ԱԺ մեծամասնությունը միաձայն մերժել է ընդդիմության` թոշակներն ամեն տարի վերանայելու առաջարկը

ԱԺ-ի այսօրվա նիստում «Քաղաքացիական պայմանագիր» խմբակցությունը 62 դեմ ձայնով մերժել է ընդդիմադիր «Հայաստան» խմբակցության պատգամավոր Աղվան Վարդանյանի հեղինակած` թոշակների ամենամյա ինդեքսավորման մասին նախագիծը ԱԺ օրակարգում ներառելու առաջարկը։

Մինչ քվեարկությունը, հեղինակը, ներկայացնելով նախագիծը, հույս է հայտնել, որ թեև սոցիալական հարցերի մշտական հանձնաժողովը բացասական եզրակացություն է տվել օրենսդրական փոփոխությունների նախագծին, բայց մեծամասնությունը ներկայացնող պատգամավորները թույլ կտան, որ նախագիծն ընդգրկվի ԱԺ նիստի օրակարգում ու քննարկվի։

Հանձնաժողովի նախագահ Հերիքնազ Տիգրանյանն էլ հակառակը` իր ելույթում գործընկերներին կոչ է արել դեմ քվեարկել նախագծին։