ՆԱՏՕ֊ն մտադրություն չունի մուտք գործել Ուկրաինա ո՛չ ցամաքով, ո՛չ էլ երկնքով. Ստոլտենբերգ

ՆԱՏՕ-ի բազմաթիվ դաշնակիցներ առաջարկել են ռազմական և հումանիտար աջակցություն ցուցաբերել Ուկրաինային։ Այս մասին է վկայում դաշինքի ռազմական կոմիտեի հայտարարությունը։ 

ՆԱՏՕ-ի գլխավոր շտաբների պետերը քննարկել են պաշտպանության և զսպման ապագա ռազմավարությունը։

Չի բացառվում՝ Ուկրաինայի երկնքում «ոչ թռիչքային գոտի» սահմանելու հնարավորությունը։

«Մենք ոչ մի մտադրություն չունենք մուտք գործել Ուկրաինա ո՛չ ցամաքով, ո՛չ էլ երկնքով»,- հայտարարել է դաշինքի գլխավոր քարտուղար Ենս Ստոլտենբերգը։

Նրա խոսքով՝ ներկայումս ՆԱՏՕ-ի վրա դրված է պատասխանատվություն, որպեսզի այդ հակամարտությունը «դուրս չգա վերահսկողությունից, ավելի չսրվի և Եվրոպայում լայնամասշտաբ պատերազմի չվերածվի դաշինքի անդամ պետությունների մասնակցությամբ»։