Լրահոս

««Երեխա – շուն» միջադեպը ոչ առաջինն էր, ոչ էլ վերջինը, և որքան էլ կենդանասերները մեղադրում են մարդկանց շների ագրեսիվ վարքագծի ձևավորման մեջ, երեխաներին, ովքեր հաճախ հարձակվում են՝ պաշտպանվելու կամ չվախենալու համար, և այլ պատճառներ են բերում արդարացնելու որոշ շների վարքը, հաստատ մահացած երեխան այդ ագրեսիայի մեղավորը չէր և չպետք է տուժեր ոչ այդ շներից, ոչ էլ մարդկանց ագրեսիայով ագրեսիվացած շներից….

Եվրամիությունը կարևոր քաղաքական քայլ է համարում Հայաստանի և Ադրբեջանի համատեղ հայտարարությունը և պատրաստ է աջակցել տարածաշրջանում խաղաղության հասնելու ջանքերին։ Այս մասին հայտարարել է ԵՄ արտաքին գործերի ու անվտանգության քաղաքականության հարցերով բարձր ներկայացուցիչ Ժոզեպ Բորելը։

Գյումրու Սբ. Ամենափրկիչ եկեղեցում դեկտեմբերի 7-ի երեկոյան տեղի ունեցավ Սպիտակի ավերիչ երկրաշարժի 35-րդ տարելիցին նվիրված համերգ՝ հնչեց Տիգրան Մանսուրյանի «Ռեքվիեմ»-ը:

Իսրայելական պաշտպանության բանակը պայթեցրել է Ջաբալիայի քաղաքապետարանի շենքը և համալսարանը: Նուսեյրաթ փախստականների ճամբարի հրետակոծության հետևանքով զոհվել է հինգ մարդ: Գազայի հատվածում վիրավորված շուրջ 7 հազար պաղեստինցի ծանր վիճակում է։ Այս մասին հայտարարել է Պաղեստինի առողջապահության նախարարության ներկայացուցիչը։ Գազայի հատվածում 42 հազար պաղեստինցի է վիրավորվել: Ավելի քան 7 600 մարդ անհետ կորած է համարվում:

Դեկտեմբերի 8-ին, ժամը 08:29-ին Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Քուչակ-Շենավան ավտոճանապարհի 4-րդ կմ-ին տեղի է ունեցել ՃՏՊ, կան տուժածներ․ անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Ապարան-Հարթավան ավտոճանապարհի 13-րդ կմ-ին բախվել են «Opel Zafira» (վարորդ՝ Ս. Մ., ծնված 1986 թ․), «Opel Astra» (վարորդ՝ Ա. Հ., ծնված 1989 թ.), «GAZ» (վարորդ՝ Մ. Վ., ծնված 1976 թ.), «VAZ» (վարորդ՝ Ն. Մ., ծնված 1990 թ․) մակնիշների ավտոմեքենաները և «MAN» մակնիշի բեռնատարը (վարորդ՝ Ս. Թ., ծնված 1981 թ.)։ Մինչ փրկարարների կանչի վայր հասնելը՝ «VAZ» մակնիշի ավտոմեքենայի վարորդը, «GAZ» մակնիշի ավտոմեքենայի ուղևորներ Ն. Վ.-ն (ծնված 2004 թ․) և Գ. Ու.-ն (ծնված 1991 թ․) հոսպիտալացվել են բժշկական կենտրոն, որտեղ տուժածների առողջական վիճակը գնահատվել է բավարար։ ՃՏՊ-ի հետևանքով բժշկական կենտրոն է տեղափոխվել ևս 5 քաղաքացի։ Փրկարարները սահմանազատել են տարածքը, հոսանքազրկել ավտոմեքենաները և փակել գազի բալոնների փականները։

«Ռուսաստանի և ՆԱՏՕ-ի միջև ուղիղ բախման սպառնալիքը, որը կհանգեցնի երրորդ համաշխարհային պատերազմին, երբեք այսքան իրական չի եղել Կուբայի հրթիռային ճգնաժամից հետո»,- հայտարարել է Ռուսաստանի Անվտանգության խորհրդի փոխնախագահը: Դմիտրի Մեդվեդևի պնդմամբ՝ Միացյալ նահանգների նախագահ Ջո Բայդենի վարչակազմը շանտաժի է ենթարկում Կոնգրեսին, որպեսզի Ուկրաինայի համար ռազմական օգնության նոր փաթեթ հատկացվի: Մեդվեդևը վստահ է, որ Բայդենի վարչակազմն ու Ուկրաինայի իշխանությունները, բնականաբար ստանալու են այդ գումարները: «Այդ գումարների համար արյան նոր գետեր են հոսելու, որոնց պատասխանատվությունը կրում է Բայդենների ընտանիքը,- Տելեգրամում գրել է դաշնության Անվտանգության խորհրդի փոխնախագահը:

Երեկ՝ դեկտեմբերի 7-ին, վրաերթ է տեղի ունեցել Շիրակի մարզում։ Ժամը 15:30-ի սահմաններում Շիրակի մարզի բնակիչ 27-ամյա Գայանե Պ.-ն իր վարած Infinity մակնիշի ավտոմեքենայով Գյումրի քաղաքում՝ Վ. Սարգսյան 30 հասցեի դիմաց, վրաերթի է ենթարկել հետիոտն՝ 13-ամյա Նադեժդա Գ.-ին։

ՆԳ փոխնախարար Արփինե Սարգսյանը բացման խոսքով հանդես է եկել Եվրոպայի խորհրդի կողմից իրականացվող «Աջակցություն Հայաստանում Պրոբացիայի ծառայության հզորացմանը» և «Ազատությունից զրկված անձանց իրավունքների պաշտպանության ամրապնդումը» ծրագրերի համատեղ Համակարգող խորհրդի 2-րդ նիստում: ՆԳ փոխնախարարը Կառավարության անունից շնորհակալություն է հայտնել Եվրոպայի խորհրդին ՝ մասնավորապես ընդգծելով իրականացվող ծրագրերին ՆԳ նախարարության նոր շահառու լինելու հանգամանքը, ինչը լավ հիմք է համագործակցությունն ընդլայնելու և արդյունավետ շարունակելու համար։ Արփինե Սարգսյանը նշել է, որ կբարելավվեն ձերբակալվածների պահման վայրերում խոշտանգման և վատ վերաբերմունքի այլ դրսևորումների արձանագրման ընթացակարգերը: ՆԳ փոխնախարարը կարևորել է այդ վայրերում գտնվող անձանց իրավունքների և երաշխիքների ապահովման, նաև ծառայողների կարողությունների զարգացման ուղղությամբ իրականացվող աշխատանքները՝ ընդգծելով գործառույթների պատշաճ իրականացման և արդյունավետության բարձրացման ուղղությամբ իրականացվող վերապատրաստումները։ Արփինե Սարգսյանն անդրադարձել է քրեակատարողական հիմնարկների և ձերբակալվածների պահման վայրերի ընդհանրություններին ու առանձնահատկություններին, նաև քաղաքացիական հասարակության վերահսկողությանը՝ ներկայացնելով հասարակական դիտորդների ներգրավման գործող կարգն ամբողջությամբ վերանայելու մոտեցումները, ինչը կբարձրացնի քաղաքացիական հասարակության վերահսկողության արդյունավետությունը։ Ծրագրերը ֆինանսավորվում են Եվրոպայի խորհրդի կողմից Հայաստանի համար 2023-2026 թթ. իրականացվող գործողությունների ծրագրի շրջանակներում։ Հանդիպման ընթացքում ներկայացվել են նաև այս տարվա մարտից նոյեմբեր ընկած ժամանակահատվածում ծրագրերի շրջանակում իրականացված գործողությունները, արդյունքների գնահատման ու ընթացիկ մեթոդների վերաբերյալ մանրամասները, նաև առաջիկա 6 ամիսների աշխատանքային պլանը։ Գործընթացը կազմակերպվելու է 2024 թվականի հունվարից։

Այս օրերին 5 մարզերի շուրջ 2200 ընտանիքի բաշխվում է ընդհանուր առմամբ 109,8 տոննա ցորենի ալյուր. X-ի իր միկրոբլոգում տեղեկացնում է Կարմիր խաչի գրսենյակը։ «Դեռ հոկտեմբերին Հայկական կարմիր խաչ ընկերությանը նվիրաբերեցինք պարենային փաթեթներ և այլ պարագաներ, որոնք նախատեսված էին Ղարաբաղից Հայաստան փախած մարդկանց միջև բաժանելու համար»,-գրել է ԿԽՄԿ-ն։

Թուրքիայի արտգործնախարարությունը Հայաստանին ու Ադրբեջանին մաղթել է խաղաղության պայմանագրի շուտափույթ ստորագրում: Այսպես Անկարան արձագանքել է Հայաստանի ու Ադրբեջանի ղեկավարների վարչակազմերի համատեղ հայտարարությանը: «Ողջունում ենք Ադրբեջանի նախագահի աշխատակազմի և Հայաստանի վարչապետի աշխատակազմի համատեղ հայտարարության մեջ երկու երկրների միջև վստահության ամրապնդման որոշ կոնկրետ քայլեր ձեռնարկելու որոշումը, աջակցում ենք վստահության ամրապնդման լրացուցիչ քայլերի վերաբերյալ քննարկումները շարունակելու որոշումը»: Խաղաղության պայմանագրի կնքումը կդառնա Հարավային Կովկասում մշտական խաղաղության ու կայունության հաստատման գործընթացի կարևորագույն իրադարձություններից մեկը՝ ըստ Թուրքիայի արտգործնախարարության:

Բարձրագույն դատական խորհրդի անդամներ Նաիրա Հովսեփյանը, Քրիստինե Մկոյանը և Դատական դեպարտամենտի ղեկավարի տեղակալ Արշակ Վարդապետյանն ընդունել են աշխատանքային այցով ՀՀ-ում գտնվող Միջազգային իրավական համագործակցության գերմանական հիմնադրամի (IRZ) ներկայացուցիչներին՝ Հարավարևելյան Եվրոպայում և Հարավային Կովկասում իրականացվող ծրագրերի բաժնի ղեկավար Ֆրանկ Հուփֆելդին և հայաստանյան ծրագրերի համակարգող Նարինե Թումասյանին:

Մինչև Ադրբեջանում պահվող գերիները չհատեն Հայաստանի Հանրապետության պետական սահմանը, Հայաստանը չի կարող անուններ հրապարակել։ Լրագրողների հետ ճեպազրույցում այս մասին հայտարարեց ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանն՝ անդրադառնալով ադրբեջանական մամուլում հրապարակված գերիների ցուցակի իսկությանը։ «Ես կխուսափեմ որևէ անուն հնչեցնել, նախ, որ մանրամասներին ծանոթ չեմ և, բացի այդ՝ շատ զգայուն թեմա է: Մինչև գերիները չհատեն Հայաստանի Հանրապետության պետական սահմանը, կարծում եմ, պետք չէ շրջանառել անուններ, որովհետև հասկանում ենք, թե ինչքան բարդ կարող է լինել դա գերիների հարազատների համար։ Մինչև գերիները չհատեն ՀՀ պետական սահմանը, կարծում եմ, Հայաստանը չի կարող անուններ հրապարակել»,- շեշտեց Խանդանյանը։ Հարցին, թե երբ կվերադարձվեն գերիները՝ Խանդանյանը պատասխանեց. «Ըստ հայտարարության՝ դա պետք է տեղի ունենա շատ մոտակա ժամանակահատվածում. ժամերի կամ օրերի հարց է։ Եթե չեմ սխալվում, գերիների վերադարձի գործընթացը պետք է տեղի ունենա Հայաստանի և Ադրբեջանի պետական սահմանին»։ Դեկտեմբերի 7-ին Հայաստանի Հանրապետության վարչապետի աշխատակազմը և Ադրբեջանի Հանրապետության նախագահի վարչակազմը հրապարակել են համատեղ հայտարարություն։ Հայաստանի Հանրապետության վարչապետի աշխատակազմի և Ադրբեջանի Հանրապետության նախագահի վարչակազմի միջև բանակցությունների արդյունքում պայմանավորվածություն է ձեռք բերվել, որ Ադրբեջանի Հանրապետությունն ազատ է արձակում 32 հայ զինծառայողի, իսկ Հայաստանի Հանրապետությունն իր հերթին ազատ է արձակում 2 ադրբեջանցի զինծառայողի։

Դեկտեմբերի 8-ին, ժամը 00:15-ին Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Սիսիան-Գորայք ավտոճանապարհին տեղի է ունեցել ՃՏՊ. անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Սիսիան-Գորայք ավտոճանապարհի 34-րդ կմ-ին Renault մակնիշի բեռնատարը (վարորդ՝ Չ․ Տ․, ծնված 1983 թ․) դուրս է եկել ճանապարհի երթևեկելի հատվածից, սահել դեպի ձորը (մոտ 25 մ) և կողաշրջվել․ վարորդն ինքնուրույն դուրս է եկել ավտոմեքենայից։ Փրկարարները ուղևոր Չ․ Տ․-ին (ծնված 1988 թ․) դուրս են բերել ավտոմեքենայից և մոտեցրել շտապօգնության ավտոմեքենային։ Տուժածը հոսպիտալացվել է բժշկական կենտրոն, որտեղ բժիշկները նրա առողջական վիճակը գնահատել են բավարար: Փրկարարները հոսանքազրկել են ավտոմեքենան:

Կառավարությունը նպատակ ունի ապահովել սնանկության ամբողջ վարույթը էլեկտրոնային եղանակով իրականացնելու հնարավորությունը, ինչպես նաև լուծել իրավակիրառ պրակտիկայում ծագած որոշ հրատապ խնդիրները։ Ազգային ժողովում համապատասխան նախագիծը ներկայացրեց ՀՀ արդարադատության նախարարի տեղակալ Արա Մկրտչյանը՝ հավելելով, որ նախագիծը բխում է դատական և իրավական ոլորտի 2022-2026 թվականների բարեփոխումների ռազմավարությունից։

Տաքսի-ընկերությունները պետք իրենց ծրագրում փոփոխություններ կատարեն, որոնք թույլ կտան ուղևորներին էլեկտրոնային ՀԴՄ կտրոններ տրամադրել։ Դրա շնորհիվ տաքսի ծառայությունների շրջանառությունը կգրանցվի հարկային ծառայությունում։

Հայլուր 12։30 Գերիների անսպասելի վերադարձ. Երևան-Բաքու՝ բարության ժեստեր

Մարդու իրավունքների պաշտպանի աշխատակազմի համար դեկտեմբերի 7-ին անցկացվել է «Պայքար ատելության խոսքի և ատելության շարժառիթով կատարված հանցագործությունների դեմ» թեմայով վերապատրաստման դասընթաց։ Միջոցառումը կազմակերպվել է Միջազգային Իրավական Համագործակցության գերմանական հիմնադրամի (IRZ) աջակցությամբ։ Գերմանական փորձը ՄԻՊ աշխատակազմին ներկայացրել Գյոթինգենի դատախազության ավագ դատախազ, Համացանցում ատելություն առաջացնելուն դեմ ուղղված հանցավորության դեմ պայքարի կենտրոնական մարմնի ներկայացուցիչ Ֆրանկ-Միխաել Լաուեն: Մասնակիցները գործնական օրինակների միջոցով ուսումնասիրել են համացանցում ատելության խոսքի տարածումը, հրահրումը, ինչպես նաև ատելության խոսքի դեմ պայքարին ուղղված՝ քրեական հետապնդման գերմանական մարմինների մոտեցումները և գործող մեխանիզմները։ Բացման խոսքով են հանդես եկել ՀՀ մարդու իրավունքների պաշտպան Անահիտ Մանասյանը, Միջազգային Իրավական Համագործակցության գերմանական հիմնադրամի Հարավարևելյան Եվրոպայի II և Հարավային Կովկասի ծրագրերի ղեկավար Ֆրանկ Հուպֆելդը և Հայաստանում Գերմանիայի դեսպանության ներկայացուցիչ Սոֆի Բրաունը: Պաշտպանն իր բացման խոսքում կարևորել է Միջազգային Իրավական Համագործակցության գերմանական հիմնադրամի հետ համագործակցությունը։ «Ատելության խոսքի հաղթահարումն ինձ համար՝ որպես Մարդու իրավունքների պաշտպան, կարևոր առաջնահերթություններից է։ Մեր հասարակությունում առկա խնդիրներից շատերի հիմքում, ցավոք, առկա անհանդուրժող և խտրական միջավայրն ու ատելության խոսքն են։ Այս տեսանկյունից շատ կարևոր է, որպեսզի մենք կարողանանք ունենալ պատշաճ գործիքակազմ ու հմտություններ ատելության խոսքի և այդ շարժառիթով կատարված հանցագործությունների դեմ պայքար մղելու համար»,- ասել է Անահիտ Մանասյանը։ Մարդու իրավունքների պաշտպանի օգնական Հեղինե Ենգոյանը ներկայացրել է Հայաստանում ատելության հրահրման և բռնության կոչերի համար պատասխանատվություն սահմանող օրենսդրությունը և Պաշտպանի աշխատակազմի արձանագրած օրենսդրական ու գործնական խնդիրները։ Դասընթացի շրջանակներում անդրադարձ է կատարվել նաև ատելության խոսքից բխող վտանգներին, ատելության խոսքը ատելություն հրահրող խոսքի այլ դրսևորումներից տարանջատելու սկզբունքներին, ատելության հրահրման դեմ քրեաիրավական պայքարին վերաբերող գերմանական, եվրոպական, միջազգային իրավական ստանդարտներին և այդ պայքարի արդյունավետության բարձրացմանն ուղղված օրենսդրական փոփոխություններին։ Դասընթացի ավարտին մարդու իրավունքների պաշտպանության ոլորտում ծրագրային այլ միջոցառումների անցկացման պայմանավորվածություն է ձեռք բերվել։

Այսօր՝ դեկտեմբերի 8-ին, մահվան ելքով վրաերթ է տեղի ունեցել Երևանում: Ժամը 04:55-ի սահմմաններում Արմավիրի մարզի բնակիչ՝ 33-ամյա Գևորգ Ասլանյանը Սեբաստիա փողոցում իր վարած Mercedes մակնիշի ավտոմեքենայով վրաերթի է ենթարկել փողոցը չթույլատրելի հատվածով անցնող կին հետիոտնի: Այս մասին հայտնում է shamshyan.com-ը:

ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչությունում քննվող մի քրեական վարույթի նախաքննության ընթացքում կատարված վարութային գործողությունների և ՀՀ պետական եկամուտների կոմիտեի հարկային տեղեկատվության և ռիսկերի վերլուծության վարչության աշխատակիցների իրականացրած ուսումնասիրությունների արդյունքում բացահայտվել է առանձնապես խոշոր չափերով հարկեր չվճարելու նոր դեպքը։ Մասնավորապես, նախաքննությամբ փաստական տվյալներ են ձեռք բերվել այն մասին, որ սուրճի, ձեթի, մակարոնի և պարենային այլ ապրանքների առևտրով զբաղվող «Պ.Ֆ.» ՍՊ ընկերության պատասխանատու անձինք, պակաս հարկեր վճարելու նպատակով, խախտելով ՀՀ հարկային օրենսգրքի պահանջները, 2021 թվականի հունվար ամսից մինչև 2022 թվականի օգոստոս ամիսը ներառյալ թաքցրել են ընկերության շուրջ 1 130 000 000 ՀՀ դրամի շրջանառությունը, վաճառքներ իրականացնելիս դուրս չեն գրել հարկային հաշիվներ և չեն տրամադրել հսկիչ դրամարկղային մեքենայի կտրոններ, իսկ հարկային մարմին ներկայացված հաշվարկներում մտցրել են խեղաթյուրված տվյալներ։ Կատարված հարկային պարտավորությունների հաշվարկի համաձայն՝ հիշյալ ժամանակահատվածում պետական բյուջե չի վճարվել առանձնապես խոշոր չափերով՝ շուրջ 358 000 000 ՀՀ դրամ ավելացված արժեքի հարկ և շահութահարկ։ Դեպքի առթիվ ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչությունում նախաձեռնվել է նոր քրեական վարույթ։ Նախաքննությամբ ձեռք բերված անհերքելի փաստերի ներքո «Պ.Ֆ.» ՍՊ ընկերության տնօրենն ընդունել է առանձնապես խոշոր չափերով հարկեր չվճարելու հանգամանքը և ամբողջությամբ պետական բյուջե է վերականգնել նախկինում չվճարված հարկի գումարը և հաշվարկված տույժերը, որոնք ընդհանուր կազմել են շուրջ 413․000․000 ՀՀ դրամ։

Մամուլի տեսություն 08.12.23