Թող որ այս գարունը մեր ազգի համար նշանավորվի հաղթանակով․ Առուշանյան

Գորիս համայքնի ղեկավար Առուշ Առուշանյանը շնորհավորում է գարնան առաջին օրվա կապակցությամբ:

«Մաղթում եմ, որ ձեր հոգիները մշտապես պարուրված լինեն գարնանային ջերմությամբ, սիրով ու լույսով:

Գարունը սեր է, նոր կյանքի ու բնության զարթոնքի խորհրդանիշը: Այն նաև նոր ծրագրերի ու ձեռքբերումների, նոր սկզբի, հույսի և ոգու զարթոնքի ժամանակն է:

Թող այս գարնանամուտը անցյալում թողնի բոլոր դժվարություններն ու հիասթափությունները:

Սիրելի' հայրենակիցներ,

Ուզում եմ, որ այս գարնանամուտը բոլորիդ կյանքում նշանավորվի նոր ու կարևոր ձեռքբերումներով:

Թող որ ձեզնից յուրաքանչյուրի ամեն մի նախաձեռնության, ամեն նոր ծրագրի ու գործողության հիմքում լինի մեր հայրենիքի առաջընթացի ու զարգացման, մեր երկրի վաղվա օրվա, մեր լուսավոր գալիքի գաղափարն ու հեռանկարը:

Հավատացե'ք`այդ դեպքում ձեր նախաձեռնությունների պտուղներն ավելի արգասաբեր ու գոհացնող կլինեն:

Գարունը նաև իմաստնության ու մտավոր վերածննդի խորհրդանիշն է: Թող որ այս գարունը մեր ազգի համար նշանավորվի նաև հոգևոր և մտավոր արթնացումի հաղթանակով:

Գարնանային պայծառություն ու ջերմություն ձեզ և ձեր ընտանիքներին:

Աստված բոլորիս պահապան...»։