, եղբայրս՝ Արսենը, հոկտեմբերի 7-ին մեզ բերեց Տող գյուղ, մենք այնտեղից եկանք Ստեփանակերտ։ Ինքը հետ էր գնացել, որ պապիկին ու նաև մեր անձնական իրերը բերի։ Գնացել ու այդպես էլ չի եկել։ Մինչև հոկտեմբերի 10-ը՝ Հադրութի անկումը, ինքը զանգել է մեզ, ասել, որ լավ են։ Քանի դեռ հրետակոծվում էին ճանապարհները, մնացել են մի քիչ հանդարտվի, հետո դուրս գան։ Բայց հոկտեմբերի 10-ին Հադրութը գրավվել է, այնտեղ գտնվող զորքը հետ է քաշվել, մի քանի հոգի գերեվարվել են, նրանց հետ` նաև հայրս ու եղբայրս»,- ասում է Զինաիդան։
    17:15
    02.03.24
    Ավելին
  • Img default alt hy
    Քաղաքական
    Հայաստանը պատրաստ է Թուրքիայի հետ լիակատար կարգավորման և սահմանի բացման. Ռուբեն Ռուբինյան
    Հայաստանը պատրաստ է Թուրքիայի հետ հարաբերությունների լիակատար կարգավորմանը և սահմանի բացմանը։ CNN Türk-ին տված հարցազրույցում ասել է ՀՀ ԱԺ փոխնախագահ, հայ-թուրքական հարաբերությունների կարգավորման հարցերով ՀՀ հատուկ ներկայացուցիչ Ռուբեն Ռուբինյանը։ «Մենք այսօրվա դրությամբ խոչընդոտներ չենք տեսնում Թուրքիայի հետ հարաբերությունների լիարժեք կարգավորման, դիվանագիտական հարաբերությունների համար, այսօր պատրաստ ենք սահմանի բացմանը», -ասել է նա:
    17:00
    02.03.24
    Ավելին
  • Img default alt hy
    Միջազգային
    Լուկաշենկոն և Պուտինը մոտ մեկ ժամ տևողությամբ հեռախոսազրույց են ունեցել
    Բելառուսի նախագահ Ալեքսանդր Լուկաշենկոն և Ռուսաստանի նախագահ Վլադիմիր Պուտինը հեռախոսազրույց են ունեցել։ Այն տևել է մոտ մեկ ժամ։ Ինչպես հաղորդում է «Արմենպրես»-ը, այս մասին ասվում է «ԲԵԼՏԱ» գործակալության հրապարակած հաղորդագրության մեջ։ Կողմերը քննարկել են ԵԱՏՄ-ի և ՀԱՊԿ-ի աշխատանքին առնչվող հարցեր, միջազգային թեմաներ և տարածաշրջանում տիրող իրավիճակը։ Պետությունների ղեկավարները նաև անդրադարձել են երկու երկրների հարաբերություններին վերաբերող հարցերին ու նախանշել մոտ ապագայի հեռանկարները։
    16:45
    02.03.24
    Ավելին
  • Img default alt hy
    Արտաքին քաղաքականություն
    Ռուսաստանն ակնկալում է, որ Երևանը հայտարարի ՀԱՊԿ-ին իր մասնակցության վերաբերյալ վերջնական որոշումը. Լավրով
    Ռուսաստանը հետևում է Հայաստանի ղեկավարության հայտարարություններին և նկատի կունենա դրանք։ Այս մասին հայտնել է ՌԴ արտաքին գործերի նախարար Սերգեյ Լավրովը Անթալիայի դիվանագիտական ֆորումից հետո հրավիրված մամուլի ասուլիսում։ «Այն հայտարարությունները, որոնք հնչում են ամեն օր հայ ղեկավարության կողմից, ստիպում են մտածել, թե ինչ է տեղի ունենում իրականում… և ինչպես դա հաշվի առնել մեր գործնական քայլերում»,- ասել է Լավրովը։ Լավրովի խոսքով՝ Բաքվում «հաստատում են իրենց պատրաստակամությունը՝ լուծել բոլոր հարցերը ՌԴ, Ադրբեջանի և Հայաստանի եռակողմ հայտարարությունների շարքին համապատասխան։ «Մոսկվան պատրաստ է շարունակել աջակցել և այն բանում, ինչը վերաբերում է տարածաշրջանում բոլոր հաղորդակցությունների ապաշրջափակմանը, և սահմանազատման… և, հետևաբար, խաղաղության պայմանագրի պատրաստման հարցում»,- ասել է Լավրովը։ Խոսելով ՀԱՊԿ-ից Հայաստանի հնարավոր դուրս գալու մասին՝ Լավրովն ասել է ․ «Ռուսաստանը սպասում է, որ Երևանն արդեն վերջնական որոշում կայացնի ՀԱՊԿ-ին իր մասնակցության վերաբերյալ, նրանք պետք է կողմնորոշվեն։ Հայտարարություններն այն մասին, թե ՀԱՊԿ-ը Հայաստանին նեղության մեջ է գցել Ղարաբաղի հետ կապված, չեն համապատասխանում իրականությանը: Ափսոս, որ Երևանը որոշել է Ռուսաստանի հետ հարաբերությունների վատթարացման գիծ տանել»,- եզրափակել է Սերգեյ Լավրովը։
    16:35
    02.03.24
    Ավելին