Վրաստանում արյուն են հավաքում Ուկրաինա ուղարկելու համար

Վրաստանի առողջապահության նախարարությունը կամավորներին կոչ է արել արյուն հանձնել Ուկրաինայի համար: Այդ մասին գրված է նախարարության ֆեյսբուքյան էջում:

«Նախարարությունը սկսում է Ուկրաինային օգնելու համար արյուն հանձնելու ցանկություն ունեցողների գրանցումը, հետաքրքրված մարդիկ կարող են զանգահարել 1505 հեռախոսահամարով կամ գրանցվել կայքում»,- ասված է հաղորդագրության մեջ:

Նախարարությունը հայտնում է, որ հավաքված արյունը պահանջված մշակումից հետո կուղարկվի Ուկրաինա՝ որպես մարդասիրական օգնություն:

Վրաստանի կառավարությունը երկուշաբթի օրը 100 տոննա մարդասիրական օգնություն է ուղարկել Ուկրաինա: